Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బాగుందని చెప్పడం అబద్దమే! (1000 అబద్దాలు రివ్యూ)
మొదట్లో తీసిన మూడు నాలుగు సినిమాలు తప్ప అన్నీ ప్లాపులే. హిట్ కొట్టడానికి ఎన్ని ప్రయోగాలు చేసినా విఫలం అవుతూనే ఉన్నాడు. తాజాగా తేజ దర్శకత్వం వహించిన '1000 అబద్దాలు' చిత్రం విడుదలైంది. మరి తేజ చెప్పిన అబద్దాలు ప్రేక్షకులను ఏ మేరకు మెప్పించాయో చూద్దాం..
సత్య (సాయిరాం శంకర్) ఓ యాడ్ ఏజెన్సీ యజమాని. ఈ క్రమంలో సత్య(ఏస్తర్) అనే అమ్మాయితో ప్రేమలో పడతాడు. ఇద్దరి పేర్లు ఒకటే కావడంతో ఆమెతో పరిచయం పెంచుకుంటాడు. ఆమెనే పెళ్లి చేసుకోవాలనుకుంటాడు. అయితే అప్పటికే సత్యకు నిశ్చితార్థం అయిందని తెలుస్తుంది. మిగతాది స్లైడ్ షోలో...
అబద్దాలతో ప్రేమలోకి
ఆమె ఎలాగైనా దక్కించుకోవాలనే ఉద్దేశ్యంతో అబద్దాలు ఆడటం మొదలు పెడతాడు. నిశ్చితార్థం చెడగొట్టి మొత్తానికి ఆమెను పెళ్లాడుతాడు. అయితే తనను అబద్దాలు చెప్పి పెళ్లి చేసుకున్నాడన్న విషయం తెలుసుకుని అతనికి దూరం అవుతుంది. దూరమైన హీరోయిన్ను హీరో ఎలా దక్కించుకున్నాడు అనేది తర్వాతి కథ.
పెర్ఫార్మెన్స్
సాయిరాం శంకర్ పెర్ఫార్మెన్స్ ఫర్వాలేదు. మరీ అద్భుతం కాకపోయినా....జస్ట్ ఓకే అనిపించాడు. హీరోయిన్ ఏస్తర్ ఏ విషయంలోనూ ఆకట్టుకోలేక పోయింది. సినిమాలో ముఖ్యంగా చెప్పుకోదగ్గ పాత్ర నాగబాబు. టవర్ స్టార్గా హీరోయన్ ను ప్రేమించే పాత్రలో ప్రేక్షకులను నవ్వించాడు. నరేష్, హేమ, బాబు మోహన్, జోష్ రవి తదితరులు వారి పాత్రల మేరకు రాణించారు.
దర్శకుడి వైఫల్యం
వెయ్యి అబద్దాలైనా ఆడి ఓ పెళ్లి చేయాలనే కాన్సెప్టును ఎంచుకున్న దర్శకుడు తేజ ఆ విషయాన్ని ప్రేక్షక రంజకంగా చెప్పడంలో విఫలం అయ్యాడు. స్క్రీన్ ప్లే కూడా ఆకట్టుకునే విధంగా లేదు. క్లైమాక్స్ కూడా వీక్. కథ, కథనాలు రొటీన్గా ఉన్నా...కొన్ని కామెడీని సీన్స్ను మాత్రం బాగా హ్యాండిల్ చేసాడు దర్శకుడు. కొన్ని డైలాగ్స్ ఫర్వాలేదు.
టెక్నికల్ పాయింట్స్
టెక్నికల్ అంశాల విషయానికొస్తే రమణ గోగుల సంగీతం, బ్యాగ్రౌండ్ స్కోర్ ఆకట్టుకుంది. సినిమాటోగ్రఫీ ఓకే. ఎడిటింగ్ షార్ప్ గా ఉండాల్సింది.
చివరగా...
మొత్తానికి తేజ చెప్పిన 1000 అబద్దాలు ప్రేక్షకులను పూర్తి స్థాయిలో మెప్పించ లేదనే చెప్పాలి. మెప్పించిందని చెబితే అబద్దమే అవుతుంది!
ఇతర వివరాలు
నటీనటులు: సాయి రామ్ శంకర్, ఎస్తర్ , నాగబాబు, నరేష్, చలపతిరావు, బాబూమోహన్, గౌతంరాజు, తిరుపతి ప్రకాష్, కొండవలస, హేమ తదితరులు
మాటలు: మరుధూరి రాజా,
సంగీతం: రమణగోగుల,
కెమెరా: రసూల్ ఎల్లోర్,
కళ: నరసింహవర్మ,
ఎడిటింగ్: శంకర్,
పాటలు: అరిశెట్టి సాయి, పోతుల రవికిరణ్.
సమర్పణ: చిత్రం మూవీస్,
నిర్మాణం: శ్రీప్రొడక్షన్స్.
నిర్మాత : పాలడుగు సునీత