Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
చిత్రాంగద మూవీ రివ్యూ
హారిజంటల్ హారర్ ఫిలిం అని చెప్పుకొంటున్న చిత్రాంగద మార్చి 10న విడుదలైంది. హీరోయిన్ ఓరియెంటెడ్గా రూపొందిన చిత్రంలో అంజలి ప్రధాన పాత్రను పోషించింది.
గీతాంజలి లాంటి హారర్ చిత్రాల్లో కనిపించిన అందాల తార అంజలి మరోసారి హారర్ థ్రిల్లర్ చిత్రాంగద చిత్రం ద్వారా మార్చి 10న ప్రేక్షకుల ముందుకు వచ్చింది. పూర్వ జన్మ, పునర్జన్మ కథాంశంగా రూపొందిన ఈ చిత్రం సినీ అభిమానులను ఏ మేరకు సంతృప్తి పరిచిందోననే అంశాలను తెలుసుకొనే ముందు కథ ఎంటో తెలుసుకుందాం.
కథ ఇది..
చిత్రాంగద ఓ అనాధ. ఓ బాలికల హాస్టల్ చదువుకొని అదే కాలేజీకి ప్రొఫెసర్గా పనిచేస్తుంటుంది. అయితే ప్రకృతికి విరుద్ధంగా అమ్మాయిలపై మోజు పడటమనే విచిత్ర లక్షణాన్ని కలిగి ఉంటుంది. చిత్రాంగద ప్రవర్తన తీరు వివాదాస్పదంగా ఉండటం మూలాన అందరూ ఆమెను ఈసడించుకొంటారు. ఇదిలా ఉండగా 25 ఏండ్ల క్రితం రవివర్మ అనే వజ్రాల వ్యాపారి అమెరికాలోని ఓ సరస్సులో దారుణహత్యకు గురవుతాడు. ఆ సంఘటనే కలగా ఆమెను వెంటాడుతుంటుంది.
ఆ ప్రశ్నలకు సమాధానమే..
ఇంతకీ ఆ కల, చిత్రాంగద జీవితానికి ఏమైనా సంబంధం ఉందా? తాను అనాధగా మారడానికి రవివర్మ హత్య కారణమైందా? చిత్రాంగద తనకు ఎదురైన సమస్యలను ఎలా పరిష్కరించుకొన్నది? ఇలాంటి కొన్నిప్రశ్నలకు సమాధానమే చిత్రాంగద సినిమా.
పునర్జన్మ అంశంతో అల్లుకొన్న కథ,
దానికి తగినట్టు అందమైన లొకేషన్లు బాగా ఉన్నాయి. అయితే కథనంలోనే కొంత గందరగోళం కనిపిస్తుంది. అనవసరమైన కామెడీ, పాత్రలు కథ వేగానికి అడ్డుపడినట్టు అనిపిస్తుంది. అంతేకాక చిత్ర నిడివి కూా ఎక్కువగా ఉండటం కొంత విసుగు తెప్పించే అంశం. నటీనటుల క్యారెక్టరైజేషన్ పేలవంగా ఉంది. అందుకు ఉదాహరణ సుడిగాలి సుధీర్, జయప్రకాశ్ పాత్రలు.
ప్రథమార్థంలో కొంత ఆరంభం,
ద్వితీయార్థంలో ప్రీ క్లైమాక్స్, క్లైమాక్స్ సన్నివేశాలు కట్టిపడేసేలా ఉన్నాయి. అంజలి పాత్రను తీర్చిదిద్దడంలో దర్శకుడు అశోక్ మరింత దృష్టిపెట్టినట్లయితే చిత్రాంగత హారర్ చిత్రాల్లో మరో భారీ హిట్గా నిలిచేది. హారర్ అంశాలను ఎలివేట్ చేయడంలో దర్శకుడు కొంత తడబాటుకు గురైనట్టు అనిపిస్తుంది. కథ కోసం చేసిన పరిశోధన అభినందనీయం.
కథ, కథనం డిమాండ్
మేరకు పర్వాలేదనిపించే స్థాయిలో సెల్వ గణేశ్, స్వామినాథన్ సంగీతం అందించారు. పాటలు అంతగా ఆకట్టుకొనేలా లేవు. ప్రవీణ్ పూడి తన కత్తెరకు ఇంకా పనిపెడితే చిత్రం మరింత క్రిస్ప్గా ఉండేది. అమెరికాలోని అందమైన లోకేషన్లను బాల్ రెడ్డి చక్కగా తెరకెక్కించారు.
ఈ చిత్ర భారాన్ని
మొత్తం అంజలి స్వయంగా మోసింది. కథానాయికలకు ప్రాధాన్యం లేని ఈ రోజుల్లో అంజలికి దొరికిన గొప్ప అవకాశం చిత్రాంగద. కీలక సన్నివేశాల్లో ఆమె బాగా నటించింది. నటిగా ఇంకా ప్రూవ్ చేసుకొనే అవకాశం ఈ చిత్రంలో ఉన్నా సరైన స్థాయిలో సద్వినియోగం చేసుకోలేకపోయిందనిపిస్తుంది. బరువైన పాత్రలను పోషించే నాయికల్లో అంజలి ఒకరనే అభిప్రాయం కొంత కలుగుతుంది. యాక్షన్, హారర్ సీన్లలో పర్వాలేదనిపించింది.
హీరోయిన్ ఓరియెంటెడ్గా
రూపొందిన చిత్రాంగద కోసం అంజలి బాగానే శ్రమించినట్టు, ప్రత్యేక శ్రద్ధ తీసుకొన్నట్టు వార్తలు వచ్చాయి. డిసెంబర్ నెలలో అమెరికా షూటింగ్ సందర్భంగా మైనస్ 13 డిగ్రీల సెల్సియస్ ఉష్ణోగ్రతలో అంజలి కొన్ని సన్నివేశాల్లో నటించింది.
తెలుగు చిత్రాల్లో
ఇటీవల తనదైన శైలిలో హాస్యాన్ని పండిస్తున్న కమెడియన్ సప్తగిరి ఈ చిత్రంలో ఫుల్ లెంగ్త్లో నటించాడు. అయితే సన్నివేశాల చిత్రీకరణ చాలా పేలవంగా ఉండటంతో హాస్యం అభాసుపాలైంది. అయితే అక్కడకక్కడ తనదైన శైలిలో మెరుపులు మెరిపించారు.
వజ్రాల వ్యాపారి
రవివర్మగా దీపక్ మరోసారి తెలుగు తెరపై మరోసారి కనిపించారు. రాజా రవీంద్ర, సింధూ తులానీ, సుడిగాలి సుధీర్ తదితరులు తమ పాత్రల పరిధి మేరకు నటించారు.
ప్రతిభావంతులైన నటులు,
సాంకేతికవర్గం అండ, మంచి కథతో చిత్రాంగదలోని ప్రతి సన్నివేశం విజువల్ వండర్గా తెరకెక్కించే ప్రయత్నం చేశారు. ఈ చిత్రాన్ని బీ, సీ సెంటర్లలో ప్రేక్షకులు ఆదరించడాన్ని బట్టి చిత్రాంగద విజయం ఆధారపడి ఉంటుంది.
ప్లస్ పాయింట్స్
అంజలి యాక్టింగ్
నిర్మాణ విలువలు
మైనస్ పాయింట్
కథనం
థర్డ్ క్లాస్ కామేడి
చిత్ర నిడివి
నటీనటులు: చిత్రాంగద, అంజలి, సప్తగిరి, రాజా రవీంద్ర, రక్ష, సాక్షి గులాటి, సింధూ తులానీ
నిర్మాత: గంగపట్నం శ్రీధర్, రహ్మాన్
కథ, స్క్రీన్ ప్లే, దర్శకత్వం: అశోక్ జీ
సంగీతం: సెల్వ గణేశ్, స్వామినాథన్
ఫొటోగ్రఫీ: బాల్ రెడ్డి
ఎడిటింగ్: ప్రవీణ్ పూడి
నిడివి: 144 నిమిషాలు
-
డ్రస్ మార్చుకోవడానికి వెళ్తే .. కార్వాన్ వద్ద అలాంటి అనుభవం.. బయటపెట్టిన సీనియర్ నటి
-
ఎన్టీఆర్ను ఆ పరిస్థితుల్లో చూసి రాజమౌళి కంటతడి.. జన్మలో అలాంటి క్లైమాక్స్ పెట్టకుండా జక్కన్న షాకింగ్ నిర్ణయం!
-
Karthika Deepam 2 April 17th: పారిజాతం ముందు బంటు వేషాలు..దీప ప్రసన్నం కోసం కార్తీక్ తంటాలు!