twitter
    For Quick Alerts
    ALLOW NOTIFICATIONS  
    For Daily Alerts

    నవ్వుల పంట (అహనా పెళ్ళంట రివ్యూ)

    By Srikanya
    |


    -జోశ్యుల సూర్య ప్రకాష్
    బ్యానర్: ఎ కె ఎంటర్టైన్మెంట్స్
    నటీనటులు: అల్లరి నరేష్, రితూ బర్మేచా, శ్రీహరి, సుబ్బరాజు, అనిత, నాగినీడు, బ్రహ్మానందం, ఎమ్మెస్ నారాయణ తదితరులు
    పాటలు: భాస్కర్ భట్ల, రామ జోగయ్య, సిరాశ్రీ, భువన్ చంద్ర
    సంగీతం: రఘు కుంచే
    కధ, స్క్రీన్ ప్లే, దర్శకత్వం: వీరభద్రమ్
    నిర్మాత: సుంకర రామ బ్రహ్మం
    విడుదల తేదీ: 02/03/2011

    నవ్వటం ఎంత ఈజీనో..నవ్వంచటం అంత కష్టం అనేది తెలిసిందే. అలాగే కామెడీలో పంచ్ మిస్సైతే ప్రేక్షకుడు ముఖంపై పంచ్ ఇచ్చిన ఫీలింగ్ వస్తుంది అని సినీ అనుభవజ్ఞులు చెప్తూంటారు. ఈ నేపధ్యంలో ఓ కొత్త దర్శకుడు కామిడీతో ముందుకు వచ్చాడంటే అది అతని దర్శకత్వం పై ఉన్న నమ్మకమని చెప్పాలి. కామిడీకి కేరాఫ్ ఎడ్రస్ గా మారిన అల్లరి నరేష్ తో వీరభధ్రమ్ దర్సకుడుగా పరిచయం అవుతూ రూపొందించిన అహనాపెళ్ళంట ఈ రోజు రిలీజైంది. రెగ్యులర్ అల్లరి నరేష్ చిత్రాలకు కొద్దిగా భిన్నంగా లవ్ ఫీల్ ని కూడా జత చేస్తూ వచ్చిన ఈ చిత్రం నవ్వులు బాగానే పూయించింది. అలాగే ఎక్కడా అసభ్యత, మితిమీరిన హింస లేకపోవటంతో ఫ్యామిలీలకు కూడా ఇబ్బంది ఉండదు.

    ముగ్గురు రౌడీ అన్నలు తమ ముద్దుల చెల్లెలుకి చేసే వివాహ ప్రయత్నంలో ఇరుక్కుపోయిన సాప్ట్ వేర్ ఇంజనీర్ సుబ్బు కధే ఈ చిత్రం. సాఫ్ట్ వేర్ ఇంజనీర్ సుబ్బు(సుబ్రమణ్యం) రెగ్యులర్ తెలుగు సినిమా హీరోలా తల్లి తండ్రిలేని అనాధ, బుద్దిమంతుడు,బ్రహ్మచారి,నిజాయితీపరుడు మరెన్నో లక్షణాలు ఉన్నవాడు.ఇక సంజన(రీతూ బర్మెచ) ఓ ముగ్గురు రౌడీలు(శ్రీహరి,సామ్రాట్,సుబ్బరాజు)ముద్దుల చెల్లెలు. ఆమెకు తన అన్నలు రౌడీలు కావటంతో మ్యారేజ్ సమస్య అవుతుంది( అదేంటి మగపిల్లలు ఎక్కువైన ఈ రోజుల్లో ఆడపిల్ల పెళ్ళి కూడా సమస్యేనా అనొద్దు). అప్పుడు ఈ అన్నయ్యలు ప్లాన్ చేసి సుబ్బుని తమ బావగా చేసుకోవాలని ఫిక్స్ అవుతారు. అయితే సుబ్బు అప్పటికే తన ఆపీసులో పనిచేసే అనితతో ప్రేమలో ఉంటాడు. మరి ఈ అన్నయ్యల కోరిక నెరవేరిందా. సుబ్బు ప్రేమించిన అమ్మాయిని ఏం చేసాడు అన్నది మిగతా కథ.

    సాధారణంగా కామిడీలో సస్పెన్స్ ఉండకూడదని చెప్తూంటారు. అయితే ఈ చిత్రం రివర్స్ గేర్ లో వెళ్తూంటుంది. అల్లరి నరేష్ వైపు నుంచి కథ నడుపుతూండటంతో హీరోయిన్ అన్నయ్యల ప్లాన్ దాచి పెట్టడంతో కావాల్సిన విధంగా నవ్వులు రాలవు. అదే మొదట కథలో కీలకమైన హీరోయిన్ అన్నయ్యల పాత్రలని ఓపెన్ చేసి వారి వైపు నుంచి కథ చెప్పితే ఇంకా బాగుండేది అనిపిస్తుంది. అయితే ఆ లోటుని బ్రహ్మానందం పాత్ర కామిడీతో పూరిస్తుంది. ఇక ఈ చిత్రం చూస్తూంటే బాలీవుడ్ వెలకమ్, కొరియన్ సినిమా మ్యారీయింగ్ మాఫియా సీన్స్ వచ్చి పోతూంటాయి. అయితే అవి కథ లో ఇమిడిపోవటంతో ఇబ్బందిగా ఉండదు. ఇక సెకెండాఫ్ కి వచ్చేసరికి లెంగ్త్ ఎక్కువైన ఫీలింగ్ వస్తుంది. అయితే సెకెండాఫ్ లో బ్రహ్మానందం,శ్రీహరి మధ్య వచ్చే సీన్స్ బాగా నవ్విస్తాయి. పాటల విషయానికి వస్తే పెళ్ళి చేసుకోరా అనే పాట బాగా పేలింది. డైలాగులు కొన్ని బాగున్నా మరికొన్ని ఓవర్ లాప్ లో పోయాయి. నటీనటులు విషయానకి వస్తే అల్లరి నరేష్ ఎప్పటిలాగే ఈజ్ తో చేసుకుపోయాడు. హీరోయిన్ గా పరిచయమైన అమ్మాయి కొంచెం నటన కూడా చేస్తే బావుండనినిపిస్తుంది. బ్రహ్మానందం, కృష్ణభగవాన్,ఎమ్మెస్ నారాయణ, సుబ్బరాజు వంటి సీనియర్స్ తమదైన శైలితో నవ్వించే ప్రయత్నం చేసారు. ఇక హీరోతో సమానంగా చేసిన శ్రీహరి పాత్ర ఢీ,కింగ్ చిత్రాల్లో పాత్రను గుర్తు చేస్తూ సాగుతుంది. టెక్నికల్ గా కెమెరా వర్క్ బాగా బ్యాడ్ గా ఉంది. ఎడిటింగ్ మరింత షార్పుగా ఉందనిపిస్తుంది. దర్సకుడుగా భద్రమ్ ..నటీనటుల నుంచి కావాల్సిన మేరకు మంచి నటననే రాబట్టారు. మంచి కథ,కధనం తయారుచేసుకోగలిగితే బాగా డీల్ చేయగలడని అనిపిస్తుంది.

    ఫైనల్ గా ఈ చిత్రం కథలో కామిడీతో పాటు సస్పెన్స్ ను కూడా ఇష్టపడేవారికి బాగా నచ్చుతుంది. ఇవివి సత్యనారాయణ కి అంకితమిచ్చిన ఈ చిత్రం ఆయన తరహా కామిడీని ఆశించేవారిని నిరాశపరచదు. కాబట్టి మొహమాటపడకుండా ఈ అహనా పెళ్ళంటకి వెళ్ళి నవ్వుతూ నాలుగు అక్షింతలు వేసి రావచ్చు.

    English summary
    Allari Naresh's latest ‘Aha Na Pellanta’ released today( March 2 th). Directed by a debutant Veerabhadram and produced by Anil Sunkara, it is a comedy entertainer with music by Raghu Kunche.Ritu Barmecha is making her debut as a heroine.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X