ముగిసింది... (‘ఆట ఆరంభం’రివ్యూ)

హాలీవుడ్ స్పూర్తి...

హాలీవుడ్ చిత్రం Sword Fish పోలికలతో వచ్చిన ఈ చిత్రంలో తమిళ ఆడియన్స్ తగినట్లు కొంత అతి కూడా బాగా ఉంది. అది ముఖ్యంగా పాటల్లో బాగా కనపడుతుంది. రాజకీయాలు,మీడియా, పోలీస్ లలో కరప్షన్ వల్ల బలైపోయిన ఓ వ్యక్తి కథ ఇది.

రంగదే బసంతి

అలాగే ఈ చిత్రం హిందీ సినిమా రంగ్ దే బసంతిని కూడా గుర్తు చేస్తుంది. అందులో మెయిన్ పాయింట్ పూర్తిగా ఈ చిత్రం మూలాన్ని పోలి ఉంటుంది. బుల్లెట్ ఫ్రూఫ్ స్కామ్ చుట్టూ ఈ కథ అల్లబడింది. పూర్తి రివేంజ్ గా అల్లబడిన ఈ కథ కాస్త ప్రెడిక్టబులిటి తగ్గించి స్క్రిప్టు రాస్తే బాగుండేది.

అజిత్

అజిత్ ఈ చిత్రం కోసం ప్రత్యేకంగా వర్కవుట్స్ చేసారు. చాలా స్ట్రిక్ట్ గా చేసిన వర్క్ అవుట్స్ బాడీని ఈ సినిమాలో చూపలేదు. డాన్స్ లలో కూడా విజువల్ గా ఇంపాక్ట్ చూపలేకపోయారు. కొన్ని సీన్స్ లలో డైలాగులలో తప్పిస్తే..అజిత్ ఓ నార్మల్ హ్యూమన్ బీయింగ్ కనపడటం సినిమాకు ప్లస్ అయ్యింది.

నయనతార

నయనతారకు దాదాపు హీరోకు ఇచ్చినంత ఇంపార్టెన్స్ ఇచ్చారు. అయితే నయనతార,అజిత్ మధ్య ఏ రిలేషన్ ఉందో ఎస్టాబ్లిష్ చేయలేదు. భార్యభర్తలా లేక లవర్స్ అనేది తేల్చలేదు. కొన్ని చోట్ల నయనతార చాలా గ్లామర్ గా కనిపించి ఫ్యాన్స్ కు పండుగ చేసింది.

ఆర్య,తాప్సి

సినిమాలో ఉన్న కొద్దో గొప్పో ఎంటర్టైన్మెంట్ సీన్స్ వీరిద్దరి మధ్యనే ఉన్నాయి. వీరి మధ్య వచ్చే కాలేజి సీన్స్ బాగున్నాయి. తాప్సీ చాలా క్యూట్ గా ఉంది. ఆర్య కూడా ఎప్పటిలాగే చాలా బాగా చేసాడు.

కీ రోల్స్ ...

మహేష్ ముంజ్రేకర్, అతుల్ కులకర్ణి, కిషోర్ వంటి పాత్రధారులు బెస్ట్ ఫెరఫార్మెన్స్ ఇచ్చారు. సుమన్ రంగనాధన్, అక్షర గౌడ తో ఉన్న సీన్స్ కూడా ఓకే. దగ్గుపాటి రానా యావరేజ్ అనిపిస్తాడు.అజిత్ ముందు దగ్గుపాటి రానా పూర్తిగా తేలిపోయాడు.

కాస్టూమ్స్..

దర్శకుడు విష్ణు వర్ధన్ భార్య అను డిజైన్ చేసిన కాస్టూమ్స్ సినిమాకు బాగా ప్లరస్ అయ్యాయి. లీడ్ యాక్టర్స్ కి ఆమె చాలా జాగ్రత్తగా సీన్స్ ని అర్దం చేసుకుని డిజైన్ చేసారు. అయితే అజిత్ కి మరింత బాగా నప్పేలా డిజైన్ చేస్తే బాగుండేది అని కొందరు కామెంట్ చేస్తున్నారు. కొరియోగ్రఫి.. ఈ సినిమాకు పెద్ద మైనస్.

ఎడిటింగ్

శ్రీకర్ ప్రసాద్ లాంటి స్టార్ ఎడిటర్ ..కత్తెర మొద్దుబారిందేమో అనిపిస్తుంది. ఆయన స్టాండర్డ్స్ కు తగ్గట్లుగా ఉండదు. చాలా సీన్స్ డ్రాగ్ చేస్తూ...పనికిరానివి ఉంటాయి. వాటిని ఎడిట్ చేస్తే మరింత బాగుండేది.

టెక్నికల్ గా...

ఈ చిత్రం వీడియో సాంగ్స్, ట్రైలర్స్ చూస్తేనే...మనకి ఓం ప్రకాష్ సినిమాటోగ్రఫి పై ఓ నమ్మకం వచ్చేస్తుంది మనకి. ఈ చిత్రంలో పెద్ద ప్లస్ పాయింట్ కెమెరా వర్క్. అవట్ స్టాండింగ్ గా ఉంది. చాలా స్టైలిష్ గా షాట్స్ ని కంపోజ్ చేసారు. విజువల్స్ ..అజిత్ ఫ్యాన్స్ పండుగ చేసుకునేలా ఉంటాయి.

ట్విస్ట్ లు..టర్న్ లు

ఈ సినిమాలో బోల్డు ట్విస్ట్ లు టర్న్ లు ఉన్నాయి. అయితే చాలా జాగ్రత్తగా సినిమాపై పూర్తి దృష్టి చూస్తేనే వాటిని ఎంజాయి చేయగలం. అలాగే..అజిత్ ని ఎప్పటిలాగే సూపర్ హీరోలాగ చూపించకపోవటం సినిమాకున్న మరో ప్లస్ పాయింట్

రీరికార్డింగ్..సాంగ్స్

పాటలు మాత్రం చాలా డల్ గా ఉన్నాయి. సినిమా పాటలు పెద్ద ఉపయోగపడకపోయినా..బ్యాక్ గ్రౌండ్ స్కోర్ మాత్రం అదిరిపోయింది. యవన శంకర్ రాజా మాత్రం రీరికార్డింగ్ విషయంలో చాలా జాగ్రత్తలు తీసుకుని డిజైన్ చేసారు.

ఎవరెవరు

బ్యానర్‌ : ఓమిక్స్‌ క్రియేషన్స్‌
నటీనటులు : అజిత్, ఆర్య , నయనతార, తాప్సీ, దగ్గుబాటి రానా తదితరులు
సంగీతం: యువన్‌శంకర్‌రాజా,
ఫొటోగ్రఫీ: ఓంప్రకాశ్,
నిర్మాత: డా.శ్రీనుబాబు జి., స్క్రీన్ ప్లే, దర్శకత్వం: విష్ణువర్థన్.