బ్రెయిన్ స్విచ్ఛాఫ్ చేసి.. సినిమా చూడండి.. జాతి రత్నాలపై అల్లు అర్జున్ రివ్యూ

నవీన్ పొలిశెట్టి పెర్ఫార్మెన్స్

గత రాత్రి (మార్చి 11) జాతి రత్నాలు సినిమా చూశాను. సినిమా యూనిట్‌కు కంగ్రాట్స్. సినిమా హిలేరియస్‌గా ఉంది. ఈ మధ్యకాలంలో కడుపుబ్బేలా నవ్వుకున్న సినిమా అని చెప్పగలను. నవీన్ పొలిశెట్టి తన పెర్ఫార్మెన్స్‌తో ఆకట్టుకొన్నాడు. న్యూఏజ్‌లో నవీన్ స్టన్నింగ్ పెర్ఫార్మర్. రాహుల్ రామకృష్ణ బ్రిల్లియెంట్‌గా, సహజంగా నటించాడు అని అల్లు అర్జున్ తన ట్వీట్‌లో పేర్కొన్నారు.

నాగ్ అశ్విన్‌కు అభినందనలు

అలాగే జాతి రత్నాలు సినిమాలో నటించిన ప్రియదర్శి, ఫరియా అబ్దుల్లా నటన అద్బుతంగా ఉంది. ఈ చిత్రానికి పనిచేసిన టెక్నిషియన్లందరికి కంగ్రాట్స్. రాధాన్ మ్యూజిక్ బాగుంది. ఈ సినిమాను అద్భుతమైన కన్విక్షన్‌తో తెరకెక్కించిన నాగ్ అశ్విన్, స్వప్న, ప్రియాంక దత్, అశ్వినీదత్త్ గారికి అభినందనలు అంటూ మరో ట్వీట్‌లో పేర్కొన్నారు.

దర్శకుడు అనుదీప్‌ గురించి

తన సినిమాతో అందరికీ వినోదాన్ని పంచిన దర్శకుడు అనుదీప్ కేవీ ప్రతిభను అభినందించకుండా ఉండలేకపోతున్నాను. సినిమా చూసిన తర్వాత ఆయనపై అత్యంత గౌరవం పెరిగింది. ప్రతీ ఒక్కరు మీ బ్రెయిన్స్ స్విచ్ఛాఫ్‌ చేసి సినిమా చూస్తే ఎంజాయ్, ఫన్ పుష్కలంగా లభిస్తుంది అని అల్లు అర్జున్ తన మూడో ట్వీట్‌లో పేర్కొన్నారు.

నవీన్, ప్రియదర్శి రియాక్షన్

స్టైలిష్ స్టార్ అల్లు అర్జున్ చేసిన ట్వీట్లపై నవీన్ పోలిశెట్టి, ప్రియదర్శి తదితరులు స్పందించారు. థ్యాంక్యూ రాక్‌స్టార్ అల్లు అర్జున్ గారు.. మీకు వినోదాన్ని అందించినందుకు మేము చాలా హ్యపీగా ఉన్నాం. మీ రియాక్షన్ మాకు ఎంతో గౌరవాన్ని తెచ్చిపెట్టింది. ఇది టైప్ చేస్తున్నప్పుడు నేను మార్ఫా డ్యాన్స్ చేస్తున్నాను అంటూ నవీన్ పోలిశెట్టి రిప్లై ఇచ్చారు.

తొలి రోజు భారీ ఓపెనింగ్స్

ఇదిలా ఉండగా, జాతి రత్నాలు చిత్రానికి అన్ని వర్గాల నుంచి సానుకూల స్పందన కనిపిస్తున్నది. తొలి ఆట నుంచే పాజిటివ్ టాక్ రావడంతో భారీగా ఓపెనింగ్స్ నమోదయ్యాయి. తొలి రోజే రూ.4 కోట్ల మేర వసూళ్లను సాధించింది.