Click it and Unblock the Notifications
చిరునవ్వుతో చూడొచ్చు
వేణు హోంసైన్స్ చదివి, వంటలు బాగా చేయగలిగినా ఉద్యొగం దొరకదు. 'మనసుతో ఆలోచించి, బుర్రతో పనులు' చేసే వేణు మరదలు పెళ్ళిపీటల మీద నుంచి లేచిపోతుంది- వేరే అతన్ని పెళ్లి చేసుకునేందుకు. సో...బాధతో సొంత ఊరును వొదిలి హైదరాబాద్ వస్తాడు. అక్కడ ఓ ఫ్రెండ్ దగ్గర ఉంటూ తిరుగుతూ ఉంటాడు. ఆ సమయంలో షహీన్ పరిచయం అవుతుంది. ఆ పరిచయం పెరిగి పెద్దదై ఇద్దరూ కలిసి తిరుగుతుంటారు. వేణు ఆమెను ప్రేమిస్తుంటాడు. కానీ షహీన్ దాన్ని ఫ్రెండ్ షిప్ గా మాత్రమే భావిస్తుంది. ప్రకాష్ రాజ్ తో ఆమెకు పెళ్ళిసంబంధం కుదురుతుంది.
దాంతో వేణు తన ప్రేమను బయటపెడుతాడు. ఆమె ప్రేమించకున్నా తన ప్రేమ ఆగదని చెబుతాడు. ఈ లోగా పారిపోయిన మరదలు(ప్రేమ) తిరిగి వస్తుంది. ప్రేమించినవాడు వదిలేయడంతో తిరిగి వేణు చేరదీస్తాడు. తనని వదిలేసి వెళ్ళిన అమ్మాయిపై కూడా కోపం ప్రదర్శించకపోవడం, ప్రకాష్ రాజ్ ప్రవర్తన నచ్చకపోవడంతో చివరికి షహీన్ కూడా ప్రేమలో పడుతుంది. ఎట్టకేలకు వేణు, షహీన్ పెళ్ళిచేసుకోవడంతో సినిమా ముగుస్తుంది.
ఒక్క పాట మినహా సంగీతం బాగాలేదు. మణిశర్మ ఈ మధ్య కాలంలో సంగీతం అందించిన చిత్రాలన్నింటిలాగే పేలవమైన మ్యూజిక్ ఉంది ఈ చిత్రంలో. వేణు నటన ఇంకా ఇంప్రూవ్ కావాలి. కనీసం మేకప్ విషయంలోనైనా శ్రద్ధ చూపాలి. షహీన్ ఓకే.
Continue with Google