Don't Miss!
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
గొడవ-సినిమా సమీక్ష
చలపతిరావు, ఢిల్లీ గణేష్, చిత్రం శ్రీను తదితరులు.
మాటలు-పరుచూరి బ్రదర్స్
సంగీతం-మణిశర్మ
సినిమాటోగ్రఫీ-దినేష్
ఎడిటింగ్-మార్తాండ్ కె.వెంకటేష్
నిర్మాత-ఎ.భారతి
బ్యాన్నర్-కె ఫిల్మ్స్
స్క్రీన్ప్లే, దర్శకత్వం-ఎ కోదండరామిరెడ్డి
విడుదల-డిసెంబర్07, 2007
బాలు(వైభవ్), అంజలి(శ్రద్ధా ఆర్యా) ఒకే కాలేజీలో చదువుతుంటారు. ఏదో ఒక సంఘటనతో హీరోనో, హీరోయినో అటో ఇటో మొదట ప్రేమలో పడడం షరా మామూలే అన్నట్టు ఈ సినిమాలోనూ హీరోయిన్ ముందుగా ప్రేమలో పడుతుంది. అయితే హీరోగారూ ఆ లవ్ ను తిరస్కరిస్తారు. మరోవైపు హీరోయిన్ తండ్రి(షాయాజీ షిండే) ఆమెకు ఒక పెద్దింటి కుర్రాడితో పెళ్లి కుదిరిస్తాడు. దీనితోపెళ్లి అయ్యేదాకైనా లవ్ చేయమని హీరోయిన్, హీరోను కోరుతుంది..ఆ తరువాత ఏమైందన్నది తెరపై చూడాల్సిందే.
చిరంజీవితోనే కాకుండా పలువురు హీరోలతో 93 సినిమాలు తీసిన దర్శకుడు ఎ కోదండరామిరెడ్డి చాలాకాలం తరువాత తన కుమారుడినే హీరోగా పరిచయం చేస్తూ గొడవ కు దర్శకత్వం వహించాడు. తాను దర్శకత్వం వహించిన సినిమాలలో విజయం సాధించినవే ఎక్కువనే క్రెడిట్ ఉన్న కోదండరామిరెడ్డి తన కొడుకు సినిమాకు కూడా స్వయంగా దర్శకత్వం వహించాడు. ఈ సినిమాలో కథ చెప్పుకోదగ్గట్టుగా లేదు. అదే పెద్ద లోపం. పాటలు మాత్రం మణిశర్మ మార్కుతో అద్భుతంగా ఉన్నాయి. చీత్రీకరణ కూడా పరవాలేదు. వైభవ్ చక్కగా డాన్స్ చేశాడు. యాక్షన్ సీన్లలో కూడా రాణించాడు. హీరోయిన్ స్కిన్ షోలో సక్సెస్ అయింది. కథ బలహీనంగా ఉండడం ఈ సినిమాకు పెద్ద లోటు. సీనియర్ దర్శకులు రిటైర్ అవడమే మంచిదని చెప్పే రెండో సినిమా ఇది. మొదటిది దాసరి నారాయణరావు కథతో వచ్చిన మైసమ్మ ఐపిఎస్ సినిమా. కోదండరామిరెడ్డి తన కొడుకును యువ దర్శకుడి చేతిలో పెడితేనే ఏమైనా లాభం చేకూరేది.
(గమనిక: వినోదం అసభ్యం లేకపోవటం, సాంకేతిక విలువలు,కథన నైపున్యం తదితర అంశాల ఆధారంగా మా రేటింగ్ ఉంటుంది. సినిమా జయాపజయాలకు మా రేటింగ్ కు సంబందం ఉండనవసరం లేదు)