Click it and Unblock the Notifications
Harom Hara Review: హరోమ్ హర సినిమా రివ్యూ అండ్ రేటింగ్
Rating: 2.75
నటీనటులు: సుధీర్ బాబు, మాళవిక శర్మ, అక్షర గౌడ, సునీల్, జయప్రకాశ్, రవి కాలే, అర్జున్ గౌడ, లక్కి లక్ష్మీన్, రాజశేఖర్ అనింది తదితరులు
దర్వకత్వం: జ్ఞానసాగర్ ద్వారక
నిర్మాత: సుమంత్ జీ నాయుడు
మ్యూజిక్: చైతన్ భరద్వాజ్
సినిమాటోగ్రఫి: అరవింద్ విశ్వనాథన్
ఎడిటింగ్: రవితేజ గిరిజాల
బ్యానర్: శ్రీ సుబ్రహ్మణ్యేశ్వర స్వామి
రిలీజ్ డేట్: 2024-06-14
సుబ్రమణ్యం (సుధీర్ బాబు) కుప్పం పాలిటెక్నిక్ కళాశాలలో లాబ్ టెక్నిషియన్గా పనిచేస్తుంటాడు. అదే కాలేజీలో పనిచేసే లెక్చరర్ దేవీ (మాళవిక శర్మ)తో ప్రేమలో ఉంటాడు. మిడిల్ క్లాస్ ఫ్యామిలీ నుంచి రావడం వల్ల తండ్రి శివారెడ్డి ( వీ జయప్రకాశ్) చేసిన అప్పులు కట్టడంతోనే జీవితం సరిపోతుంది. జీవితంలో ఆర్థికంగా ఎదగడానికి బిజినెస్ పెట్టాలని ఆలోచిస్తున్న సమయంలో సస్పెండ్ అయిన పోలీస్ ఇన్స్పెక్టర్ పళని స్వామి (సునీల్)తో పరిచయం గన్స్ బిజినెస్లోకి వెళ్లేలా చేస్తుంది. అదే సమయంలో కుప్పంలో మాఫియా సామ్రాజ్యాన్ని నడిపే బసవరెడ్డి (రవి కాలే), శరత్ రెడ్డి (అర్జున్ గౌడ), తమ్మి రెడ్డి (లక్కీ లక్ష్మణ్)తో వైరం ఏర్పడుతుంది.
హరోమ్ హర సినిమా విషయానికి వస్తే.. సామాన్యుడు ఎలా అసాధారణ మాఫియా డాన్గా ఎదగడం అనే సింగిల్ పాయింట్ చుట్టు అల్లుకొన్న కథ. ఈ సినిమా చూస్తున్నంత సేపు పుష్ప సినిమా స్పూర్తితో రూపొందించారా? అనే ప్రశ్న వెంటాడుతున్నది. మెయిన్ స్టోరీ అలానే ఉన్నప్పటికీ.. గన్స్ బిజినెస్ పాయింట్ కొత్తగా ఆసక్తికరంగా అందించడంలో దర్శకుడు సక్సెస్ అయ్యాడనే చెప్పాలి. రాసుకొన్న సన్నివేశాలు వాటిని తెర మీద పేర్చిన విధానంలో పర్ఫెక్షన్ కనిపిస్తుంది. సుధీర్ బాబు క్యారెక్టర్ డిజైన్ చేసిన తీరు ఆకట్టుకొనేలా ఉంటుంది. అండర్ డాగ్ క్యారెక్టర్ నుంచి సుబ్రమణ్యం ఎదిగిన తీరుకు ఎలివేషన్ జోడించడంతో అతడి విజన్ వర్కవుట్ అయిందనే చెప్పాలి. ఫస్టాఫ్లో లవ్, ఎమోషన్స్ మూవీకి కనెక్ట్ చేస్తే.. సెకండాఫ్లో యాక్షన్ డ్రామా ఆకట్టుకొనేలా ఉంటుంది.
ఇక సుధీర్ బాబు విషయానికి వస్తే.. ఈ సినిమాలోని సుబ్రమణ్యం పాత్ర లార్జర్ ద్యాన్ లైఫ్ అనిపిస్తుంది. ఇప్పటి వరకు చేస్తున్న రొటీన్ పాత్రల నుంచి బయటకు వచ్చి ఓ ఛాలెంజింగ్ చేసిన రోల్ అనిపిస్తుంది. అమాయకత్వం, భావోద్వేగం, పరిస్థితులకు అనుగుణంగా రియాక్ట్ అయ్యే యువకుడు, మాఫియా డాన్ లాంటి వేరియేషన్స్ ఉన్న పాత్రలో సుధీర్ ఒదిగిపోయాడు. సెకండాఫ్లో తన ఫెర్ఫార్మెన్స్తో అదరగొట్టేశాడు.
ఇక మాళవిక శర్మ గ్లామర్ పార్ట్కు న్యాయం చేస్తే.. అక్షర గౌడ మాత్రం పోలీస్ ఆఫీసర్ అప్పుడప్పుడు ఝలక్ ఇచ్చే ప్రయత్నం చేసింది. ఇక రవి కాలే, సునీల్, అర్జున్ గౌడ, లక్కీ లక్ష్మణ్, జయప్రకాశ్ తదితరులు తమ పాత్రలకు న్యాయం చేశారు.
హరోమ్ హర.. కమర్షియల్ వ్యాల్యూస్తో రూపొందిన యాక్షన్ డ్రామా. సుధీర్ బాబు కెరీర్లో ది బెస్ట్ అని చెప్పవచ్చు. సెహారి లాంటి సినిమాను అందించిన యువ దర్శకుడు.. ఊహించని విధంగా క్రైమ్ డ్రామాను అందించి షాకిచ్చాడనే చెప్పాలి. బీజీఎం, ఇతర టెక్నికల్ వాల్యూస్ సినిమాకు ప్లస్ పాయింట్. ఒకే పాయింట్ మీద రన్ కావడం కొంత రొటీన్ అనిపిస్తుంది. ఎమోషన్స్ ఇంకా పండించడానికి ఛాయిస్ ఉంది. ఏది ఏమైనా పుష్ప, కేజీఎఫ్, విక్రమ్, జైలర్ లాంటి క్రైమ్ యాక్షన్ డ్రామాలను ఇష్టపడే వారికి ఈ సినిమా నచ్చడానికి చాలా అంశాలు ఉన్నాయి. థియేట్రికల్ వాచ్ వాల్యూ ఉన్న సినిమా. ఈ వారాంతంలో చూడటానికి మంచి యాక్షన్ థ్రిలర్ హరోమ్ హర.
Continue with Google