కథే రాంగ్... (హృతిక్ 'బ్యాంగ్‌ బ్యాంగ్‌' రివ్యూ)

సెంటిమెంట్ ని కలిపాడు

ఓ రకంగా ఇది ఇండియన్ జేమ్స్ బాండ్ కథ అని చెప్పాలి. అయితే కథ గొప్పగా ఉండదు. అతి సాధారణమైన కథే అయినా ఛేజ్ సీక్వెన్స్ లతో ఆసక్తి కరంగా నడిచే ఈ కథనానికి చివర్లో చిన్న సెంటిమెంట్ టచ్ ఇచ్చి దర్శకుడు కొంత వరకూ సక్సెస్ అయ్యాడు.

సరైన ఎంపిక

'బ్యాంగ్‌ బ్యాంగ్‌'లో హీరోగా తొలుత షాహిద్‌ కపూర్‌ను అనుకున్నారు. ఆ తర్వాత హృతిక్‌ రోషన్‌ వచ్చి చేరాడు. అయితే ఈ చిత్రంలో హృతిక్ చేసిన సాహసాలు చూస్తే దర్శకుడు చాలా కరెక్టుగా ఎంపిక చేసాడనిపిస్తుంది. హృతిక్ లేకపోతే ఇండియన్ వెర్షన్ కి ఈ సినిమా పూర్తి వృధా.

పండుగే..

థాయ్‌లాండ్‌, గ్రీస్‌, అబుదాబి తదితర ప్రాంతాల్లో నీటిలో యాక్షన్‌ సన్నివేశాలు చిత్రీకరించారు. చాలా రిస్క్‌తో కూడిన ఈ సన్నివేశాల కోసం హృతిక్‌ ఐదారురోజులపాటు రోజుకు ఐదేసి గంటలు కఠోర శిక్షణ పొందేవాడట. అదంతా తెరపై కనిపిస్తూంటుంది. సినిమా యాక్షన్ అభిమానులకు పండుగలా ఉంటుంది.

హైలెట్స్ లో ...

చిత్రం హైలెట్స్ లో ఒకటి...నీటి ఉపరితలంపై చిత్రీకరించిన యాక్షన్‌ సన్నివేశాల కోసం జెట్‌స్కీ నడపడం నేర్చుకున్నాడు హృతిక్‌. ప్రపంచ సినీ చరిత్రలోనే తొలిసారిగా చిత్రీకరణ కోసం ఫ్త్లెబోర్డును ఉపయోగించారు. దీని సహాయంతో హృతిక్‌ గాల్లోకి 45 అడుగుల ఎత్తు ఎగిరి ఫైట్‌ చేశాడు. అదే చూసేటప్పుడు అద్బుతంగా ఉంది.

ఛేజ్ లు...

బాలీవుడ్‌ చరిత్రలోనే తొలిసారిగా ఈ సినిమా కోసం 120కిపైగా కార్లతో ఛేజ్‌ సన్నివేశాన్ని చిత్రీకరించిన సీన్ అదిరిపోతుంది. ఇందులో ఎఫ్‌1 రేస్‌ కార్లనూ వినియోగించారు. ఇదీ తొలిసారిగా మన ఇండియన్ తెరపై కనపడటం తో చాలా ఆసక్తిగా ఉంటుంది.

అలాగే...ఇవి కూడా అదిరాయి

థాయ్‌లాండ్‌లో ఓ సన్నివేశ చిత్రీకరణలో భాగంగా హృతిక్‌ 40 అడుగుల ఎత్తు నుంచి నీటిలో దూకాడు. ఆ సమయంలో హృతిక్‌ తలకు గాయమై రక్తం గడ్డకట్టింది. కొన్నాళ్లకు దీని తీవ్రత తెలుసుకున్న హృతిక్‌ శస్త్రచికిత్స చేయించుకున్నాడు. దీంతో సినిమా ఆలస్యమైంది. ఆ తర్వాతా హృతిక్‌ రిస్కీ యాక్షన్‌ సన్నివేశాల్లో పాల్గొన్నాడు. వీటికి ఆండీ ఆమ్‌స్ట్రాంగ్‌ నేతృత్వం వహించారు. ఈ సీన్స్ కూడా తెరపై బాగున్నాయి.

కత్రినా కైఫ్

కత్రినా....హృతిక్‌ రోషన్‌తో చేసిన మూడో చిత్రమిది. గత రెండు చిత్రాలు 'జిందగీ నా మిలేంగీ దొబారా', 'అగ్నిపథ్‌' (ప్రత్యేక గీతం)ల కంటే ఈ చిత్రంలో ఆమె పాత్ర బాగుంటుంది. యాక్షన్‌ సన్నివేశాలప్పుడు హృతిక్‌తో ఉండటం కూడా చూసేవారికి, ముఖ్యంగా ఆమె అబిమానులకు కొత్త అనుభూతినిచ్చింది''

పాటలు

ఈ సినిమా ట్రైలర్ లో వాడిన 'తూ మేరీ...' పాట టీజర్‌కు థియోటర్ లో మంచి స్పందన వచ్చింది. మిగతా పాటలు కూడా బాగున్నాయి.

అన్నీ బాగున్నా...

విలనిజం సరిగ్గా పండకపోవటం, బోరింగ్ స్క్రీన్ ప్లే సినిమాపై ఇంట్రస్టుని క్రమేపీ తగ్గించుకుంటూ వచ్చాయి.

ఎవరెవరు

నటీనటులు: హృతిక్ రోషన్, కత్రినా కైఫ్, డానీ, జావేద్ జాఫ్రీ తదితరులు
సినిమాటోగ్రఫీ: వికాస్ శివరామన్, సునీల్ పటేల్
సంగీతం: విశాల్- శేఖర్
బ్యాక్ గ్రౌండ్ స్కోర్: సలీం సులేమాన్
స్క్రీన్ ప్లే, దర్శకత్వం: సిద్దార్ధ్ ఆనంద్
విడుదల తేదీ:02,అక్టోబర్, 2014.