సంపూ...చంపేసాడు! (హృదయ కాలేయం రివ్యూ)

హృదయ కాలేయం స్టోరీ

సంపూర్ణేష్ బాబు (సంపూర్ణేష్ బాబు) ఓ అనాధ. ఎలక్ట్రీషియన్ పని చేసే అతను ఏ టు జెడ్ అని ఒకసంస్థను స్థాపించి అందరికి సహాయపడుతూ ఉంటాడు. ఈ క్రమంలో నీలవేణి (కావ్య కుమార్) అనే అమ్మాయితో పరిచయం ఏర్పడుతుంది. నీలుపై ప్రేమ పెంచుకుంటాడు. నీలుకు ఈ విషయం చెప్పగా అమె ఓ కండీషన్ పెడుతుంది. నాకు అసాధ్యాన్ని సుసాధ్యం చేసే 100% మగాడు కావాలి, అలాంటి వాడినే పెళ్లాడుతానని చెప్పడంతో తనను తాను నిరూపించుకునే ప్రయత్నం మొదలు పెడతాడు.

హృదయ కాలేజయం స్టోరీ

ఇందులో భాగంగా సంపూర్నేష్ బాబు ఎలాగయినా రూ. 500 లకే కంప్యూటర్ తయారు చెయ్యాలని నిర్ణయించుకుంటాడు. అలా "నీలు సంప్యుటర్" తయారు చేస్తాడు ఆ ఫార్ములా కోసం కొందు చేసిన దాడిలో నీలవేణి గాయపడుతుంది. నీలవేణి హృదయం చెడిపోయింది అని కృత్రిమ గుండె అమర్చాలని డాక్టర్స్ చెప్పగా ఖరీదయిన హృదయానికి బదులు తనే ఒక కృత్రిమ హృదయాన్ని తయారు చెయ్యాలని నిర్ణయించుకుంటాడు. ఈ క్రమంలో సంపూర్ణేష్ బాబు ఎలాంటి పరిస్థితులు ఎదుర్కొన్నాడు? హృదయ కాలేయం అనే టైటిల్‌కి దర్శకుడు న్యాయం చేసాడా? అనేది తెరపై చూడాల్సిందే.

పెర్ఫార్మెన్స్

పెర్ఫార్మెన్స్ పరంగా సంపూర్ణేష్ బాబు ఒకే. ఆ పాత్ర ఎలా చేస్తే బాగుంటుందో అలానే చేసాడు. అయితే హీరోయిన్లు కావ్య కుమార్, ఇషికా సింగ్ తమ తమ పాత్రలకు పూర్తి న్యాయం చేయలేదనే చెప్పాలి.

కాన్సెప్టు

సినిమా మొత్తం సీరియస్‍‌గా సాగుతుంది. కానీ సంపూర్ణేష్ బాబు నటన, సన్నివేశాలు నవ్వు తెప్సిస్తాయి. వాస్తవానికి సినిమా కాన్సెప్టు కూడా అదే. అయితే అందరికీ ఇలాంటి కామెడీ నచ్చుతుందని కచ్చితంగా చెప్పలేం. మొత్తానికి మనం ఇన్నాళ్లు చూసిన స్టార్ హీరోల డైలాగులు, సన్నివేశాలు......ఒక కామెడీ హీరో చేస్తే ఎలా ఉంటుందో అలా ఉంటుంది ఈ చిత్రం.

ఎంటర్టెన్మెంట్

యూట్యూబులో ఏ ఐదు నిమిషాలో పదినిమిషాలో చూస్తే నవ్వుస్తొంది. కానీ సినిమా మొత్తం 2 గంటల పాటు ఇదే తీరున సాగితే విసుగొస్తుంది. అయితే ఫస్టఫ్‌లో మాత్రం దర్శకుడు ప్రేక్షకులను ఎంటర్టెన్ చేయడంలో సఫలం అయ్యాడని చెప్పొచ్చు. అయితే సెకండాఫ్ వచ్చే సరికి సాగదీత ఎక్కువైంది. సినిమాకు ప్రధాన బలమైన కథలో పస లేదు. అదే విధంగా లాజిక్ లేని సన్నివేశాలు ఇబ్బంది పెడతాయి. టెక్నకల్ అంశాల విషయానికొస్తే సినిమా సన్నివేశాలకు తగిన విధంగా బ్యాగ్రౌండ్ స్కోరు బాగుంది. సినిమాటోగ్రఫీ కూడా ఫర్వా లేదు. అయితే ఎడిటింగ్ పై ఇంకా శ్రద్ధ పెడితే బాగుండేది. ఇతర విభాగాలు ఫర్వాలేదనే విధంగా పనితీరు కనబర్చాయి.

ఫైనల్‌గా చెప్పేదేమంటే...

మొత్తానికి ఈచిత్రం యూట్యూబులో కామెడీ సీన్లు, డైలాగులు చూడటం అలవాటు పడిన యువ ప్రేక్షకులకు సినిమా నచ్చే అవకాశం ఉంది. అయితే ఇతర వర్గాల ప్రేక్షకులకు సంపూ పెర్ఫార్మెన్స్, హృదయ కాలేయం కాన్సెప్టు ఏ మేరకు ఎక్కుతుంది? అనేదానిపై ఈ చిత్ర విజయం ఆధార పడి ఉంటుంది.

ఇతర వివరాలు

దర్శకత్వం : స్టీవెన్ శంకర్
నిర్మాత : సాయి రాజేష్ నీలం
సంగీతం : ఆర్.కె
నటీనటులు : సంపూర్నేష్ బాబు, కావ్య కుమార్, ఇషిక సింగ్
విడుదల తేదీ : 4 ఏప్రిల్ 2014