Don't Miss!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- News ఏపీలో ఇప్పటివరకు భారీగా పట్టుబడిన నగదు, మద్యం, బంగారం.. అత్యధికంగా ఎక్కడంటే
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఇంట్లో శ్రీమతి -వీధిలో కుమారి, సమీక్ష
చిత్రం: ఇంట్లో శ్రీమతి వీధిలో కుమారి
నటీనటులు: శ్రీకాంత్, ప్రభుదేవా, ఆర్తి ఛాబ్రియా, ప్రకాష్రాజ్,
ఊర్వశి, వేణుమాధవ్, అలీ, శిల్పాచక్రవర్తి,
చంద్రమోహన్, కవిత, తనికెళ్ళభరణి, తదితరులు
సంగీతం: ఘంటాడి కృష్ణ
నిర్మాతలు: అశ్వనీదత్, అల్లు అరవింద్
స్క్రీన్ ప్లే, దర్శకత్వం: కె.వాసు
తెలుగు ప్రేక్షకులు ' ఒట్టి వెధవాయిలు..' అని తెలుగు దర్శక, నిర్మాతల అభిప్రాయమా? ఇటీవల విడుదలైన చిత్రాలే కాదు, తాజాగా వచ్చిన 'ఇంట్లో శ్రీమతి వీధిలో కుమారి' తీరు మరీ అన్యాయం. రెండు దశాబ్దల క్రితం చంద్రమోహన్, జయసుధ, రావుగోపాలరావులతో 'గోపాలరావుగారి అమ్మాయి' అనే చిత్రం వచ్చింది. ఇదే సినిమాను మలయాళంలో ప్రియదర్శన్ చాలా ఏళ్ళ క్రితమే తీశాడు. అదే చిత్రాన్ని గత ఏడాది ప్రియదర్శన్ 'హంగామా' పేరిట హిందీలో తీశాడు.
ఇప్పుడు ఈ 'హంగామా'ను తెలుగులో 'ఇంట్లో శ్రీమతి వీధిలో కుమారి'గా తీశారు. చిత్రమేమిటంటే, దర్శకుడు కె.వాసు 'గోపాలరావుగారి అమ్మాయి' చిత్రానికి దర్శకుడు. అదే దర్శకుడితో ఇప్పుడు హిందీలో హిట్టయిందని తెలుగులో మళ్ళీ తీయించడం అనేది నిజంగా ప్రేక్షకులు ఒట్టి అమాయకులు అని అనుకోవడ మే.
పోనీ, అదైనా కాస్తా బాగా తీశారా అంటే, అదీనూ లేదు. సినిమా పేరుకు కామెడీ చిత్రం కానీ ఎవరికీ నవ్వు తెప్పించదు. అనవసరపు హంగామా. ఈ సినిమా గురించి ఎక్కువగా మాట్లాడుకోవడం కూడా అనవసరమే.
అతుకుల బొంతగా తీసిన, పాతకాలపు చిత్రం. ఈ చిత్రంలో తనికెళ్ళ భరణి పాత్ర పేరు 'చెత్త సత్తయ్య'. కానీ, ఈ సినిమాకు ఆ పేరు వర్తింపచేయవచ్చు.
హీరోయిన్ ఆర్తి ఛాబ్రియా నటన సాధారణంగా ఉంది. ప్రకాష్రాజ్, ఊర్వశిల చుట్టే సినిమా అధికంగా తిరుగుతుంది. ప్రకాష్రాజుతో పోల్చితే, ఊర్శశి బాగా చేసింది. శ్రీకాంత్, ప్రభుదేవాలు ఇందులో డ మ్మీలు. వారి నటన కూడా అలాగే ఉంది. ఉన్నంతలో బ్రహ్మనందం నటన, వేణుమాధవ్ యాక్షన్ నవ్వు తెప్పిస్తుంది.
కొన్ని డబుల్మీనింగ్ డైలాగ్స్ కూడా నవ్వు తెప్పిస్తాయి కానీ, వాటిని ఆస్వాదించాలంటే కష్టమే. ఘంటాడి కృష్ణ సంగీతం మరీ మోస్తారు. పొరపాటున కూడా చూడడానికి వెళ్ళవద్దు.