Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అతుకుల బొంత ఖాకీ చొక్కా
చిత్రం: ఖాకీచొక్కా
నటీనటులు: సాయికుమార్, నీలాంబరి, మురళీమోహన్, థ్రిల్లర్ మంజు,
సత్యప్రకాష్, జయప్రకాష్రెడ్డి, జయలక్ష్మి
సంగీతం: వందేమాతరం శ్రీనివాస్
కెమెరా: శ్రీనివాస్
నిర్మాత: ప్రసాదరావు
కథ, మాటలు, స్ర్కీన్ప్లే, ఫైట్స్, దర్శకత్వం: విక్కీ
టైటిల్కున్న బలం వల్ల ఈ సినిమాకు మంచి క్రేజే వచ్చింది. అందునా వందలాది చిత్రాలకు ఫైట్ మాస్టర్గా పనిచేసిన విక్కీ తొలి సారి దర్శకత్వం వహిస్తుండటంతో బావుంటుందేమో అన్న ఆశ కలగటం సహజం. కానీ సినిమా చూసిన తర్వాత ఆయన్ని తిట్టుకోని ప్రేక్షకుడు ఉండడు. పోలీస్ బ్యాక్డ్రాప్లో తీసిన ఈ సినిమాలో అరుపులు కేకలు, ఊకదంపుడు ఉపన్యాసాలు తప్ప ప్రేక్షకులు ఓపికగా భరించే సన్నివేశాలే లేవు. ఏ సన్నివేశానికా సన్నివేశంతో సినిమా పూర్తిగా అతుకుల బొంతలా తయారైంది.
కథ గురించి చెప్పుకోవాలంటే శూన్యం.
మాజీ ఎమ్మెల్యే జయ్రపకాష్రెడ్డి, అతని కొడుకులు అన్యాయాలు చేస్తూ అక్రమాలకు ఆనవాళ్ళుగా ఉంటుంటారు. వారిని ఆటోడ్రైవర్ థ్రిల్లర్ మంజు ఎదిరిస్తుంటాడు. మరో వైపు కళ్ళెదుట భార్యను అవమానిస్తున్నా పట్టించుకోకుండా సర్దుకు పోతుంటాడు సాయికుమార్. శాంతి భద్రతలకు విఘాతం కలిగిస్తున్న మాజీ ఎమ్మెల్యే బృందాన్ని అరికట్టాలంటే సిన్సియర్ పోలీస్ ఆఫీసర్ ఎ.సి.పి. ప్రతాప్ వల్ల మాత్రమే వీలవుతుందని, అతను ఒక్క రిటైర్డ్ మిలిటరీ ఆఫీసర్ బోసు (మురళీమోహన్) మాట మాత్రమే వింటాడని చెప్పటంతో కమీషనర్ బోసు సాయం కోరతాడు.
ఆయన చెప్పినా మాట వినని సాయికుమార్ తన వల్ల కాదంటాడు. నిందిస్తున్న బోసుకు ఫ్ల్యాష్బ్యాక్ను వివరిస్తుంది అతని భార్య (నీలాంబరి). దాని ప్రకారం ఓ అమ్మాయి రేప్ కేసులో భవాని (సత్యప్రకాష్)ని అరెస్ట్ చేసి 7 సంవత్సరాలు జైలు శిక్ష పడేట్టు చేస్తాడు సాయి. ఆ తర్వాత జర్నలిస్టు అయిన నీలాంబరి ని పెళ్ళి చేసుకుంటాడు. స్వార్థపరుల కుట్రతో పదవికి రాజీనామా చేయటమే కాకుండా వారి దాడిలో అతని భార్య నడిరోడ్డుపై ప్రసవించాల్సిన పరిస్థితి ఏర్పడుతుంది. దాంతో భార్య కోరిక మేరకు తన ఎదట ఎటువంటి అన్యాయం జరుగుతున్నా పట్టించుకోకుండా ఉంటాడన్న మాట. అనంతరం బోసు చేసిన త్యాగంతో మరల ఖాకీని ధరించి దుండుగుల పీచమణచటంతో సినిమా కంచికి ప్రేక్షకులు ఇంటికి.
ఈ సినిమా గురించి ఎంత తక్కువ చెప్పకుంటే అంత మంచిది. అనవసరపు హడావుడి తప్ప విషయం శూన్యం. కథ నుంచి కథనం, మాటలు, ఫైట్స్, దర్శకత్వం విక్కీ అందించారు. ఆయనలో ఏదో చెప్పాలన్న తపనైతే ఉంది కానీ అందుకు సంబంధించిన పరిశీలన, పరిజ్ఞానం ఏమాత్రం లేవని అర్థం అవుతుంది. డైలాగులు ఒక్కోటి వింటుంటే బాగా ఉన్నాయనిపిస్తుంది. అయితే సినిమాలో మాత్రం అంతగా పేలలేదు.
ప్రత్యేకించి మురళీమోహన్ పోషించిన పాత్రకు స్పందన లేనే లేదు. సాంకేతికంగా చెప్పుకునేందుకు కూడా ఏమీ లేదు. ఫైట్ మాస్టర్ అయిన విక్కీ నుంచి వచ్చిన ఈ చిత్రంలో కనీసం ఫైట్స్ కూడా ఆకట్టుకునేలా లేవు. గాలిలో ముష్టి ఘాతాలతో ఫైట్స్ ఉన్నాయి. ఒక్క ఫైర్ ఫైట్ మాత్రం ఫర్వాలేదు. ఎవరికీ ఎటువంటి ప్రయోజనాన్ని ఇవ్వనటువంటి చిత్రమిది.