హిలేరియస్ ... ( 'లవర్స్‌' రివ్యూ)

హైలెట్స్

ఫస్టాఫ్ లో వచ్చే నల్ల వేణు సీను కామెడీ బాగా పండించింది. అలాగే సాయి లవ్ స్టోరీ...దాన్ని హీరోయిన్ బ్రేక్ చేసే విధానం బాగున్నాయి. సెకండాఫ్ లో మొదటే చెప్పుకున్నట్లుగా...సప్తగిరి భుజాన మోసుకుని వెళ్ళిపోయాడు.

ప్రేమ కధా చిత్రం ఇంపాక్ట్

మారుతి గత హిట్ చిత్రం ప్రేమ కధా చిత్రమ్ ని గుర్తు చేస్తూ... ఈ చిత్రంలో సప్తగిరి ..హీరోయిన్ ని చూడటం... అప్పటి సీన్స్... ఫ్లాష్ కట్ లో చూపటం హిలేయిస్ గా ఎంజాయ్ చేసేలా చేసాయి. అలాగే విక్రమార్కుడులో ఆడవాళ్లు సీన్ ని మగధీరకు ఎడాప్ట్ చేయటం బాగుంది.

పాటలు, కెమెరా వర్క్, ఎడిటింగ్

పాటలు బాగున్నాయి. వాటిని బాగా పిక్చరైజ్ చేసారు. సినిమాలో కెమెరా వర్క్ కూడా ఓ ప్లస్ గామారి, కలర్ ఫుల్ గా బాగుంది. ఎడిటింగ్ కూడా బాగా చేసారు. సూటిగా సుత్తి లేకుండా సినిమాని నీట్ గా తీసుకెళ్లటంలో సాయిం చేసింది.

దర్శకత్వం

మారుతి కథా,కథనాన్ని దర్శకుడు చక్కగా, జనాలుకు నచ్చేలా తెరకెక్కించాడు. కామెడీపై తనకి గ్రిప్ ఉందని, ఎంటర్టైన్మెంట్ సినిమాని హ్యాండిల్ చేయగలనని ప్రూవ్ చేసుకున్నాడు.

హీరో,హీరోయిన్స్

ఇద్దరూ చక్కగా ఫెరఫార్మెన్స్ చేసారు. మరో లీడ్ రోల్ లో కనిపించిన చాందిని, తేజస్విని,షామిలి కూడా బాగా చేసారు. బస్టాఫ్ లో తన కామెడీలో పండించిన సాయి ఈ సినిమాలో కూడా అదరకొట్టాడు.

డైలాగులు

పంచ్ లు లేకుండా పకపకా నవ్వించే డైలాగులు ఈ సినిమాలో చూడవచ్చు. సింపులు కథ కి చక్కటి స్క్రీన్ ప్లేతో నవ్వించటంలో మారుతి సక్సెస్ అయ్యాడు.

ఎవరెవరు...

నటీనటులు :సుమంత్‌ అశ్విన్‌, నందిత, షామిలి, తేజస్విని, ఎం.ఎస్.నారాయణ, ఆహుతి ప్రసాద్, సాయి, నవీన్, చిట్టి, సన, తదితరులు
కెమెరా:మల్హర్ భట్ జోషి,
సంగీతం:జె.బి.,
ఎడిటింగ్: ఉద్ధవ్.ఎస్.బి.,
నిర్మాతలు:సూర్యదేవర నాగవంశీ, మహేంద్రబాబు.బి.,
కథ, స్క్రీన్ ప్లే, మాటలు, సమర్పణ:మారుతి,
రచన, దర్శకత్వం:హరి.
విడుదల తేది: 15, ఆగస్టు 2014.