Mathu Vadalara 2 Twitter Review: మత్తు వదలరా 2 సినిమా ట్విట్టర్ రివ్యూ.. సత్య చంపేశాడట!

తెలుగు సినిమా పరిశ్రమలో ఎలాంటి అంచనాలు లేకుండా 2019 సంవత్సరంలో రిలీజైన మత్తు వదలరా సినిమా భారీ విజయం అందుకొన్నది. ఆ సినిమాకు సీక్వెల్‌గా మత్తు వదలరా 2 చిత్రం సెప్టెంబర్ 13వ తేదీన రిలీజ్‌కు సిద్దమైంది. శ్రీ సింహ కోడూరి హీరోగా, కమెడియన్ సత్య కీలక పాత్రలో నటిస్తున్న ఈ చిత్రానికి రితేష్ రానా దర్శకత్వం వహించారు.

అందాల భామ ఫరియా అబ్దుల్లా హీరోయిన్‌గా నటించింది. ప్రముఖ సినీ నిర్మాణ సంస్థ మైత్రీ మూవీ మేకర్స్ సమర్పణలో క్లాప్ ఎంటర్‌టైన్‌మెంట్ బ్యానర్‌పై చిరంజీవి (చెర్రీ), హేమలత పెదమల్లు ఈ చిత్రాన్ని నిర్మిస్తున్నారు. ఈ సినిమాపై నెటిజన్ల అభిప్రాయం, రివ్యూల వివరాల్లోకి వెళితే..

మత్తు వదలరా 2 సినిమా చూశాను. హిలేరియస్ కామెడీ వర్కవుట్ అయింది. మూవీ అంతా కమెడియన్ సత్య కోసమే చూడాలి. ఈ సినిమాకు సత్య కామెడీ, ఫన్ బలంగా మారింది. ఆయన తన హాస్యంతో అదరగొట్టాడు అనే అభిప్రాయాన్ని ఓ నెటిజన్ పోస్టు చేశాడు.

మత్తు వదలరా 2 మూవీలో సత్య రచ్చ రంబోలా? తన కామెడీతో ఇరుగదీశాడు. వెర్రితనంతో ఇచ్చిపడేశాడు. ఈ జనరేషన్ యాక్టర్ ఆయనే. నవ్వి నవ్వి కడుపు పగిలిపోతుంది. ఫస్టాఫ్ సూపర్‌గా ఉంది అని ఓ నెటిజన్ కామెంట్ చేశాడు.

మత్తు వదలరా రెడ్ కార్పెట్ షో చూశాను. ఫస్టాఫ్ బాగుంది. ప్యూర్‌గా సత్య కామెడీ రాంపేజ్. నవ్వలేక పొట్ట నొప్పి వచ్చింది. సత్య మనకు దొరికిన ఆణిముత్యం. ఈ సినిమాలో నాన్ స్టాప్ ఎంటర్‌టైన్‌మెంట్. సెకండాఫ్ హాఫ్ బాగుంది. ఈ రేంజ్‌లో ఉంటే బ్లాక్ బస్టర్ గ్యారెంటీ అని ఓ నెటిజన్ కామెంట్ చేశాడు.

మత్తు వదలరా 2 సినిమా చూశాను. కామెడీతో ఉన్న మాస్ థ్రిల్లర్. సీక్వెల్ అంటే ఇలా ఉండాలి. సత్య వన్ మ్యాన్ షో, వాటే టైమింగ్ అంటూ ఓ నెటిజన్ కామెంట్ చేశాడు.

మత్తు వదలరా 2 వెరీ గుడ్ సీక్వెల్. క్లైమాక్స్‌లో ట్విస్ట్ బాగుంది. సత్య కామెడీ అద్బుతంగా ఉంది. ఫరియా గ్లామరస్‌గా కనిపించింది. ఈ సినిమాలో చిరంజీవి రెఫరెన్స్ బాగా వర్కవుట్ అయింది. సినిమా మొదటి నుంచి చివరి వరకు బాస్ ఫ్యానిజంతో కుమ్మేశారు అని ఓ నెటిజన్ కామెంట్ చేశాడు.

మత్తువదలరా చిత్రం సత్య వన్ మ్యాన్ కామెడీ షో. అద్బుతమైన యాక్టర్ అతడు. యేసుదాస్‌గా అందర్నీ నవ్వించేలా నటించాుడ. ఈ సినిమా చూసిన తర్వాత ఏం అయ్యా సత్య.. థియేటర్లలో అదరగొట్టేవు. రియల్లీ సూపర్బ్ టైమింగ్ అంటూ కామెంట్ చేశారు. రితేశ్ రానా డైరెక్షన్ బాగుంది అని అన్నారు.