»   »  మనసుకు హత్తుకునేచిత్రం

మనసుకు హత్తుకునేచిత్రం

By Staff
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    Nemanasu
    ధనార్జనే ధ్యేయంగా తీసే కమర్షియల్‌ సినిమాలకు ఎప్పుడూ కొన్ని ఫరిధులుంటాయి. గిరిగీసుకున్న ఒక వృత్తం నుంచి బయటపడి తీసే కమర్షియల్‌ సినిమా నిర్మాతలు ఈ రోజుల్లో అరుదు. అలాంటి సమయంలో సామాజిక ప్రయోజనం కోసం తీసిన ఉత్తమ సినిమా- నీ మనసు- నా మనసు. మాచిస్‌ చిత్రం ద్వారా జాతీయ స్థాయిలో ప్రసంశలు పొందిన నిర్మాత ఆర్‌.వి.పండిట్‌ నిర్మించిన తాజా చిత్రం-నిదాన్‌. ఆ చిత్రాన్ని తెలుగులో నీ మనసు- నా మనసు పేరుతో అనువదించారు. ప్రస్తుతం ప్రపంచాన్ని పట్టిపీడిస్తున్న ఎయిడ్స్‌ మహమ్మరిని నేపథ్యంగా తీసుకొని ఎంతో హృద్యంగా చిత్రీకరించిన ఈ చిత్రం అందర్నీ ఆలోచింపచేస్తుంది.

    శివాజీ సతమ్‌, రీమాల ఏకైక కుమార్తె నిషా. కాలేజీలో చదువుతుంటుంది. ఆమె స్నేహితుడు సునీల్‌. ఇద్దరి మధ్య స్నేహం ప్రేమగా మారుతుంది. పరీక్షల సమయంలో నిషాకు జ్వరం వస్తుంది. ఎంతకీ తగ్గకపోవడంతో రక్తపరీక్ష చేస్తారు. అందులో నిషాకు హెచ్‌.ఐ.వి పాజిటివ్‌ ఉందని తెలుస్తుంది. చిన్నతనంలో అపెండిసైటిస్‌ ఆపరేషన్‌ జరిగినప్పుడు రక్తాన్ని పరీక్షించకుండా ఎక్కించినందువల్లే ఈ దారుణం జరిగిందని డాక్టర్‌ చెపుతాడు. పెళ్ళికెదిగిన కూతురు ఎయిడ్స్‌ బారిన పడి చావును తప్పించుకోలేని పరిస్థితిని ఆ తల్లితండ్రులు జీర్ణించుకోలేకపోతారు. నిషా వ్యాధి గురించి సునీల్‌ కు చెప్పి తన కూతురును కలుసుకునే ప్రయత్నం చేయవద్దని శివాజీ చెపుతాడు.

    అయితే, నిజమైన ప్రేమకు నిర్వచనం చెపుతూ సునీల్‌ నిషాను పెళ్లిచేసుకంటాడు. చిన్నపట్నుంచీ నిషా సంజయ్‌ దత్‌ అభిమాని. సంజయ్‌ దత్‌ నిషా ఉన్న ఆసుపత్రికి వచ్చి కలుసుకున్న తర్వాత... ఆమెను ఇంటికి తీసుకొస్తారు. కొద్దిరోజులకే ఆమె శాశ్వతంగా కన్నుమూస్తుంది.

    ప్రస్తుతం ప్రపంచాన్ని గడగడ వణికిస్తున్న ఎయిడ్స్‌ వ్యాధి గురించి ప్రజల్లో చైతన్యం తెచ్చేందుకు తీసిన చిత్రం ఇది. అందుకే ఈ చిత్రానికి రాష్ట్రప్రభుత్వం వినోదపు పన్నును రద్దుచేసింది. ఓ చక్కని కథను అల్లి మనసును కదిలించే విధంగా ఎయిడ్స్‌ వ్యాధి గురించి మహేష్‌ మంజ్రేకర్‌ చెప్పిన తీరు ప్రశంసనీయం. రాహూల్‌ రణడే సంగీతమూ ఈ చిత్రం మూడ్‌ కనుగుణంగా ఉంది. శివాజీ సతమ్‌, రీమాలాగూ వంటి సీనియర్ల నటనతో పాటు ఎయిడ్స్‌ పేషంట్‌ గా నిషాబైన్స్‌ నటనా ముగ్ధుల్ని చేస్తుంది. సునీల్‌ బార్వే నటన కూడా చాలా బావుంది.

     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more