వచ్చాడు కానీ... ( 'రామయ్యా వస్తావయ్యా ' రివ్యూ)

ఆ డైలాగ్ సూపర్...

దుర్యోధనుడు గెటప్ లో కనిపించి..దానవీర శూర కర్ణలో చెప్పే పెద్ద డైలాగుని హీరో ఇంట్రడక్షన్ సీన్ లో చెప్పి అదరకొట్టారు. తన తాతగారి లాగే పౌరాణానిక పాత్రల్లోనూ రాణిస్తాడని చెప్పినట్లైంది. ఈ సీన్ లో ఎన్టీఆర్ ఆహార్యం...డైలాగు చెప్పే తీరు చాలా బాగుంటుంది.

కామెడీ కేక...

ప్రస్తుతం ట్రెండ్ గా మారిన కామెడీని కంటిన్యూ చేస్తూ ఎన్టీఆర్ పై ఫస్టాఫ్ మొత్తం కామిడీ ప్లే చేసారు. ఆ సీన్స్ బాగా పేలాయి. ముఖ్యంగా సమంత బామ్మ(రోహిణి హట్టంగిడి)కి, ఎన్టీఆర్ కి మధ్య వచ్చే సీన్స్ బాగా పండాయి. కామెడీలోంచి ఎమోషన్ లోకి ట్రాన్సిక్షన్ బాగా చేసారు.

రొమాన్స్...

సమంతకు ఎన్టీఆర్ కి మధ్య వచ్చే లవ్ సన్నివేశాలు బాగున్నాయి. ముఖ్యంగా పాటల్లో వీరిద్దరి కెమిస్ట్రీ బాగా వర్కవుట్ అయ్యింది. ఇళయరాజా సాంగ్స్...ని సమంత కనపడినప్పుడల్లా ప్లే చేయటం చాలా బాగుంది.

శృతిహాసన్

సెకండాఫ్ ఫ్లాష్ బ్యాక్ లో వచ్చే శృతిహాసన్ మనకు ఎన్టీఆర్ గత చిత్రం నరసింహుడు ఫ్లాష్ బ్యాక్ ని గుర్తు చేసినా...ఆమెపై తీసిన పాట,కొన్ని డైలాగ్స్ బాగున్నాయి. ఫ్లాష్ బ్యాక్ లో ఎంటర్టైన్మెంట్ పెంచి, లెంగ్త్ తగ్గిస్తే బాగుండేది.

టెక్నికల్ గా...

సాంతేకికంగా సినిమా చాలా బాగుంది. ముఖ్యంగా సినిమాటోగ్రఫి చాలా రిచ్ ఫీల్ తీసుకువచ్చింది. పాటల్లో విజువల్స్ కూడా చాలా శ్రద్ద పెట్టి చేసారు. ఎన్టీఆర్ గ్లామర్ ని బాగా ప్రాజెక్టు చేసారు. సమంత క్యూట్ గా ఎప్పటిలాగే ఉంది.

సంగీతం

థమన్ అందించిన సంగీతం సినిమాకు పెద్ద ఎస్సెట్ కాదు కానీ ఓకే అనిపించింది. అయితే బ్యాక్ గ్రౌండ్ స్కోర్ బాగా ఇచ్చాడు. పాటల్లో నేనెప్పుడైనా కలగన్నానా, జాబిల్లీ నువ్వే... రెండు ఇప్పటికే హిట్టయి ఉన్నాయి. తెరపై కూడా వాటిని బాగా చిత్రీకరించారు.

కథ,స్క్రీన్ ప్లే, డైలాగ్స్

"ఎవడు పడితే వాడు బుడ్డోడు బుడ్డోడు అంటే గుడ్డలూడతీసి కొడతా." అంటూ రాసిన డైలాగు కి థియోటర్ లో మంచి రెస్పాన్స్ వచ్చింది కానీ..ఆ డైలాగు సినిమాలో సింక్ కాలేదు. డైలాగు కోసం సీన్ రాసినట్లైంది. నిజానికి హరీష్ శంకర్ బలం డైలాగులు అని మిరపకాయ, గబ్బర్ సింగ్ నిరూపించాయి. దాన్ని కొనసాగిస్తూ ఈ చిత్రంలోనూ వన్ లైనర్స్ ని బాగా పేల్చాడు. ఎమోషన్ డైలాగ్స్ సైతం బాగున్నాయి. హీరో చేత..రికార్డుల గురించి డైలాగ్ చెప్పించి ఫ్యాన్స్ చేత చప్పట్లు కొట్టించాడు.

మిగతా పాత్రలు...

సినిమాలో మిగతా పాత్రలలో ముఖేష్ రుషి పాత్ర బ్యాడ్ ఛాయిస్ అనిపిస్తుంది. ముఖేష్ రుషి అనగానే నెగిటివ్ పాత్ర అనే ఇమేజ్ ఉంది. హీరో అతనికి సాయిం చేయడని అర్దమైపోతుంది. దాంతో ఈ ఎలిమెంట్ ఇంటర్వెల్ ట్విస్ట్ కి పెద్ద కిక్ రాకుండా అడ్డుపడింది. అజయ్ పాత్ర బాగా పేలింది. తణికెళ్ల భరిణి డైలాగు సెకండాఫ్ ఫ్లాష్ బ్యాక్ లో వచ్చేది టప్పట్లు కొట్టించింది. విలన్ రవి శంకర్ పాత్ర కూడా బిల్డప్ కే గానీ పెద్దగా ఉపయోగపడలేదు.

డాన్స్ లు...

ఎన్టీఆర్ సినిమా అంటే డాన్స్ లు ఆశిస్తారు. ఆ విషయంలో చిత్రం నిరాశపరచదు. ఎన్టీఆర్ తన శక్తి మేరకు వైవిధ్యైమైన స్టెప్స్ తో అలరించే ప్రయత్నం చేసాడు. శృతి,సమంతలతో ఫెరఫెక్ట్ జోడి అనిపించాడు.

టీమ్ లో ...ఎవరెవరు...

నటీనటులు : జూ.ఎన్టీఆర్, సమంత, శృతి హాసన్, రావు రమేష్, కోటశ్రీనివాసరావు, ముఖేష్‌ రుషి, తనికెళ్ల భరణి, ప్రగతి, అజయ్, భరత్, రవిశంకర్‌ తదితరులు
ఫైట్స్ : రామ్ లక్ష్మణ్, కణల్ కణ్ణన్, వెంకట్,
నృత్యాలు : దినేష్, గణేష్, శేఖర్ బాను,
పాటలు : సాహితి, భాస్కరభట్ల, అనంత శ్రీరామ్, శ్రీమణి,
సంగీతం : థమన్,
ఛాయాగ్రహణం: ఛోటా.కె.నాయుడు,
కూర్పు: గౌతంరాజు,
కళ: బ్రహ్మ కడలి,
స్క్రీన్ ప్లే : రమేష్ రెడ్డి, సతీష్ వేగేశ్న, తోట ప్రసాద్,
పోరాటాలు: కనల్‌ కణ్ణన్‌.
సహ నిర్మాతలు : శిరీష్- లక్ష్మణ్,
కథ, మాటలు, దర్శకత్వం : హరీష్ శంకర్.
నిర్మాత: దిల్‌ రాజు