Click it and Unblock the Notifications
Peddi Movie Public Talk: పెద్ది మూవీ పబ్లిక్ టాక్.. రామ్ చరణ్ సినిమా ఎలా ఉందంటే?
Peddi Movie Public Talk: మెగా పవర్ స్టార్ రామ్ చరణ్ హీరోగా, బుచ్చిబాబు సాన దర్శకత్వంలో తెరకెక్కిన ప్రతిష్టాత్మక పాన్ ఇండియా సినిమా'పెద్ది'. వృద్ధి సినిమాస్, ఐవీవై ఎంటర్టైన్మెంట్ బ్యానర్లపై కిలారు వెంకట సతీష్, ఇషాన్ సక్సేనా సంయుక్తంగా నిర్మించగా, ఈ సినిమాను మైత్రీ మూవీ మేకర్స్, సుకుమార్ రైటింగ్స్ సంస్థలు సమర్పించాయి. రామ్ చరణ్కు జోడీగా బాలీవుడ్ స్టార్ హీరోయిన్ జాన్వీ కపూర్ నటించగా, కన్నడ స్టార్ హీరో శివరాజ్ కుమార్, సీనియర్ నటుడు జగపతిబాబు, దివ్యేందు శర్మ, బొమన్ ఇరానీ, రవికిషన్, సత్య, అజయ్ ఘోష్, ఉపేంద్ర లిమాయే, ఆడుకలామ్ నరేన్ తదితరులు కీలక పాత్రల్లో కనిపించారు.
అలాగే.. స్టార్ హీరోయిన్ శృతిహాసన్ స్పెషల్ సాంగ్ లో సందడి చేయడం సినిమాపై మరింత ఆసక్తిని పెంచింది. ఆస్కార్ విజేత ఏఆర్ రెహమాన్ సంగీతం అందించగా, ప్రముఖ సినిమాటోగ్రాఫర్ రత్నవేలు అద్భుతమైన విజువల్స్ను అందించారు. నవీన్ నూలి ఎడిటింగ్ బాధ్యతలు నిర్వహించారు. గత కొన్ని నెలలుగా ఈ సినిమాపై భారీ అంచనాలు నెలకొనగా, జూన్ 3న ప్రీమియర్ షోలు ప్రారంభమయ్యాయి. తెలుగు రాష్ట్రాలతో పాటు ఓవర్సీస్లో కూడా ప్రీమియర్స్కు భారీ స్పందన లభించింది. సినిమా చూసిన అభిమానులు, సినీ ప్రేమికులు తమ అభిప్రాయాలను సోషల్ మీడియా వేదికగా పంచుకున్నారు. ఈ నేపథ్యంలో పెద్ది సినిమాపై పబ్లిక్ టాక్ (Peddi Movie Public Talk)ఎలా ఉందనే విషయాన్ని పరిశీలిస్తే..
సినిమా కథ గ్రామీణ నేపథ్యంలో సాగుతుంది. విజయనగరం జిల్లాలోని గుర్తింపు లేని ఓ గ్రామానికి చెందిన యువకుడు పెద్ది. సామాజిక వివక్ష, ఆర్థిక అసమానతలు, అవకాశాల లేమి మధ్య పెరిగిన అతను తన గ్రామానికి పేరు తీసుకురావాలనే కలతో జీవిస్తుంటాడు. క్రికెట్ ఆటగాడిగా మొదలైన అతని ప్రయాణం, అనుకోని పరిణామాల మధ్య కుస్తీ, అథ్లెటిక్స్ వైపు మళ్లడం, చివరకు తన ఊరి గౌరవం కోసం పోరాడటం కథలో ప్రధాన అంశమని తెలుస్తోంది.
ముఖ్యంగా రామ్ చరణ్ నటన గురించి వస్తున్న కామెంట్స్ చూస్తే, ఇది ఆయన కెరీర్లో మరో బ్లాక్ బస్టర్ మూవీగా నిలిచే అవకాశాలు కనిపిస్తున్నాయి. 'రంగస్థలం'లో చిట్టిబాబు పాత్రతో ప్రేక్షకులను మెప్పించిన చరణ్, ఇప్పుడు 'పెద్ది' పాత్రలో పూర్తిగా జీవించేశాడని అభిమానులు చెబుతున్నారు. సినిమా ప్రారంభం నుంచి చివరి వరకు పాత్రలో చూపించిన ఎమోషన్స్, ఫిజికల్ ట్రాన్స్ఫర్మేషన్ ప్రతి ఒక్కరినీ ఆకట్టుకుంటున్నాయని టాక్ వినిపిస్తోంది.
పబ్లిక్ టాక్ ప్రకారం.. సినిమా మొదటి భాగంలో రామ్ చరణ్ ఇంట్రడక్షన్ సీన్ భారీ స్థాయిలో డిజైన్ చేశారని అంటున్నారు. ముఖ్యంగా క్రికెట్ బ్యాక్డ్రాప్లో వచ్చే సన్నివేశాలు ప్రేక్షకులను బాగా ఆకట్టుకుంటున్నాయి. గ్రామీణ వాతావరణం, అక్కడి మనుషుల జీవనశైలి, స్థానిక భాషా శైలి సినిమాకు సహజత్వాన్ని తీసుకొచ్చాయని చెబుతున్నారు. జాన్వీ కపూర్ గ్లామర్, స్క్రీన్ ప్రెజెన్స్ బాగున్నాయని చెబుతున్నప్పటికీ, పాత్రకు మరింత ప్రాధాన్యం ఉండాల్సిందని కొందరు అభిప్రాయపడుతున్నారు. అయినప్పటికీ కొన్ని భావోద్వేగ సన్నివేశాల్లో ఆమె నటన ఆకట్టుకుందని ప్రేక్షకులు చెబుతున్నారు.
అయితే ఫస్ట్ హాఫ్ విషయంలో మిక్స్డ్ టాక్ కనిపిస్తోంది. కొంతమంది ప్రేక్షకులు కథ నెమ్మదిగా సాగిందని, కమర్షియల్ ఫార్మాట్ను ఎక్కువగా ఫాలో అయ్యిందని చెబుతున్నారు. ముఖ్యంగా విలన్ ట్రాక్, కొన్ని రొమాంటిక్ సన్నివేశాలు మరింత బలంగా ఉండాల్సిందని అభిప్రాయపడుతున్నారు. అయినప్పటికీ ఇంటర్వెల్కు ముందు వచ్చే ఎమోషనల్ బ్లాక్, అప్పలసూరి పాత్రకు సంబంధించిన సంఘటనలు ప్రేక్షకులను కదిలిస్తున్నాయని టాక్.
ఈ సినిమాలో జగపతి బాబు పోషించిన అప్పలసూరి పాత్ర ప్రత్యేకంగా నిలిచిందని ప్రేక్షకులు చెబుతున్నారు. ఆయన పాత్ర కథకు ఎమోషనల్ హార్ట్లా పనిచేస్తుందని, పెద్ది జీవితంలో కీలక మలుపుకు కారణమవుతుందని అంటున్నారు. జగపతి బాబు నటన సినిమాకు మరో ప్రధాన బలంగా మారిందని కామెంట్స్ వినిపిస్తున్నాయి.
ఇక సెకండ్ హాఫ్ విషయానికి వస్తే, ఇదే సినిమాకు అసలు బలం అని చాలా మంది ప్రేక్షకులు చెబుతున్నారు. ముఖ్యంగా శివరాజ్ కుమార్ పోషించిన గౌరీనాయుడు పాత్ర ఎంట్రీ తర్వాత కథ మరో స్థాయికి వెళ్తుందని అంటున్నారు. రామ్ చరణ్, శివరాజ్ కుమార్ మధ్య వచ్చే గురు-శిష్య సంబంధం, భావోద్వేగ సన్నివేశాలు సినిమాకు హైలైట్గా నిలుస్తున్నాయని అభిప్రాయాలు వ్యక్తమవుతున్నాయి.
సెకండ్ హాఫ్లో సినిమా పూర్తిగా ఎమోషనల్ జోన్లోకి వెళ్లిపోతుందని ప్రేక్షకులు చెబుతున్నారు. ముఖ్యంగా క్లైమాక్స్కు ముందు వచ్చే సన్నివేశాలు, పెద్ది జీవితంలో జరిగే కీలక పరిణామాలు ప్రేక్షకులను కంటతడి పెట్టిస్తున్నాయని అంటున్నారు. గ్రామానికి గుర్తింపు తీసుకురావడం, తన ఊరికి చిరునామా సంపాదించడం వంటి అంశాలు ప్రేక్షకులకు భావోద్వేగ అనుభూతిని కలిగిస్తున్నాయని టాక్.
సినిమాలో రామ్ చరణ్ ఫిజికల్ ట్రాన్స్ఫర్మేషన్ ప్రత్యేక ఆకర్షణగా నిలిచింది. కుస్తీ పోటీల్లో కనిపించే లుక్, అథ్లెట్గా మారిన తర్వాత చూపించిన శరీరాకృతి ప్రేక్షకులను ఆశ్చర్యపరుస్తోందని అభిమానులు చెబుతున్నారు. చాలామంది సోషల్ మీడియాలో "ఈ పాత్రను రామ్ చరణ్ తప్ప మరెవ్వరూ చేయలేరు" అంటూ పోస్టులు పెడుతున్నారు. కొందరు అభిమానులు అయితే ఈ సినిమాకు జాతీయ అవార్డు స్థాయి నటన చూపించారని ప్రశంసిస్తున్నారు.
సాంకేతిక అంశాల విషయానికి వస్తే, ఆస్కార్ విజేత ఏఆర్ రెహమాన్ సంగీతం సినిమాకు మరో ప్రధాన బలం. పాటలతో పాటు బ్యాక్గ్రౌండ్ స్కోర్ కూడా సన్నివేశాలను మరింత ఎలివేట్ చేసిందని ప్రేక్షకులు చెబుతున్నారు. ముఖ్యంగా క్లైమాక్స్, ఎమోషనల్ సీన్స్లో రెహమాన్ సంగీతం ప్రేక్షకులను కథలో లీనమయ్యేలా చేసిందని కామెంట్స్ వినిపిస్తున్నాయి.
రత్నవేలు సినిమాటోగ్రఫీ కూడా ప్రశంసలు అందుకుంటోంది. విజయనగరం గ్రామీణ అందాలను అద్భుతంగా తెరపై చూపించారని ప్రేక్షకులు చెబుతున్నారు. క్రీడా సన్నివేశాలు, కుస్తీ పోటీలు, భారీ ఎమోషనల్ ఎపిసోడ్లను విజువల్గా అద్భుతంగా తెరకెక్కించారని అంటున్నారు. అయితే సినిమా నిడివి కొంతమందికి మైనస్గా అనిపించింది. మూడు గంటలకు పైగా ఉన్న రన్టైమ్ను కొంత తగ్గించి ఉంటే ఇంకా బాగుండేదని అభిప్రాయాలు వ్యక్తమవుతున్నాయి.
మొత్తంగా చూస్తే 'పెద్ది' ఒక ఎమోషనల్ స్పోర్ట్స్ డ్రామాగా ప్రేక్షకులను ఆకట్టుకుంటోంది. మాస్ ఎలివేషన్స్, స్ట్రాంగ్ ఎమోషన్స్, రామ్ చరణ్ కెరీర్ బెస్ట్ పెర్ఫార్మెన్స్, ఏఆర్ రెహమాన్ సంగీతం, జగపతి బాబు-శివరాజ్ కుమార్ పాత్రలు సినిమాకు ప్రధాన బలాలుగా నిలిచాయి. ప్రస్తుతం సోషల్ మీడియాలో వస్తున్న స్పందనలను బట్టి చూస్తే, 'పెద్ది' రామ్ చరణ్ కెరీర్లో మరో బ్లాక్ బస్టర్ సినిమాగా నిలిచే అవకాశాలు కనిపిస్తున్నాయి.
Continue with Google