Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ప్రేమించు-మంచి చిత్రం
నటీనటులు: సాయికిరణ్, లయ, రూప, మురళీమోహన్, లక్ష్మి.
సంగీతం: శ్రీలేఖ
నిర్మాత: డి.రామానాయుడు
దర్శకత్వం: బోయిన సుబ్బారావు
ఉత్తమ చిత్రాలు నిర్మించి అవార్డులు సంపాదించాలనే ఉద్దేశంతో రామానాయుడు ఈ మధ్య కొన్ని చిత్రాల నిర్మాణానికి పూనుకున్నారు. ఆ ప్రయత్నంలో రూపొందించిన చిత్రం- ప్రేమించు. అయితే ఇది ఉత్తమ చిత్రం అని చెప్పలేం కానీ మంచి చిత్రం అనే చెప్పొచ్చు. మెలోడ్రామా, సెంటిమెంట్ సీన్స్ కొన్ని తగ్గిస్తే సినిమా ఇంకా ఆకట్టుకొని ఉండేది. కథపరంగా కొత్తదనం లేకున్నా కన్వీన్సింగ్ గా చెప్పడంవల్ల ఈ సినిమా బాగున్నట్లు అనిపిస్తుంది. హరి అనుమోలు ఫోటోగ్రఫీ చిత్రానికి రిచ్ నెస్ తీసుకువచ్చింది. ప్రతిఫ్రేమ్ రిప్రెషింగ్ ఉండేలా చిత్రీకరించాడు. అన్నింటకన్నా తనికెళ్ళ భరణి కామెడీ సీన్స్ బాగున్నాయి.
లయ చుట్టూ కథ తిరుగుతుంది. గుడ్డిదైన లయను కష్టపడి పెంచుతాడు మురళీమోహన్. భార్య కూతురును వదిలి వెళ్ళిపోయినా తల్లితండ్రి తనై పెంచుతాడు. లయకు కళ్ళు లేకున్నా అన్నీ పనులు ఏ ఆటంకం లేకుండా చేసుకుంటుంది. కష్టపడి చదివి లాయర్ అవుతుంది. కాలేజ్ లో సాయికిరణ్ ను ప్రేమిస్తుంది. పెళ్ళిచేసుకుందామనుకుంటుంది. కానీ సాయికిరణ్ మేనత్త లక్ష్మి ఇందుకు ఒప్పుకోదు. లక్ష్మి ఎవరో కాదు, లయ తల్లి అని తెలుస్తుంది. కూతురు గుడ్డదని మురళీమోహన్ కు డైవర్స్ ఇస్తుంది.కొడుకులాగా పెంచిన సాయికిరణ్ కు లయను ఇచ్చి పెళ్ళిచేయాలంటే ఆమె మనసు ఒప్పుకోదు. చివరికి లయ, సాయికిరణ్ ల ప్రేమ ఫలిస్తుందా లేదా అన్నది క్లైమాక్స్.
లయ నటన బాగుంది. పరిణతి ఉంది. సాయికిరణ్ పాత్ర తక్కువ. మురళీమోహన్, లక్ష్మిలు తమ పాత్రలను చక్కగా పోషించారు. ముఖ్యంగా తనికెళ్ళ భరణి హాస్యం హాయిగా ఉంది. శ్రీలేఖ సంగీతం ఫర్వాలేదు. కీరవాణి ప్రభావం నుంచి ఇంకా బయటపడలేదు శ్రీలేఖ. మొత్తమ్మీద చూడదగ్గ చిత్రం.