Don't Miss!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సోది ఫర్ సేల్ ('మన్మథన్ ఫర్ సేల్' రివ్యూ)
ఎంత సుబ్రమణ్యం ఫర్ సేల్ ని గుర్తు చేసే టైటిల్ పెట్టినా, మన్మధ అంటూ శింబు సూపర్ హిట్ చిత్రం గుర్తు చేసినా, అసలు దీని ఒరిజనల్ సినిమా ఏంటి, దాని రిజల్ట్ ఏమిటి అని ఒకటికి నాలుగు సార్లు నెట్ లో చెక్ చేసి మరీ ధియోటర్ కు వెళ్తున్నారు.
కాబట్టి ఇలాంటి పాతకాలం టైటిల్ తో మాయ చేద్దాం అనే డబ్బింగ్ ఐడియాలు వదిలేస్తే ఆ ఖర్చులైనా మిగులుతాయి. శాటిలైట్ తో వాటిని గిట్టుబాటు చేసుకుంటాం అంటారా.. అయితే అక్కడే డైరక్ట్ గా రిలీజ్ చేసుకోవటం మేలు.
యానిమేటర్ అర్జున్ (శింబు) లండన్లో లైఫ్ ని ఎంజాయ్ చేస్తూ హ్యాపీగా బండి లాగిస్తూంటాడు. అంతేకాకుండా పనిలోపనిగా ఆ దగ్గరలో ఉండే నిషా (వరలక్ష్మి శరత్కుమార్) తో ప్రేమలో పడతాడు. లండన్ లో ప్రెస్టీజియస్ డాన్స్ కాంపిటేషన్ లో గెలవటం ఆమె జీవితాశయం. అయితే మన అర్జున్ కు ఇలాంటివి అంటే గిట్టదు. అయితే ఒకరితో మరొకరు డీప్ గా ప్రేమలో పడిపోవటంతో ఓ ఎగ్రిమెంట్ రాసుకుని పెళ్లి చేసుకుంటారు. ఆ తర్వాత కొన్ని సంఘటనలతో వాళ్లు విడిపోయే సిట్యువేషన్ వస్తుంది. ఏమిటా సంఘటనలు..అసలు ఆ ఎగ్రిమెంట్ ఏమిటి అనే విషయాలు తెలియాలంటే సినిమా చూసి తెలుసుకోవాల్సిందే.
పాయింగ్ సినిమా ఆకట్టుకున్నా, సినిమా బోరింగ్ గా సాగుతుంది. ముఖ్యంగా రెండే పాత్రల చుట్టూ తిరగటం విసుగు అనిపిస్తుంది. ఇక సినిమాలో వరలక్ష్మి నటన కోసం ఓ సారి చూడవచ్చు. అలాగే సినిమాలో ఇంటర్వెల్, ఇంటర్వెల్ తర్వాత వచ్చే కొన్ని సన్నివేశాలు తప్ప పెద్దగా చెప్పుకోవటానికి ఏమీ లేవు.
శింబు నటనకు వంక పెట్టేదేమీ లేదు. తనకు అలాంటి పాత్రలు కొట్టిన పిండి అన్నట్లు చేసిపారేసాడు. కాకపోతే సినిమాలో డెప్త్ లేకపోవటం ఇబ్బందైంది. సినిమాలో బలమైన ఎమోషన్ లేకపోవటంతో కథ బలంగా వర్కవుట్ కాలేదు. ఫస్టాఫ్ ఓకే అనిపించినా సెకండాఫ్ లో ఎక్కడెక్కడికో వెళ్లిపోతుంది. క్లైమాక్స్ గురించి అయితే పూర్తిగా జారిపోయింది.
టెక్నికల్ గా సినిమా బాగుంది. ముఖ్యంగా లండన్ ని, సినిమా మూడ్ ని కాప్చర్ చేస్తూ సినిమాటోగ్రాఫర్ అదరకొట్టారు. సంగీతం బాగున్నా సినిమాలో ప్లేస్ మెంట్ సరిగా లేదు. బ్యాక్ గ్రౌండ్ స్కోర్ బాగుంది. ఇక ఎడిటింగ్ కూడా ఓకే.
నటీనటులు : శింబు, వరలక్ష్మి శరత్ కుమార్, విటేజే గణేష్, శోభన, సామ్రాట్ సూరజ్, నిక్ ధామస్, సంతానం,ప్రేమ్ జీ అమరన్ తదితరులు
దర్శకత్వం : విజ్ఞేష్ శివన్
సంగీతం : ధరణ్ కుమార్
నిర్మాత : 4 స్టార్స్ ఫిల్మ్స్ గ్రూప్
విడుదల తేదీ : 11, మార్చ్ 2016
ఫైనల్ గా ఎంతో అద్బుతంగా ఉంటే తప్ప డబ్బింగ్ సినిమాలు వర్కవుట్ కావు. అంతే తప్ప ఏదో పోస్టర్ లో చూపెట్టి, టైటిల్ తో మిస్ లీడ్ చేసి డబ్బులు చేసుకోవాలనుకోవటం ఇబ్బందికరమైన వ్యవహారమే.