Don't Miss!
- News జైల్లో చిప్పకూడే.: కేటీఆర్కు సీఎం రేవంత్ రెడ్డి స్ట్రాంగ్ కౌంటర్
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- Sports RCB vs KKR: సారీ.. మా ఆటగాళ్ల పేర్లు మరిచిపోయా: శ్రేయస్ అయ్యర్ వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
మోస్తరు..వీడే!
చిత్రం: వీడే
నటీనటులు: రవితేజ, ఆర్తి అగర్వాల్, రీమాసేన్, సాయాజీ షిండే, తెలంగాణ శకుంతల, నళిని
సంగీతం: చక్రి
నిర్మాతలు: శింగనమల రమేష్ బాబు, కె.ఎస్.రామారావు
స్క్రీన్ ప్లే, దర్శకత్వం: రవిరాజా పినిశెట్టి
తమిళ హీరో విక్రమ్ కు తమిళనాడులో ఎంత ఇమేజ్ ఉందో రవితేజ నటించిన 'వీడే' చిత్రం మరోసారి నిరూపించింది. విక్రమ్ తమిళంలో చేసిన 'జెమిని', దిల్(తెలుగులో శ్రీరామ్) చిత్రాలు సూపర్ హిట్టయ్యాయి. వాటి రీమేక్ లు మాత్రం తెలుగు వారిని ఆకట్టుకోలేకపోయాయి. విక్రమ్ నటన, ఆయన ఏర్పరచుకున్న ఇమేజ్ బలం వల్లే ఆ సినిమాలు అక్కడ నడిచాయని ఇంతకుముందు రూఢీగా 'వీడే' మరోసారి ఆ వాదనను బలపరిచినట్లైంది.
తమిళంలో సూపర్ హిట్టైన 'ధూళ్' చిత్రం ఆధారంగా తీసిన ఈ చిత్రంలో కొత్తదనం మనకు ఏమీ కనిపించదు. పక్కా కమర్షియల్ చిత్రం ఇది. ఒక సింగిల్ పాయింట్ ను పట్టుకొని సినిమా మొత్తం సాగతీయడం తప్ప గొప్పగా చెప్పుకోదగ్గ అంశమేదీ లేదు. గతంలోనూ తెలుగులో ఇలాంటి చిత్రాలు వచ్చాయి.
రవితేజకు మాస్ ఇమేజ్ ఉన్నా, 'వీడే' మాత్రం హీరో ఇమేజ్ మీద నడిచే చిత్రం కాదు. ప్రథమార్థంలో కొన్ని జోకులు (అవీ కూడా డబుల్ మీనింగ్స్), ద్వితీయార్థంలో షకీలా కామెడీ మాత్రం కాస్తా రిలీఫ్. క్లైమాక్స్ ఏమిటో సినిమా ఇంటర్వెల్ కు ముందే తెలుస్తుంది. అక్కడి నుంచి అంతా సాగతీత. చాలా సీన్లు హీరోను ఎలివేట్ చేసే ప్రయత్నంలో 'అతి'గా సిల్లీగా అన్పిస్తాయి. మరీ సాధారణ మాస్ చిత్రం ఇది.
బొబ్బర్లంక అనే ఊరిలో ఒక ప్రైవేట్ ఫ్యాక్టరీ వెదజల్లే నీటి కాలుష్యం వల్ల ఆ ఊరి ప్రజలు ఇబ్బందులను ఎదుర్కొంటుంటారు. ఆ ఊరికే చెందిన రాష్ట్ర మంత్రికి సమస్యను విన్నవించేందుకు ఆ ఊరి హీరో ఏడుకొండలు (రవితేజ), ఇంటర్ పాసయిన మంగతాయారు (ఆర్తి అగర్వాల్), ఆమె బామ్మ (తెలంగాణ శకుంతల) కలిసి హైదరాబాద్ వెళుతారు. సదరు మంత్రి (సాయాజీ షిండే) అనుచరగణం (నళిని తదితరులు)తో హీరో అనుకోకుండా ఢీకొనాల్సి వస్తుంది. చివరికి హీరో మంత్రిపై ప్రతీకారం తీర్చుకోవడంతో కథ ముగుస్తుంది. ఊరికి నీటి కాలుష్యం తప్పుతుంది.
రవితేజ నటనలో పెద్దగా మార్పులేదు. ఆర్తి ఓకే. రీమాసేన్ గ్లామర్ పాత్రలో బాగానే సూటయింది. సాయాజీ షిండే నటన ప్లస్ పాయింట్. చక్రి పాటలు మోస్తారుగా ఉన్నాయి. రీరికార్డింగ్ మాత్రం చెవులు బద్దలయ్యేలా చేశాడు. 'ఊరికే ఏది చేయను, ఊరికోసం ఏదైనా చేస్తాను' వంటి డైలాగ్ లతో కోన వెంకట్ తన ప్రతిభను నిరూపించుకున్నాడు. కానీ డబులుమీనింగ్ డైలాగ్స్ శ్రుతిమించాయి.