సున్నా (విజయ్ ‘అన్న’ రివ్యూ)

వన్ మ్యాన్ షో ...

విజయ్ ఎప్పటిలాగే ఈ చిత్రంలో వన్ మ్యాన్ షో అన్నట్లుగా నటించుకుంటూ పోయాడు. అయితే ఫస్టాఫ్ లో సత్యరాజ్ (సర్కార్ టైప్ క్యారెక్టర్ ) పాత్రకు ఉన్న బిల్డప్ కూడా ఇవ్వలేదు. చాలా లో ప్రొఫైల్ లో విజయ్ క్యారెక్టర్ ని ఉంచి ఒక్కసారిగా రైజ్ చేద్దామనుకున్నారు. కానీ ఆ సీన్స్ పండలేదు.

కామెడీ...

సినిమాలో కొద్దో గొప్పో రిలీఫ్ సంతానం కామెడీ అనే చెప్పాలి. సంతానం వచ్చినప్పుడే జనం విజిల్స్ వేసారంటే తెలుగులోనూ అతని హవా ఏంటో అర్దం చేసుకోవచ్చు. విజయ్ కన్నా అతని రాకకోసమే జనం ఎదురుచూస్తున్నారంటే అతిశయోక్తి కాదు. అవతలి వాడి ఆయుధానికి ఆయుధ పూజ చేయటం తప్పు బ్రదర్ అంటూ విజయ్ కు అమలా పాల్ గురించి చెప్పే డైలాగ్స్ కు మంచి రెస్పాన్స్ వచ్చింది.

లీడర్

తమిళం మాట్లాడే...ముంబై ప్రజలకు లీడర్ గా ఎదిగే విజయ్ ప్రస్దానం కన్వీన్సింగా ఉండదు. తన తండ్రి చనిపోయాక వారసత్వం తప్పదు అన్నట్లు విజయ్ రంగంలోకి దిగుతాడు. అలాగే తన తండ్రిని చంపేసిన వారిని కూడా పగ తీర్చుకునే ప్రాసెస్ కనపడదు. ఎంతసేపు బిల్డప్ షాట్స్ మీదే ఎక్కువ ఆధారపడ్డాడు దర్శకుడు.

గ్లామర్...

హీరోయిన్ గా అమలా పాల్ ఫస్టాఫ్ లో అమాయకంగా నటించి...ఇంటర్వెల్ దగ్గర ట్విస్ట్ ఇస్తుంది. అది బాగానే పేలింది. అయితే విజయ్,అమలాపాల్ మధ్యన రొమాన్స్ సీన్స్ పండలేదు. సెకండాఫ్ లో ఆమె పోలీస్ ఆఫీసర్ గా నప్పలేదు. సినిమాకు ప్లస్,మైనస్ రెండూ ఆమే.

టెక్నికల్...

దర్శకుడు తన గత చిత్రాలు లాగానే టెక్నికల్ గా ఈ చిత్రాన్ని భారీగా మంచి స్టాండర్డ్స్ తో తీసారు. కానీ అందుకు తగినట్లు సీన్స్ రాసుకోలేకపోయారు. దాంతో ఎక్కువ గా ఎమోషనల్ గా కనెక్టు కావాల్సిన చోట కూడా సీన్స్ పండక మామూలు సీన్స్ లా మిగిలిపోయాయి.

సంగీతం

విజయ్ సినిమాల్లో ఆడియో పెద్ద హిట్ అవుతూంటుంది. అయితే ఈ చిత్రంలో ఆడియో అంతగా ఆకట్టుకోదు. రెండు పాటలు బాగున్నాయి. అయితే రీ రికార్డింగ్ మాత్రం బాగా చేసారు. సినిమాలో కొన్ని కీలకమైన సన్నివేశాలకు అది ప్లస్ అయ్యింది.

ఛాయాగ్రహణం,ఎడిటింగ్

సినిమాని విజువల్ ట్రీట్ లా చాలా సీన్స్ ని కెమెరామెన్ నిరవ్ షా తీర్చిదిద్దారు. ఆయన కెమెరా వర్క్ చాలా ప్లస్. అయితే ఎడిటింగ్ మాత్రం మరింత షార్పు చేయాలి అనిపిస్తుంది. ఎందుకంటే ఒక విషయం చెప్పటానికి నాలుగైదు సీన్స్ రావటం, వివరణ సినిమాలో ఎక్కువయ్యాయి.

సహ నటీనటులు

సినిమాలో సత్యరాజ్ ...విజయ్ తండ్రిగా...వేద అన్నగా చేసారు. కత్తి పట్టినవాడు..చంపటమో....చావటమో చెయ్యాలి తప్పదు అంటూ సాగే ఈ పాత్ర బాగానే ఇంపాక్ట్ ఇచ్చింది. గాడ్ పాధర్ టైప్ ఇంట్రడక్షన్ తో మొదలైన ఈ పాత్ర ...కొడుకుతో అనుబంధం, ఓ పెద్దగా ఆయన అక్కడవారిని ఆదుకునేవి పెద్దగా ఎస్టాబ్లిష్ చేయకుండానే చంపేసారు. దాంతో వారసత్వం గా వచ్చన విజయ్ సీన్స్ పెద్దగా పండలేదు.

క్లైమాక్స్ వీక్...

సినిమాకు ప్రాణమైన క్లైమాక్స్ చాలా రెగ్యులర్ గా రొటీన్ ట్విస్ట్ తో వచ్చింది. అక్కడైనా కాస్త కిక్ ఇచ్చి ఉంటే బాగుండేది. అలాగే సినిమాకు లెంగ్త్ కూడా చాలా ఎక్కువై విసిగిస్తుంది. మూడు గంటలకు పైగా సాగిన ఈ చిత్రం ట్రిమ్ చేసి ఉంటే మరింత టైట్ గా ఉండి ఉండేది.

టీమ్...

బ్యానర్ : శ్రీలక్ష్మినరసింహా విజువల్స్
నటీనటులు: విజయ్, అమలాపాల్,అభిమన్యుసింగ్, సంతానం, రేఖ, రవిప్రకాశ్, వై.జి. మహేంద్ర తదితరులు
మాటలు: శశాంక్ వెన్నెలకంటి,
పాటలు: సీతారామశాస్త్రి, వెన్నెలకంటి, వనమాలి, రాకేందుమౌళి,
సంగీతం: జి.వి. ప్రకాశ్‌కుమార్,
ఛాయాగ్రహణం: నిరవ్ షా.
సమర్పణ: సినీ గెలాక్సీ, 3కె ఎంటర్‌టైన్‌మెంట్స్,
నిర్మాత: బి.కాశీవిశ్వనాథం
కథ,స్క్రీన్ ప్లే,దర్శకత్వం: ఎల్ .విజయ్