అరవింద సమేతకు తప్పని లీకుల బెడద.. త్రివిక్రమ్‌కు సవాల్‌గా నిలుస్తున్న లీకు వీరులు!

నాగబాబు ఫొటోతో

మెగా బ్రదర్ నాగబాబు ఈ చిత్రంలో ఎన్టీఆర్ తండ్రి పాత్రలో నటిస్తున్నాడు. ఓ ఎమోషనల్ సన్నివేశానికి సంబందించిన స్టీల్ ఆ మధ్యన సోషల్ మీడియాలో చక్కర్లు కొట్టింది. ఎడిటింగ్ రూమ్ నుంచి లీక్ అయి ఉంటుందనే అనుమానాలు మొదలయ్యాయి.

టీజర్ కోసం

తాజాగా మరి కొన్ని స్టిల్స్ సోషల్ మీడియాలో వైరల్ గా మారాయి. టీజర్ కోసం కట్ చేసిన స్టిల్స్ అనే అభిప్రాయం వ్యక్తం అవుతోంది. ఈ స్టిల్స్ లో ఎన్టీఆర్ చాలా ఎమోషనల్ గా కనిపిస్తున్నాడు.

తల పట్టుకుంటున్న

వరుసగా లీకులు జరుగుతూనే ఉన్నాయి. దీనితో చిత్ర యూనిట్ తల పట్టుకుంటున్నట్లు తెలుస్తోంది. ఎంత జాగ్రత్త వహించినా ఎదో విధంగా లీకులు జరుగుతూనే ఉన్నాయి. కీలకమైన సన్నివేశాలకి సంబందించిన స్టిల్స్ లీక్ అయితే సినిమాపై ప్రభావం చూపే అవకాశం ఉందనే అభిప్రాయం వ్యక్తం అవుతోంది.

మెట్రో స్టేషన్‌లో

ప్రస్తుతం అరవింద సమేత షూటింగ్ హైదరాబాద్ లో జరుగుతోంది. మెట్రో స్టేషన్ లో ఎన్టీఆర్, పూజ హెగ్దేపై త్రివిక్రమ్ సన్నివేశాలు చిత్రీకరిస్తున్నారు. షూటింగ్ స్పాట్ లోని వర్కింగ్ స్టిల్స్ సోషల్ మీడియాలో వైరల్ గా మారుతున్నాయి. మెట్రో స్టేషన్ లో హీరో, హీరోయిన్ మధ్య రొమాంటిక్ సన్నివేశానికి సంబందించిన చిత్రీకరణ జరుగుతున్నట్లు తెలుస్తోంది.