హోమ్

షూటింగ్ స్పాట్

స్వామిరారా చిత్రంతో తొలి ప్రయత్నంలోనే సుధీర్ వర్మ దర్శకుడిగా విజయవంతం అయ్యాడు. ఆ చిత్రం సూపర్ హిట్ అయింది. ఆ తర్వాత దోచెయ్, కేశవ లాంటి చిత్రాలు నిరాశపరిచాయి. ప్రస్తుతం ఈ యువదర్శకుడు శర్వానంద్ హీరో ఓ చిత్రాన్ని రూపొందిస్తున్నాడు. అందాల చందమామ కాజల్ అగర్వాల్ హీరోయిన్. గ్యాంగ్ స్టర్ కథగా థ్రిల్లర్ అంశాలతో సుధీర్ వర్మ ఈ చిత్రాన్ని రూపొందిస్తున్నారు. శర్వానంద్ విభిన్నమైన లుక్ లో కనిపించనున్నాడు.

ప్రస్తుతం ఈ చిత్ర షూటింగ్ స్పెయిన్ లో జరుగుతోంది. కాజల్ అగర్వాల్, శర్వానంద్ పై భారీ ఖర్చుతో ఓ సాంగ్ ని చిత్రీకరిస్తున్నారు. ఈ సాంగ్ లో 250 మంది డాన్సర్లు పాల్గొనబోతున్నట్లు తెలుస్తోంది. సితార ఎంటర్ టైన్మెంట్స్ సంస్థ ఈ చిత్రాన్ని నిర్మిస్తోంది. ఈ చిత్రానికి త్వరలోనే టైటిల్ చేయనున్నట్లు తెలుస్తోంది.

శర్వానంద్ చివరాగా నటించిన పడిపడిలేచే లేచే మనసు చిత్రం నిరాశపరిచింది. దర్శకుఢు సుధీర్ వర్మ, శర్వానంద్ ఇద్దరూ ఈ చిత్రంతో విజయాన్ని అందుకుకోవాలని పట్టుదలతో ఉన్నారు. ఈచిత్రం తర్వాత శర్వానంద్ దిల్ రాజు నిర్మాణంలో 96 రీమేక్ లో నటించాల్సి ఉంది. తమిళంలో ఘనవిజయం సాధించిన ఈ చిత్రంపై దిల్ రాజు నమ్మకంతో ఉన్నారు.