Don't Miss!
- Sports IPL 2024: ముంబై ఇండియన్స్కు బిగ్ షాక్.. విధ్వంసకర బ్యాటర్ దూరం!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గోవాలో రొమాంటిక్ సాంగ్స్.. యూత్కి పిచ్చెక్కించేలా పూరి స్టైల్ మేకింగ్
ఆకాష్ పూరి హీరోగా డాషింగ్ డైరెక్టర్ పూరి జగన్నాథ్ నిర్మాణంలో తెరకెక్కుతున్న చిత్రం 'రొమాంటిక్'. కొడుకును ఎలాగైనా సక్సెస్ ట్రాక్ ఎక్కించి స్టార్ హీరోని చేయాలని తాపత్రయ పడుతున్న పూరి.. ఈ సినిమా దర్శకత్వ బాధ్యతలను అనిల్ పాదూరి చేతిలో పెట్టారు. ఈ సినిమాలో ఆకాష్ పూరి సరసన అందాల భామ కేతికశర్మ హీరోయిన్గా నటిస్తోంది.
ప్రస్తుతం ఈ సినిమా షూటింగ్ శరవేగంగా జరుగుతోంది. ఇందులో భాగంగా గోవాలో చిత్రం లోని పాటల షూటింగ్ జరుపుతోంది చిత్ర యూనిట్. ఈ షెడ్యూల్ లోనే కొన్ని కీలక సన్నివేశాలను కూడా షూట్ చేయనున్నారట. ప్రస్తుతం హీరోహీరోయిన్ల మధ్య వచ్చే ఓ రొమాంటిక్ సాంగ్ ను షూట్ చేస్తున్నట్లు తెలుస్తోంది. ఈ సాంగ్ పూర్తిగా పూరి జగన్నాథ్ స్టైల్ లోనే తెరకెక్కిస్తున్నారని సమాచారం. యూత్ ఆడియన్స్ పిచ్చెక్కిపోయేలా ఈ సాంగ్ లోని రొమాంటిక్ సీన్స్ ఉండనున్నాయని తెలుస్తోంది.
మరోవైపు ఇటీవలే విడుదలైన 'రొమాంటిక్' ఫస్ట్లుక్ పోస్టర్ యూత్ ఆడియన్స్కి కిక్కించింది. హీరోయిన్ కేతికశర్మను టాప్ లెస్గా వెనుక నుంచి చూపించి అందరి దృష్టినీ లాగేశారు. ఇక టాప్ లెస్గా ఉన్న హీరోయిన్ని తన చేతులతో చుట్టి పడేశాడు ఆకాష్ పూరి. ఈ ఫస్ట్లుక్ పోస్టర్ చూస్తుంటే రొమాంటిక్ సినిమాలో రొమాన్స్ పీక్స్ స్టేజ్లో ఉంటుందని అర్థమవుతోంది. ఇక ఈ సినిమాలో సీనియర్ నటి రమ్యకృష్ణ ఓ కీలక పాత్రలో నటిస్తుండటం మరో విశేషం. అతిత్వరలో ఈ సినిమా ప్రేక్షకుల ముందుకు రానుంది.
మాఫియా నేపథ్యంలో ఓ రొమాంటిక్ ప్రేమ కథగా ఈ సినిమా రూపొందుతోంది. పూరి జగన్నాథ్ టూరింగ్ టాకీస్, పూరి కనెక్ట్స్ పతాకాల పై పూరి జగన్నాథ్, ఛార్మి ఈ చిత్రాన్ని సంయుక్తంగా నిర్మిస్తున్నారు. మరి ఈ సినిమాతోనైనా ఆకాష్ పూరికి హిట్ వస్తోందేమో చూడాలి.