చెర్రీ, ఎన్టీఆర్‌లకు రాజమౌళి సూచన.. రెడీ అయినట్లేనా?

రామ్ చరణ్ తేజ్‌కి గాయం

ఆర్ఆర్ఆర్ షూటింగ్ శరవేగంగా షూటింగ్ జరుగుతున్న సమయంలో మెగా పవర్ స్టార్ రామ్ చరణ్ గాయపడటంతో సినిమా షూటింగ్‌కి కొన్ని రోజులు బ్రేక్ ఇచ్చారు. ఆ తర్వాత ఎన్టీఆర్ కూడా గాయపడటం కారణంగా మరోసారి షూటింగ్ కి బ్రేక్ పడింది. ప్రస్తుతం ఈ ఇద్దరూ కోలుకోవడంతో మరో షెడ్యూల్ షూటింగ్ మొదలు పెట్టేందుకు రెడీ అయ్యారట జక్కన్న.

హైదరాబాద్ అల్యూమినియం ఫ్యాక్టరీలో

ఆర్ఆర్ఆర్‌కి సంబంధించి ఇప్పటికే రెండు భారీ షెడ్యూల్స్ పూర్తి చేసిన జక్కన్న.. తాజాగా మరో షెడ్యూల్ షూటింగ్ కోసం అంతా సిద్ధం చేశారట. ఈ షెడ్యూల్ హైదరాబాద్ లోని అల్యూమినియం ఫ్యాక్టరీలో భారీ ఎత్తున జరగనుందని తెలుస్తోంది. అక్కడ ప్రత్యేకంగా వేసిన ఓ సెట్‌లో భారీ యాక్షన్ సన్నివేశాలు తెరకెక్కించనున్నారట.

ఆలియా భట్ ఎంట్రీ

బాలీవుడ్ భామ ఆలియా భట్ ఈ సినిమాతో తెలుగు తెరపై అడుగుపెడుతోంది. చిత్రంలో రామ్ చరణ్ సరసన ఆలియా నటిస్తోంది. ఇప్పటి వరకు షూటింగ్‌లో పాల్గొనని ఆమె తాజాగా జరగబోయే షెడ్యూల్‌లో ఎంట్రీ ఇవ్వనుంది. చెర్రీ, ఆలియా మధ్య కీలక సన్నివేశాలు ఈ షెడ్యూల్‌లో ఫినిష్ చేయనున్నారు.

ఎన్టీఆర్ హీరోయిన్ కోసం వేట

చిత్రంలో చెర్రీ సరసన ఆలీయాను అదేవిధంగా ఎన్టీఆర్ సరసన బ్రిటిష్ భామ డైసీ ఎడ్గార్ జోన్స్‌ని సెలెక్ట్ చేశారు రాజమౌళి. అయితే కొన్ని కారణాల వల్ల డైసీ తప్పుకోవడంతో ఎన్టీఆర్ సరసన మరో హీరోయిన్ కోసం వేట ప్రారంభించారు. ఈ నేపథ్యంలో కీర్తి సురేష్, శ్రద్ద కపూర్ పేర్లు బయటకు వచ్చాయి. కానీ క్లారిటీ రాలేదు.

ఆర్ ఆర్ ఆర్ మూవీ

హిస్టారికల్ నేపథ్యంలో భారీ ఎత్తున ఈ సినిమాను తెరకెక్కిస్తున్నారు రాజమౌళి. చిత్రంలో రామ్ చరణ్ అల్లూరి సీతారామరాజు పాత్ర పోషిస్తుండగా, ఎన్టీఆర్ కొమురం భీం రోల్ చేస్తున్నారు. భారీ అంచనాల నడుమ 2020 జులై నెలలో ఈ సినిమా ప్రేక్షకుల ముందుకు రానుంది.