రాంచరణ్, బోయపాటి సినిమా సీన్లు లీక్.. ఇంటర్నెట్‌లో ఫొటోలు వైరల్!

పకడ్బందీగా రాంచరణ్ షూట్

రాంచరణ్, బోయపాటి కాంబినేషన్‌లో వస్తున్న చిత్ర షూటింగ్‌ను పకడ్బందీగా తెరకెక్కిస్తున్నారు. చిత్రానికి సంబంధించిన వీడియోలు గానీ, ఫొటోలు గానీ బయటకు రాకుండా కట్టుదిట్టమైన ఏర్పాట్లు చేశార. అయినా ఈ సినిమా ఫైట్ సీన్లు సోషల్ మీడియాలో హల్‌చల్ చేశాయి. దాంతో చిత్ర యూనిట్ మరోసారి గట్టి చర్యలు తీసుకొంటున్నట్టు సమాచారం.

మరింత క్రేజ్ పెంచిన లీక్‌ సీన్లు

లీకైన ఫొటోల ప్రకారం చేతిలో ఓ విభిన్నమైన ఆయుధంతో రాంచరణ్ ఫైట్ చేస్తున్నాడు. దాంతో ఫొటోలు లీక్‌తో కొంత ఆందోళన గురైనప్పటికీ ఈ సినిమా స్టిల్స్ ఫ్యాన్స్‌లో మరింత క్రేజ్, అంచనాలను పెంచాయి. డీవీవీ ఎంటర్‌టైన్‌మెంట్ బ్యానర్‌పై రూపొందుతున్న ఈ చిత్రం సంక్రాంతికి రిలీజ్ కానున్నది.

త్వరలోనే ఫస్ట్‌లుక్, టైటిల్

ఆర్సీ12 చిత్రానికి సంబంధించిన ఫస్ట్‌లుక్, టైటిల్‌ అనౌన్స్‌మెంట్ త్వరలోనే అభిమానుల ముందుకు తెచ్చేందుకు చిత్ర యూనిట్ ప్లాన్ చేస్తున్నది. నవంబర్ నెలఖారుకు సినిమాను పూర్తి చేసే ఆలోచనలో ఉన్నారు. ఆ తర్వాత వేగంగా ప్రమోషన్ చేసేందుకు ప్రణాళికను సిద్ధం చేస్తున్నారు.

విలన్‌గా హీరో వివేక్ ఓబెరాయ్

బోయపాటి, రూపొందుతున్న ఈ చిత్రంలో రాంచరణ్ సరసన భరత్ అనే నేను ఫేమ్ కైరా అద్వానీ నటిస్తున్నారు. ఈ చిత్రంలో బాలీవుడ్ హీరో వివేక్ ఓబెరాయ్ విలన్‌గా నటించడం విశేషంగా మారింది. ప్రశాంత్, ఆర్యన్ రాజేష్ కీలక పాత్రల్లో కనిపించనున్నారు. దేవీ శ్రీ ప్రసాద్ సంగీతం అందిస్తున్నారు.