వేగంగా కారు నడిపిన విజయ్ దేవరకొండ.. యాక్సిడెంట్.. ఎక్కడ, ఎలా అంటే!

డియర్ కామ్రేడ్ తర్వాత విజయ్ దేవరకొండ

ఇటీవలే డియర్ కామ్రేడ్ సినిమాతో ప్రేక్షకుల ముందుకొచ్చి కాస్త నిరాశ చెందిన విజయ్ దేవరకొండ ఈ సారి మరింత స్ట్రాంగ్‌గా దిగాలని ఫిక్స్ అయ్యాడట. ఈ మేరకు క్రాంతి మాధవ్ దర్శకత్వంలో కొత్త సినిమా చేసేందుకు కమిట్ అయ్యాడు. ప్రస్తుతం ఈ సినిమా షూటింగ్ శరవేగంగా జరుగుతోంది. ఇందులో భాగంగానే విజయ్ దేవరకొండపై కొన్ని కీలక సన్నివేశాల చిత్రీకరణ జరుగుతోంది.

ఫ్రాన్స్ నుంచి వచ్చి.. హైదరాబాద్‌లో

ఈ సినిమా తొలి షెడ్యూల్ ఫ్రాన్స్ లోని అందమైన లొకేషన్స్ లో చిత్రీకరించారు. ఆ వెంటనే హైదరాబాద్‌ వచ్చిన చిత్రయూనిట్ గత నాలుగు రోజులుగా రామోజీ ఫిలిం సిటీలో షూటింగ్ జరుపుతున్నారు. ఇందులో భాగంగా ఓ సీన్ షూట్ చేశారట. ''విజయ్‌ దేవరకొండ కారు వేగంగా నడుపుతుంటే ఆయన వెనక రౌడీలు పడటం.. అనూహ్యంగా విజయ్‌ నడుపుతున్న కారు యాక్సిడెంట్‌కు గురి కావడం'' అనే సీన్ చిత్రీకరణ జరిగిందట.

విజయ్ సరసన ముగ్గురు హీరోయిన్లు

ఈ సినిమాలో విజయ్ దేవరకొండ సరసన ముగ్గురు హీరోయిన్లు నటిస్తున్నారు. ఇటీవలే ఈ సినిమాలోని విజయ్ దేవరకొండ లుక్ బయటకు వచ్చి వైరల్ అయినా సంగతి తెలిసిందే. ఇంకా ఈ చిత్రంలో విజయ్ దేవరకొండ క్యారెక్టర్ డిఫెరెంట్ గా ఉంటుందని, ఆయన ఓ రైటర్‌గా కనిపించనున్నాడని తెలుస్తోంది.

క్రాంతి మాధ‌వ్ ద‌ర్శ‌క‌త్వంలో మూవీ

క్రాంతి మాధ‌వ్ ద‌ర్శ‌క‌త్వంలో రూపొందుతున్న ఈ సినిమాను కె.ఎస్‌.రామారావు స‌మ‌ర్ప‌ణ‌లో క్రియేటివ్ క‌మ‌ర్షియల్స్ బ్యాన‌ర్‌పై కె.ఎ.వ‌ల్ల‌భ నిర్మిస్తున్నారు. చిత్రంలో విజయ్ దేవరకొండతో పాటు రాశి ఖన్నా, ఐశ్వర్య రాజేష్ కీలక పాత్రలు పోషిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమా అతిత్వరలో ప్రేక్షకుల ముందుకు రానుంది.