హోమ్

షూటింగ్ స్పాట్

విక్టరీ వెంకటేష్ సంక్రాంతికి విడుదలైన ఎఫ్2 చిత్రంలో కెరీర్ లోనే అతి పెద్ద విజయాన్ని అందుకున్నారు. వెంకటేష్ కొత్త చిత్రం వెంకీ మామ షూటింగ్ ఇటీవల ప్రారంభమైంది. రియల్ లైఫ్ మామ అల్లుళ్ళు వెంకటేష్, నాగ చైతన్య హీరోలుగా ఈ మల్టీస్టారర్ చిత్రం రూపొందుతోంది. ఈ చిత్రాన్ని దరకుడు బాబీ. ఈ చిత్ర ఫస్ట్ షెడ్యూల్ లో భాగంగా రాజమండ్రిలో షూటింగ్ జరుగుతోంది.

అలా షూటింగ్ ప్రారంభమైందో లేదో అప్పుడే ఈ చిత్రానికి లీకుల బెడద మొదలైపోయింది. నాగ చైతన్యకు సంబందించిన ఇంట్రడక్షన్ సన్నివేశాలు లీకై సోషల్ మీడియాలో వైరల్ అవుతున్నాయి. కొన్ని షూటింగ్ లొకేషన్ ఫోటోలు కూడా చక్కర్లు కొడుతున్నాయి. పల్లెటూరి వాతావరణంలో కామెడీ ప్రధానాంశంగా బాబీ ఈ చిత్రాన్ని రూపొందిస్తున్నారు.

సురేష్ ప్రొడక్షన్స్, కోన వెంకట్ సంయుక్త నిర్మాణంలో ఈ చిత్రం తెరకెక్కుతోంది. వెంకటేష్ సరసన ఆర్ఎక్స్ 100 బ్యూటీ పాయల్ రాజ్ పుత్ హీరోయిన్ గా నటిస్తోంది. నాగ చైతన్య సరసన రాశి కన్నా హీరోయిన్ గా ఎంపికైంది. తమన్ సంగీతం అందిస్తున్న ఈ చిత్రాన్ని దసరా కానుకగా విడుదల చేసేందుకు ప్లాన్ చేస్తున్నారు.