Don't Miss!
- News పులివెందులలో జగన్ మెజార్టీ ఎంత - షర్మిల మంత్రాంగం..!!
- Sports T20 వరల్డ్ కప్కు భారత తుదిజట్టు ఇదే - సెహ్వాగ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Automobiles వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి వీడియో
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
ఫ్లాష్ బ్యాక్ : ‘భద్ర’కు పదిహేనేళ్లు.. బన్నీ కలిపిన బంధం.. అసలు విషయమేంటంటే?
ఓ సినిమా కథ గమ్యం ఎక్కడకు వెళ్లి ఆగుతుందో ఎవ్వరూ చెప్పలేదు. ఓ హీరోకు రాసిన కథ.. మరో హీరో చేతికి వెళ్తుంది. సినీ పరిశ్రమలో ఇది సర్వ సాధారణమే. అయితే ఈ విధానంలో కొంత మంది లాభపడొచ్చ.. మరికొంత నష్టపడొచ్చు. ఎలాగంటే.. అన్నిసార్లు అందరి నిర్ణయాలు సరైనవి కాకపోవచ్చు. ఒకరు వద్దనుకున్న కథను మరొకరు ఓకే అంటే ఫలితం బాగుండొచ్చు.. ఒక్కోసారి బెడిసి కొట్టొచ్చు. అయితే భద్ర సినిమా వచ్చేసరికి వ్యవహారం కాసింత భిన్నంగా ఉంది. ఓ హీరో గొప్పతనం అక్కడ కనిపిస్తుంది. ఆ హీరో ఎవరూ.. ఇంతకీ ఆ కథ ఏంటో ఓ సారి చూద్దాం.
బోయపాటికి మరో గాయం.. బాలయ్య కోసం భరించక తప్పట్లేదు?
భద్ర సినిమాకు పదిహేనేళ్లు..
రవితేజ హీరోగా వచ్చిన భద్ర సినిమాకు పదిహేనేళ్లు పూర్తయ్యాయి. ఈ చిత్రం ఎంతటి విజయాన్ని సాధించిందో ప్రత్యేకంగా చెప్పనక్కర్లేదు. దర్శకుడిగా బోయపాటి శ్రీనుకు మొదటి అడుగులోనే భారీ విజయం దక్కింది. అయితే కథగా ఉన్న భద్ర తెరపైకి రావడానికి వెనుక పెద్ద కథే ఉంది. అదేంటో ఓ సారి చూద్దాం.
‘ఆర్య' రోజులవి..
ఆర్య తరవాత మంచి కథల కోసం అల్లు అర్జున్ ఎదురు చూస్తున్నాడట. అదే సమయంలో దర్శకుడిగా అవకాశాల కోసం వెదుకుతున్నాడట బోయపాటి శ్రీను. ఓ కథ పట్టుకుని.. గీతా ఆర్ట్స్ తలుపు తట్టాడట. తీరా చూస్తే అదే భద్ర. తొలి సిట్టింగ్ లోనే బన్నీకి ఈ కథ బాగా నచ్చేసిందింటా.
బోయపాటి-దిల్ రాజు కాంబో..
కాకపోతే.. అప్పటి తన వయసుకీ, స్టామినాకీ, ఇమేజ్కీ ఈ కథ సరితూగదేమో అనే భయం వేసిందట బన్నీకి. కానీ.. బోయపాటిని నిరుత్సాహపరచకూడదని అనుకున్నాడట. అందుకే... బోయపాటిని తన కార్లో కూర్చోబెట్టుకుని ఏకంగా దిల్ రాజు ఆఫీసుకి తీసుకెళ్లాడట. `ఓ మంచి కథ విన్నా.. మీరు వినండి. మీకు తప్పకుండా నచ్చుతుంది` అని బోయపాటిని - దిల్ రాజుని కలిపాడట.
అలా రవితేజ ఎంట్రీ..
దిల్ రాజుకి కూడా కథ విపరీతంగా నచ్చేసిందట. కానీ.. ఈ కథకు బన్నీ సెట్ అవ్వడని దిల్ రాజుకు కూడా అర్థమైందంటా. ‘ఈ కథ నాతో కాదు. వేరెవరితోనైనా చేయండి. సూపర్ హిట్ గ్యారెంటీ' అని బన్నీ కూడా దిల్ రాజుకి భరోసా ఇచ్చాడట. అలా.. ఈ కథలోకి రవితేజ వచ్చాడు. మొత్తానికి భద్ర సెట్స్పైకి వెళ్లింది. సరిగ్గా పదిహేనేళ్ల క్రితం ఇదే రోజున భద్ర విడుదలై మంచి విజయాన్ని అందుకుంది. బోయపాటికి అదిరిపోయే సక్సెస్ దక్కింది. అలా చాలా ఏళ్ల తరువాత సరైనోడు రూపంలో బన్నీ రుణం తీర్చేసుకున్నాడు బోయపాటి.