ఉదయం మొదలుపెట్టి రాత్రి ముగించాం.. పెళ్లి రోజున యాంకర్ రవి స్పెషల్ సర్ప్రైజ్

కవర్ సాంగ్స్ ఫేమస్..

ఈ మధ్య కవర్ సాంగ్స్ అంటూ హిట్ అయిన పాటలను తెగ వాడేస్తున్నారు. తమ స్టైల్లో ఆ పాటలకు వీడియోలు చేస్తూ వదులుతున్నారు. ఇలాంటి మరీ ముఖ్యంగా ప్రీ వెడ్డింగ్ షూట్లలో వాడుతుంటారు. అయితే రవి కూడా అలాంటి ఓ కవర్ సాంగ్ చేశాడు. రాహు సినిమాలోని ఏమో ఏమో ఏమో అనే పాటకు తన భార్యతో కలిసి రొమాంటిక్ స్టెప్పులు వేశాడు.

ప్రోమోలతో రచ్చ..

యాంకర్ రవి నిత్యా సక్సెనా తమ ఎనిమిదో వివాహా వార్షికోత్సవాన్ని స్పెషల్‌గా సెలెబ్రేట్ చేసుకున్నారు. ఈ కవర్ సాంగ్ చేసేందుకు మంచి లొకేషన్లను దొరకబట్టారు. ఉన్నంతలో చాలా రిచ్‌గా తీశారు. కాస్ట్‌లీ బైక్, క్యాస్టూమ్స్ ఇలా అన్ని బాగా కుదిరాయి. ఇక ఈ సాంగ్‌పై హైప్ క్రియేట్ చేసేందుకు ప్రోమోలు కూడా వదిలాడు.

తాజాగా అలా..

రవి తాజాగా పూర్తి పాటను తన యూట్యూబ్ చానెల్‌లో పెట్టేశాడు. ప్రస్తుతం ఈ పాట బాగానే క్లిక్ అవుతోంది. పెట్టిన క్షణాల్లోనే బాగా రీచ్ వచ్చింది. వ్యూస్ బాగానే వస్తున్నాయి. అయితే ఈ పాట వెనకాల ఉన్న కష్టాన్ని రవి వివరించాడు. ఈ పాట వెనకలా ఎవరెవరి కష్టం ఉండో కూడా చెప్పాడు.

Recommended Video

Corona Birth Anniversary: కరోనాను భయపెట్టేసిన రవిబాబు... Ravi Babu Reacts

ఉదయం నుంచి రాత్రి వరకు

వాట్టే ఎక్స్‌పీరియన్స్.. ఉదయం ఆరుగంటలకు మొదలుపెట్టిన షూటింగ్ రాత్రి ఎనిమిది గంటలకు ముగిసింది. రాజేష్ రచ్చ కెమెరామెన్, ఫాల్గూణి కొరియోగ్రఫీ చేసిందని చెప్పుకొచ్చాడు. ఐశ్వర్యా మేకప్ వేసిందని ఈ అందరి సహకారంతోనే ఒక్క రోజులో షూట్ చేసేశాం.. అద్భుతమైన అవుట్ పుట్ వచ్చిందని అన్నాడు. ముఖ్యంగా మధుర శ్రీధర్‌కు థ్యాంక్స్.. మీ అందరి ప్రేమ, సహకారాలే నాకు బలాన్ని ఇస్తాయి.. మీరు చూపించే ప్రేమకు థాంక్స్ అని రవి పేర్కొన్నాడు.