సుమ కాళ్లు మొక్కిన రానా.. సాష్టాంగ నమస్కారం చేయడంతో షాక్

నాకు పెళ్లి, పిల్లలు అంటే

జెర్సీ సినిమా థాంక్యూ మీట్‌లో రానా మాట్లాడుతూ... జెర్సీ సినిమా యూనిట్‌ను ప్రశంసలతో ముంచెత్తారు. అంతేకాకుండా నాకు అమ్మాయిలు, పెళ్లి, పిల్లలు, క్రికెట్ లాంటి అంశాలు నాకు పట్టవు అని రానా కామెంట్ చేశారు. అయితే సినిమా నాకు కంటతడి పెట్టించింది. ఇక ప్రేక్షకుల పరిస్థితి ఎలా ఉంటుందో ఊహించుకోండి అని రానా అన్నారు.

సుమ కాళ్లపై పడిన రానా

అయితే రానా వ్యాఖ్యలపై సుమ స్పందించారు. జెర్సీ థాంక్యూ మీట్‌కు వచ్చినందుకు ధన్యవాదాలు. మీకు త్వరలోనే అమ్మాయిలు, పెళ్లి, పిల్లల గురించి అంతా అర్థం కావాలని కోరుకొంటున్నాను అని సుమ అనగానే.. రానా వెంటనే సాష్టాంగ నమస్కారం చేశారు. అంతేకాకుండా కాళ్లు మొక్కే ప్రయత్నం చేయడంతో సుమ కంగారు పడింది. వెంటనే కాళ్లు వెనక్కు లాగే ప్రయత్నం చేశారు.

అమ్మాయిలు, పెళ్లి నాకు అర్థం కావు.. జెర్సీ చూసి కంటతడి పెట్టా.. నానిని చూస్తే.. రానా

మీరు ఎందుకు సుఖంగా ఉండాలి

సుమకు కాళ్లు మొక్కి రానా వెళ్లిపోతుంటే మళ్లీ ఆయనను ఉడికించే ప్రయత్నం సుమ చేశారు. అందరూ పెళ్లి చేసుకొని కష్టాలు పడుతుంటే.. మీరు మాత్రం ఎందుకు సుఖంగా ఉండాలి. మీరు కూడా త్వరలోనే పెళ్లి చేసుకొని పిల్లలు కనాలని, అమ్మాయిల మనసును అర్ధం చేసుకోవాలి అన్నట్టు మాటలు విసిరారు.

ట్రెండింగ్‌గా రానా, సుమ ఫన్నీ ఎపిసోడ్

యాంకర్ సుమ, రానా మధ్య వేదికపై చోటుచేసుకొన్న సన్నివేశం ఆడియెన్స్‌ను విశేషంగా ఆకట్టుకొన్నది. అంతేకాకుండా ఈ వీడియో సోషల్ మీడియాలో ట్రెండింగ్‌గా మారింది. ఏది ఏమైనా రానా, సుమ మాటల విసుర్లు కార్యక్రమాన్ని ఆహ్లాదకరంగా మార్చాయి. ఈ కార్యక్రమంలో నాని, శ్రద్ధా శ్రీనాథ్, బాలనటుడు రోనిత్ కమ్రా తదితరులు పాల్గొన్నారు.