Telugu Warriors Vs Karnataka Bulldozers Live: కొంపముంచిన ఓవర్ కాన్ఫిడెన్స్ .. అఖిల్ సేనకు భంగపాటు

సీసీఎల్ 2025 సీజన్‌ను తెలుగు వారియర్స్ ఓటమితో ప్రారంభించింది. కర్ణాటక బుల్డోజర్స్‌తో జరిగిన తొలి మ్యాచ్‌లో అఖిల్ సేన 46 పరుగుల తేడాతో ఓటమి పాలైంది. 138 పరుగుల విజయలక్ష్యంతో రెండో ఇన్నింగ్స్‌ను ప్రారంభించిన తెలుగు వారియర్స్‌కు థమన్, సామ్రాట్‌లు మెరుపు ఆరంభాన్ని ఇచ్చారు. అయితే వారిద్దరూ వెనువెంటనే ఔట్ కావడం మ్యాచ్‌లో టర్నింగ్ పాయింట్‌గా మారింది. ఆ తర్వాత వచ్చిన బ్యాట్స్‌మెన్లు ఇలా వచ్చి అలా వెళ్లిపోవడంతో నిర్ణీత 10 ఓవర్‌లలో 9 వికెట్ల నష్టానికి 91 పరుగులు మాత్రమే చేయగలిగింది తెలుగు వారియర్స్. థమన్ 37, సామ్రాట్ 2, సచిన్ 2, అఖిల్ 9, అశ్విన్ బాబు 5, సాంబ 16, ఆదర్శ్ 1, రఘు 7, హరీష్ 5 పరుగులు చేశారు. కర్ణాటక బౌలర్లలో గణేష్ 4, చందన్ 2, అనూప్ 2 వికెట్లు పడగొట్టారు.

తెలుగు వారియర్స్ ఓటమి దిశగా పయనిస్తోంది. స్కోరు బోర్డును పరుగులు పెట్టించే క్రమంలో గణేష్ బౌలింగ్‌లో ఆదర్శ్ (1) భారీ షాట్‌కు ప్రయత్నించి బౌండరీ లైన్ వద్ద సాగర్‌కు దొరికిపోయాడు . దీంతో తెలుగు వారియర్స్ 80 పరుగులకు 7 వికెట్లు కోల్పోయినట్లయ్యింది.

తెలుగు వారియర్స్ కష్టాల్లో ఎదురీదుతోంది. ఇన్నింగ్స్‌ను చక్కదిద్దుతున్న దశలో అనూప్ బౌలింగ్‌లో అనవసరపు షాట్‌కు ప్రయత్నించి సాంబ 16 పరుగులకు .. బౌండరీ లైన్ వద్ద రాజీవ్‌కు చిక్కాడు. ఆ వెంటనే గణేష్ బౌలింగ్‌లో అశ్విన్ బాబు (5) కూడా భారీ షాట్‌కు ప్రయత్నించి రాజీవ్‌కి దొరికిపోయాడు. తెలుగు వారియర్స్ విజయం సాధించాలంటే 16 బంతుల్లో 57 కొట్టాలి.

కర్ణాటక బుల్డోజర్స్ ఆటగాళ్లు దుమ్మురేపుతున్నారు. తొలుత మంచి స్థితిలో ఉన్న తెలుగు వారియర్స్‌ క్రమం తప్పకుండా వికెట్లు కోల్పోయింది. సచిన్ రనౌట్ కాగా.. ఊపు మీదున్న అఖిల్‌ (9) అనూప్ బౌలింగ్‌లో భారీ షాట్‌కు ప్రయత్నించి బౌండరీ లైన్ వద్ద రాజీవ్‌కు దొరికిపోయాడు.

తెలుగు వారియర్స్‌కు మరో షాక్ తగిలింది.. చందన్ ఒకే ఓవర్‌లో రెండు వికెట్లు తీశాడు. తొలుత సామ్రాట్‌ (2)ను ఔట్ చేయగా.. ఆ వెంటనే మంచి ఊపు మీదున్న థమన్ (37)ని ఎల్బీడబ్ల్యూ వికెట్ల ముందు దొరకబుచ్చుకున్నాడు. దీంతో కన్నడ శిబిరంలో ఊపొచ్చింది.

తెలుగు వారియర్స్‌కు తొలి దెబ్బ తగిలింది. చందన్ బౌలింగ్‌‌లో సామ్రాట్ (2).. గణేష్‌కు క్యాచ్ ఇచ్చి వెనుదిరిగాడు. ప్రస్తుతం క్రీజులో థమన్ 40 పరుగులతో ఉన్నాడు.

138 పరుగుల విజయలక్ష్యంతో రెండో ఇన్నింగ్స్ భారీలోకి దిగిన తెలుగు వారియర్స్ ధాటిగా ఇన్నింగ్స్‌ను ఆరంభించింది. థమన్, సామ్రాట్‌లు ఓపెనింగ్‌కు వచ్చి కర్ణాటక బుల్డోజర్స్‌పై ఎదురుదాడికి దిగారు .

రెండో ఇన్నింగ్స్‌లో కర్ణాటక బుల్డోజర్స్ దుమ్ముదులిపారు. తొలి ఇన్నింగ్స్‌లో వచ్చిన 14 పరుగులకు తోడు సెకండ్ ఇన్నింగ్స్‌లో నిర్ణీత 10 ఓవర్లలో 3 వికెట్ల నష్టానికి 123 పరుగులు చేసి మొత్తంగా 137 పరుగుల ఆధిక్యం సాధించింది. దీంతో తెలుగు వారియర్స్ గెలవాలంటే 138 పరుగులు చేయాల్సి ఉంది. చందన్ 12, మంజునాథ్ 12, సుదీప్ 14, కృష్ణ 16, రాజీవ్ 25, కరణ్ 34 పరుగులు చేశారు. తెలుగు బౌలర్స్‌లో సాంబ, అశ్విన్ బాబు, సామ్రాట్‌లు తలో వికెట్ పడగొట్టారు.

కర్ణాటక బుల్డోజర్స్ 100 పరుగుల ఆధిక్యాన్ని అందుకుంది. సాంబ వేసిన 8వ ఓవర్‌లో ఒక ఫోర్, ఒక సిక్స్ సహా మొత్తం 13 పరుగుల పిండుకున్న సుదీప్ సేన .. తెలుగు వారియర్స్‌పై 100 పరుగుల ఆధిక్యాన్ని అధిగమించింది.

కర్ణాటక బుల్డోజర్స్ కెప్టెన్ కిచ్చా సుదీప్ (14) రిటైర్డ్ హర్ట్‌గా వెనుదిరిగాడు. ఆది బౌలింగ్‌లో షాట్ ఆడబోయిన ఆయనకు తొడ కండరాలు పట్టేయడంతో సుదీప్ రిటైర్డ్ హర్ట్‌గా మైదానం వీడారు.

కర్ణాటక బుల్డోజర్స్‌కు మరో షాక్ తగిలింది . 56 పరుగుల వద్ద ఆ జట్టు మూడో వికెట్ కోల్పోయింది. సామ్రాట్ బౌలింగ్‌లో తొలి ఇన్నింగ్స్ హీరో కృష్ణ (16) భారీ షాట్‌కు ప్రయత్నించగా అఖిల్ అందుకున్న సూపర్ క్యాచ్‌కు ఔటయ్యాడు.

కర్ణాటక బుల్డోజర్స్ తమ దూకుడైన ఆట తీరుతో స్కోరు బోర్డును పరుగులు పెట్టిస్తోంది. సెకండ్ ఇన్నింగ్స్‌లో 4 ఓవర్ల వద్ద 50 పరుగుల మార్క్‌ను దాటింది. కృష్ణ 15 పరుగులతో , కెప్టెన్ సుదీప్ 9 పరుగులతోనూ క్రీజులో ఉన్నారు.

మూడు ఓవర్లు ముగిసిన తర్వాత కర్ణాటక బుల్డోజర్స్‌ని మరింత ఇరుకున పెట్టేందుకు కొత్త బంతిని తీసుకున్నాడు నిఖిల్. కర్ణాటక కెప్టెన్ సుదీప్ వరుస ఫోర్లతో దుమ్మురేపుతున్నాడు. అతనికి కృష్ణ మంచి సహకారం అందిస్తున్నాడు.

మూడు ఓవర్లు ముగిసిన తర్వాత కర్ణాటక బుల్డోజర్స్‌ని మరింత ఇరుకున పెట్టేందుకు కొత్త బంతిని తీసుకున్నాడు నిఖిల్. కర్ణాటక కెప్టెన్ సుదీప్ వరుస ఫోర్లతో దుమ్మురేపుతున్నాడు. అతనికి కృష్ణ మంచి సహకారం అందిస్తున్నాడు.

కర్ణాటక రెండో ఇన్నింగ్స్ రెండో ఓవర్‌లో 2వ వికెట్‌ను కోల్పోయింది. 12 పరుగులు చేసిన చందన్.. భారీ షాట్‌కు ప్రయత్నించి అవుటయ్యాడు. సుదీప్ కిచ్చ, కృష్ణ క్రీజులో ఉన్నారు. 2 వికెట్ల నష్టానికి 26 పరుగులు చేసింది.

కర్ఠాటక రెండో ఇన్నింగ్స్‌ను ధాటిగా ప్రారంభించింది. అయితే అశ్విన్ బాబు వేసిన బంతిని బౌండరీకి తరలించే ప్రయత్నంలో సామ్రాట్ క్యాచ్ పట్టగా మంజునాథ్ అవుట్ అయ్యాడు. తొలి ఓవర్‌లో ఒక వికెట్ కోల్పోయి 13 పరుగులు సాధించింది. ఫస్ట్ ఇన్నింగ్స్‌లో 14 పరుగుల ఆధిక్యం లభించింది.

కర్టాటక బుల్డోజర్స్ జట్టు నిర్దేశించిన 113 పరుగుల టార్గెట్‌ను లక్ష్యంగా చేసుకొని బ్యాటింగ్ ప్రారంభించిన తెలుగు వారియర్స్ జట్టు నిర్ణీత 10 ఓవర్లలో 5 వికెట్లు కోల్పోయి 99 పరుగులు చేసింది. దాదాపు 14 పరుగుల వెనుకంజలో ఉంది. అఖిల్ అక్కినేని అత్యధికంగా 51 పరుగులు చేశాడు.

అఖిల్ అవుటయ్యాక.. 9 ఓవర్లలో 94 పరుగులు చేసింది. సామ్రాట్, సాంబా క్రీజులో ఉన్నారు. కర్నాటక బుల్డోజర్స్ జట్టు స్వల ఆధిక్యంలో ఉంది.

అఖిల్ అక్కినేని ధాటిగా ఆడి హాఫ్ సెంచరీ పూర్తి చేసుకొన్నాడు. 30 బంతుల్లో 51 పరుగులు చేశాడు. జట్టు కోసం బాధ్యతాయుతంగా ఆడుతూ స్కోరును పరుగులు పెట్టించాడు. 51 పరుగులు చేసి భారీ షాట్‌కు ప్రయత్నించి అవుట్ అయ్యాడు.

తెలుగు వారియర్స్ జట్టు 8 ఓవర్లు పూర్తయ్యే సరికి 2 వికెట్లు కోల్పోయి 82 పరుగులు చేసింది. భారీ షాట్‌కు ప్రయత్నించిన ఆదర్శ్‌ను కిచ్చ సుదీప్ స్టంప్ అవుట్ చేశాడు.

7వ ఓవర్‌లో తెలుగు వారియర్స్ జట్టుకు 15 పరుగులు వచ్చాయి. అఖిల్ ఇచ్చిన క్యాచులను కన్నడ ఆటగాళ్లు చేజార్చుకొన్నారు. ఓ రనౌట్ కూడా మిస్ అయింది. దాంతో 7 ఓవర్లలో 75 పరుగులు చేసింది. అఖిల్ 40 పరుగులు, ఆదర్శ్ 20 పరుగులతో క్రీజులో ఉన్నారు.

తెలుగు వారియర్స్ జట్టు 6 ఓవర్లలో 60 పరుగుల చేసింది. అఖిల్ అక్కినేని 32 పరుగులతో, ఆదర్శ్ 14 పరుగులతో క్రీజులో ఉన్నారు.

తెలుగు వారియర్స్ జట్టు 5 ఓవర్లలో 1 వికెట్ కోల్పోయి 47 పరుగులు చేసింది. అఖిల్ అక్కినేని 18 బంతుల్లో 27 పరుగులు, 5 బంతుల్లో 7 పరుగులతో ఆదర్శ్ ఆడుతున్నారు.

4వ ఓవర్‌లో భారీ షాట్‌కు ప్రయత్నించిన అశ్విన్ బాబు అవుట్ అయ్యాడు. లాంగ్ ఆఫ్ వద్ద బౌండరీపై క్యాచ్ పట్టడంతో పెవిలియన్‌కు చేరాడు. ఆయన స్థానంలో ఆదర్శ్ బాలకృష్ణ బ్యాటింగ్‌కు వచ్చాడు. 4 ఓవర్లలో తెలుగు వారియర్స్ జట్టు 38 పరుగులు చేసింది.

3వ ఓవర్‌లో తెలుగు వారియర్స్ జట్టు 27 పరుగులు చేసింది. అఖిల్ అక్కినేని రెండు ఫోర్లు కొట్టి జోష్ పెంచాడు. అఖిల్ 20 పరుగులతోను, అశ్విన్ బాబు 12 పరుగులతో క్రీజులో ఉన్నారు.

తెలుగు వారియర్స్ రెండో ఓవర్‌ను ఆచీతూచీ ఆడింది. అఖిల్ మరో ఫోర్ కొట్టి జోష్ పెంచాడు. అశ్విన్ బాబు సపోర్టుగా ఆడుతూ స్కోర్ బోర్డుపై పరుగుల వేగాన్ని పెంచాడు. అఖిల్ 10 పరుగులతోను, అశ్విన్ 8 పరుగులతో క్రీజులో ఉన్నాడు. తెలుగు వారియర్స్ 18 పరుగులు చేసింది.

114 పరుగుల భారీ లక్ష్యంతో బ్యాటింగ్ ప్రారంభించిన తెలుగు వారియర్స్ జట్టులో ఓపెనర్లు అఖిల్ అక్కినేని, అశ్విన్ బాబు స్టడీగా ఇన్నింగ్స్ ఆరంభించారు. తొలి ఓవర్‌లో ఓ ఫోర్‌తో అఖిల్ పరుగుల ఖాతాను ఓపెన్ చేశాడు. దాంతో తొలి ఓవర్‌లో 6 పరుగులు చేసింది.

10వ ఓవర్‌లో అశ్విన్ బాబు పరుగుల వేగానికి అడ్డుకట్ట వేశాడు. డార్లింగ్ కృష్ణకు భారీ షాట్స్‌కు అవకాశం ఇవ్వకుండా బౌలింగ్ చేశాడు. ఈ ఓవర్‌లో మొత్తంగా 9 పరుగులు వచ్చాయి. దాంతో తొలి ఇన్నింగ్స్‌లో కర్ణాటక బుల్డోజర్స్ జట్టు 113 పరుగులు చేసింది. దాంతో తొలి ఇన్నింగ్స్ టార్గెట్ 114గా సెట్ చేశారు.

9వ ఓవర్‌లో డార్లింగ్ కృష్ణ చెలరేగిపోయాడు. సామ్రాట్ బౌలింగ్ చీల్చి చెండాడు. సిక్సర్, ఫోర్‌తో వీర బాదుడు చూపించాడు. మొత్తంగా 15 పరుగులు వచ్చాయి. స్కోర్ 100 పరుగులకు చేరుకొన్నది. డార్లింగ్ కృష్ణ 69 పరుగులతో క్రీజులో ఉన్నాడు.

8వ ఓవర్‌లో డార్లింగ్ కృష్ణ విజృంభించి ఆడటంతో తెలుగు వారియర్స్ భారీగా పరుగులు సమర్పించుకొన్నది. ఈ ఓవర్‌లో తొలి బంతికే భారీ సిక్సర్ బాదాడు. మరో సిక్సర్ కూడా కొట్టి తన హాఫ్ పెంచరీని పూర్తి చేసుకొన్నాడు. దాంతో 3 వికెట్లు కోల్పోయి 86 పరుగులు చేసింది. డార్లింగ్ కృష్ణ 56 పరుగులతో క్రీజులో ఉన్నారు.

7వ ఓవర్‌లో కన్నడ ఆటగాళ్లు ధాటిగా బ్యాటింగ్ చేశారు. దాంతో 14 పరుగులు ఖాతాలో చేరాయి. దాంతో 3 వికెట్లు కోల్పోయి 68 పరుగులు చేసింది.

తెలుగు వారియర్స్ జట్టుతో జరుగుతున్న మ్యాచ్‌లో 6వ ఓవర్‌లో కన్నడ జట్టు భారీగా పరుగులు సాధించింది. 3 వికెట్లు కోల్పోయి 55 పరుగులు చేసింది. కృష్ణ 32 పరుగులతో, కరణ్ 4 పరుగులతో క్రీజులో ఉన్నారు.

5వ ఓవర్‌లో కన్నడ జట్టుకు మరో భారీ దెబ్బ తగిలింది. ఖయ్యూమ్ బంతిని భారీ షాట్‌కు తరలించబోయి.. మంజునాథ్ గౌడ అవుట్ అయ్యాడు. ఆది అద్బుతమైన క్యాచ్ పట్టడంతో మంజునాథ్ పెవిలియన్ చేరాడు. దాంతో 3వికెట్లు కోల్పోయి 41 పరుగులు చేసింది. ఈ రన్స్‌లో 13 పరుగులు వైడ్స్ రూపంలోనే రావడం గమనార్హం.

తెలుగు వారియర్స్ జట్టు 4వ ఓవర్‌లో భారీగా రన్స్ సమర్పించుకొన్నది. కృష్ణ భారీ షాట్స్‌కు ప్రయత్నించి ఓ సిక్స్, ఓ ఫోర్ సాధించాడు. దాంతో 2 వికెట్లు కోల్పోయి 33 పరుగులు చేసింది. కృష్ణ 20 పరుగులతో, మంజునాథ్ 2 పరుగులతో క్రీజులో ఉన్నారు.

తెలుగు వారియర్స్ జట్టు కట్టుదిట్టంగా బౌలింగ్ చేయడంతో కన్నడ బ్యాట్స్‌మెన్లకు పరుగులు సాధించడం కష్టంగా మారింది. ఆది సాయికుమార్, రఘు లైన్ అండ్ లెంగ్త్‌తో బంతులు విసరడంతో వికెట్లు టపటపా రాలాయి. మూడో ఓవర్‌లో కార్తీక్ పరుగు కోసం ప్రయ్నత్ని రనౌట్ అయ్యాడు. దాంతో మూడు ఓవర్లలో 2 వికెట్లు కోల్పోయి 18 పరుగులు చేసింది.

కర్టాటక బుల్డోజర్స్ మ్యాచ్‌ను ఆది సాయికుమార్ బౌలింగ్ చేయడం ద్వారా ఆరంభించారు. తొలి ఓవర్‌లో కన్నడ జట్టు 1 పరుగులు చేసింది. ఆది వేసిన అద్బుతమైన బంతికి రాజీవ్ అవుట్ అయ్యాడు. కీపర్ అద్బుతంగా క్యాచ్ పట్టడంతో పెవిలియన్ చేరాడు. రాజీవ్ 1 పరుగు చేసి అవుట్ అయ్యాడు. కృష్ణ 4 పరుగులతో, కార్తీక్ పరుగులేమి చేయకుండా క్రీజులో ఉన్నారు

టాస్ గెలిచిన తెలుగు వారియర్స్ జట్టు.. ఫీల్డింగ్ ఎంచుకొన్న కెప్టెన్ అఖిల్ అక్కినేని. దాంతో కెప్టెన్ కిచ్చ సుదీప్ నేతృత్వంలోని కన్నడ జట్టు మొదటి బ్యాటింగ్ చేపట్టనున్నది.

బెంగళూరులోని చిన్నస్వామి స్టేడియంలో తెలుగు వారియర్స్, కన్నడ బుల్డోజర్స్ జట్ల మధ్య మ్యాచ్ జరుగుతున్నది. ఈ మ్యాచ్ సందర్భంగా ఆటగాళ్లందరిని కన్నడ డిప్యూటీ సీఎం డీకే శివకుమార్ పరిచయం చేసుకొన్నారు.

తెలుగు వారియర్స్ జట్టుతో కర్ణాటక బుల్డోజర్స్ జట్టు తలపడుతుంది. ఈ టోర్నీలో బలమైన జట్లుగా పేరున్న రెండు కూడా బెంగళూరు వేదికగా పోటీపడుతాయి.