Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మెగాస్టార్ గుండు వెనుక రహస్యం ఇదే... కెరీర్లో తొలిసారి అలాంటి పాత్రలో చిరు!
మెగాస్టార్ చిరంజీవి... ఆరవై ఏళ్ల వయసులో కూడా పదహారేళ్ల కుర్రాడిలా ఆడి పాడగల నటుడు. పేరుకు సీనియర్ హీరోనే అయినా... నేటి తరం వాళ్లకు సరైన పోటీని ఇస్తున్నారాయన. సినిమాలకు వచ్చిన గ్యాప్ను మరిపించేందుకు ఆయన వరుస సినిమాలతో సందడి చేయాలని భావిస్తున్నారు. అందుకోసం సరికొత్త ప్రయోగాలకూ శ్రీకారం చుడుతున్నారు. ఇందులో భాగంగానే తాజాగా మెగాస్టార్ చిరంజీవి గుండుతో దర్శనమించారు. దీంతో ఎన్నో అనుమానాలు తెరపైకి వచ్చాయి. ఈ నేపథ్యంలో ఆయన గుండు వెనుక రహస్యం తెలిసిపోయింది. ఆ వివరాలు మీకోసం.!
Recommended Video
కథ అడ్డం తిరిగింది.. చరణ్ రోల్ ఖాయం
సైరా తర్వాత ఆచార్య సినిమాను వీలైనంత త్వరగా పూర్తి చేసి ఈ సంవత్సరమే విడుదల చేయాలని చిత్ర యూనిట్ భావించింది. కానీ, కరోనా కారణంగా అది కాస్తా వాయిదా పడిపోయింది. దీంతో మెగాస్టార్ ఫ్యూచర్ ప్రాజెక్టులు సైతం మరింత వెనక్కి వెళ్లిపోయాయి. ఇక, ఆచార్యలో రామ్ చరణ్ నటించడం ఖాయమన్న టాక్ వినిపిస్తోంది. షూటింగ్ ప్రారంభమైతే అతడి పార్ట్నే చిత్రీకరిస్తారని సమాచారం.
చిరంజీవి లైన్ చాలా పెద్దదిగానే ఉందిగా
ప్రస్తుతం ‘ఆచార్య'లో నటిస్తోన్న చిరంజీవి.. దీని తర్వాత చేయబోయే చిత్రాల విషయంలో పకడ్బందీగా ఉన్నారు. ఇందుకోసం లాక్డౌన్ సమయంలోనే కొందరు దర్శకులు చెప్పిన కథలను విన్నారు. అందులో సుజిత్, బాబీ, మెహర్ రమేశ్లను ఫైనల్ చేశారు. ఈ విషయాన్ని ఆయన ప్రకటించారు. అయితే, ఈ జాబితా నుంచి ‘సాహో' డైరెక్టర్ నిష్క్రమించినట్లు ప్రచారం జరుగుతోంది.
రెండు రీమేక్లు.. అది మాత్రం కొత్త కథ
‘ఆచార్య' తర్వాత చిరంజీవి చేయబోయే సినిమాల్లో రెండు రీమేక్లు ఉన్నాయి. అందులో ఒకటి మలయాళంలో సూపర్ హిట్ అయిన ‘లూసీఫర్' కాగా, రెండోది తమిళంలో బంపర్ హిట్ అయిన ‘వేదాళం'. ఇక, బాబీ అలియాస్ కేఎస్ రవీంద్ర తీసే సినిమా మాత్రం కొత్త కథతో రాబోతుందని తెలుస్తోంది. ‘ఆచార్య' తర్వాత వేదాళం రీమేక్ పట్టాలెక్కే అవకాశాలు మెండుగా ఉన్నాయి.
గుండుతో చిరంజీవి... ఆ మూవీ కోసమే
తాజాగా చిరంజీవి గుండుతో కనిపించి షాకిచ్చారు. ఈ ఫోటోను ఆయన సోషల్ మీడియాలో పోస్ట్ చేశారు. దీంతో ఇది కొద్ది సమయంలోనే బాగా వైరల్ అయింది. ఈ నేపథ్యంలో భవిష్యత్లో చేయబోయే ఓ సినిమా కోసం ట్రయల్ ఫొటో షూట్ చేశారని, అందులో భాగమే ఈ ఫొటో అని కొందరు సినీ ప్రముఖులు వెల్లడించారు. తాజా సమాచారం ప్రకారం.. ఇది వేదాళం రీమేక్ కోసమట.
కెరీర్లో తొలిసారి అలాంటి పాత్రలో చిరు.!
మెహర్ రమేష్ దర్శకత్వంలో చిరంజీవి చేయబోయే సినిమా గురించి తాజాగా ఓ న్యూస్ బయటకు వచ్చింది. దీని ప్రకారం... మాతృకలో అజిత్ పొట్టి జుట్టుతో కనిపించాడు. కాబట్టి రీమేక్లోనూ చిరు అలాంటి గెటప్తో కనిపించాల్సి ఉంటుందట. అయితే, దీనికి భిన్నంగా ఆయన గుండుతో ప్రయోగం చేయబోతున్నారని తెలుస్తోంది. తాజాగా వదిలిన ఫొటో అందులో భాగమేనని సమాచారం.