Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
‘భారీ’ నిర్మాతను కూడా పరుగులు పెట్టించాడే.. దేవీ మామూలోడు కాదు!!
తెలుగు నిర్మాతల్లో ఆకారంలోగానీ, నిర్మాణంలోగానీ, మంచితనంలో గానీ భారీ స్థాయిలో ఉండేది బీవీఎస్ఎన్ ప్రసాద్. ఆయన చిత్రాలు ఎంత రిచ్గా ఉంటాయో ఆయన మనసు కూడా అంతే రిచ్గా ఉంటాయి. ఆయనకు సంతోషం కలిగితే ఎంత చిన్న పిల్లవాడిగా మారిపోతాడో రాక్ స్టార్ దేవీ శ్రీ ప్రసాద్ నిరూపించాడు. అసలే చిన్న పిల్ల వాడి చేత కూడా స్టెప్పులు వేయించే దేవీ.. నిర్మాతతో వేయించడా. నేడు (ఆగస్టు 13) బీవీఎస్ఎన్ ప్రసాద్ బర్త్ డే సందర్భంగా పాత వీడియోను షేర్ చేశాడు దేవీ.
చత్రపతి, నాన్నకు ప్రేమతో, అత్తారింటికి దారేది వంటి బ్లాక్ బస్టర్లు, ఇండస్ట్రీ హిట్ కొట్టాడు నిర్మాత బీవీఎస్ఎన్ ప్రసాద్. సినిమాను క్వాలిటీగా తెరకెక్కించేందుకు డబ్బును నీళ్లలా వాడే నిర్మాతల్లో బీవీఎస్ఎన్ ఒకరు. అందుకే ఏ మాత్రం రాజీ పడకుండా ఆయన నిర్మించే చిత్రాల్లో ఆ రిచ్ నెస్ తెరపై అందరికీ కనిపిస్తుంది. నాన్నకు ప్రేమతో, అత్తారింటికి దారేది వంటి సినిమాలను చూస్తేనే ఆయన స్థాయి ఏంటో తెలుస్తుంది.
నేడు ఆయన బర్త్ డే సందర్భంగా దేవీ శ్రీ ప్రసాద్ పాత వీడియోను షేర్ చేశారు. నాన్నకు ప్రేమతో సినిమాలో భాగంగా ఐ వన్నా ఫాలో ఫాలో సాంగ్ను ఎన్టీఆర్ పాట పాడుతుండగా స్టూడియో జరిగిన దృశ్యాన్ని నేడు బయటపెట్టాడు. అందులో నిర్మాత ప్రసాద్ కూడా ఎంతో చలాకీగా ఎన్టీఆర్, దేవీలతో పాటు చిన్నగా స్టెప్పులు వేశారు.
ఫాలో అవుతున్నట్టు ఒకరి చుట్టూ ఒకరు చక్కర్లు కొట్టారు. ఈ వీడియోను దేవీ షేర్ చేస్తూ.. 'ఫిల్మ్ ఇండస్ట్రీలోని స్వీటెస్ట్ పర్సన్ అయిన భోగవల్లి ప్రసాద్ సర్కు హ్యాపీ మ్యూజికల్ బర్త్ డే.. ఆయనలోనూ ఓ పసివాడు ఉన్నాడు. అందువల్లే ఆయన ప్రేమలో పడిపోతారు అందరూ. లవ్యూ సర్.. మనం ఎప్పుడూ ఇలాగే డ్యాన్స్ చేస్తుండాల'ని కోరుకున్నాడు.