కె.రాఘవేంద్రరావు మొదటి పండు విసిరింది ఏవరి నడుముపై అంటే.. ఫస్ట్ నైట్ సాంగ్ తో రచ్చ రచ్చ

త్వరలో మరో సినిమా

దర్శకేంద్రుడు కె.రాఘవేంద్రరావు రావు కమర్షియల్ ఎలిమెంట్స్ ద్వారానే అన్ని వర్గాల ప్రేక్షకులను మెప్పించగలరని స్పెషల్ గా చెప్పనవసరం లేదు. ఎలాంటి సినిమా చేసినా కూడా అందులో వీలైనంత వరకు అన్ని నవరసాలు ఎమోషన్స్ ఉండేలా జాగ్రత్తలు తీసుకుంటారు. 108 సినిమాలను డైరెక్ట్ చేసిన ఆయన త్వరలో మరో పెళ్లి సందD సినిమా ద్వారా కూడా ఆడియెన్స్ ఆకట్టుకోవాలని అనుకుంటున్నారు.

ఆ విషయంలో నెంబర్ వన్

రాఘవేంద్రరావు అనగానే మొదట అందరికి గుర్తుకు వచ్చేది రొమాంటిక్ సాంగ్స్ అనే చెప్పాలి. ముఖ్యంగా హీరోయిన్స్ ను అందంగా చూపించే అతికొద్ది మంది దర్శకుల్లో ఆయన నెంబర్ వన్. అప్పట్లో జయాపజయాలతో సంబంధం లేకుండా ప్రతి ఒక్క హీరోయిన్ కె.రాఘవేంద్రరావు గారితో ఒక సినిమా చేయాలని అనుకునేవారు.

మెగాస్టార్ సినిమాలో..

ఇక ఇన్నేళ్ల కెరీర్ లో ఆయన మొదటి పండు ఎవరిపైన విసిరారు అనేది అందరిలో ఒక ప్రత్యేకమైన ఆసక్తిని కలిగిస్తోంది. అయితే మొదట ఈ ట్రెండ్ స్టార్ట్ చేసింది 1988లో. మెగాస్టార్ చిరంజీవి నటించిన మంచి దొంగ అనే ఆ సినిమాలో హీరోయిన్ నడుముపై వివిధ రకాల పండ్లను వేశారు. ఆ షాట్ అప్పట్లో హైలెట్ గా నిలిచింది.

ఆ హీరోయిన్ ఎవరంటే..

మంచి దొంగ సినిమాలో ఇద్దరు హీరోయిన్స్ నటించారు. విజయశాంతి, సుహాసిని ఇద్దరు మెగాస్టార్ కు జోడిగా కనిపించగా అందులో విజయశాంతి నడుము పైనే పండ్లు, పూలతో ప్రయోగాలు చేసి కొత్త స్టైల్ రొమాంటిక్ టచ్ ఇచ్చారు. 'బెడ్‌ లైటు తగ్గించనా' అనే ఆ ఫస్ట్ నైట్ సాంగ్ ఇప్పటికి కూడా బెస్ట్ రొమాంటిక్ సాంగ్ లలో ఒకటని చెప్పవచ్చు. ఆ తరువాత రాఘవేంద్రరావు పండ్ల ట్రెండ్ అన్ని రకాల సినిమాల్లో కొనసాగుతూ వచ్చింది.