భార్యతో రాజమౌళి ఫుల్ రొమాంటిక్.. జక్కన టాలెంట్ చేస్తే షాకే!

రాజమౌళి దంపతులు డ్యాన్స్

ఇప్పటి వరకు రాజమౌళి, రమా రాజమౌళిని కెమెరా వెనుక దర్శకుడిగా, డిజైనర్లుగానే చూశాం. అయితే కుమారుడి పెళ్లి వేడుక సందర్భంగా వారిలోని డ్యాన్స్ టాలెంట్ బయటపడింది. ఎట్టాగే ఉన్నావే ఓ లమ్మీ పాటకు రాజమౌళి దంపతులు చేసిన డ్యాన్స్ అభిమానులను విశేషంగా ఆకర్షిస్తున్నది.

2018 పోల్: ఈ హీరోలు, హీరోయిన్ల జాతకాలు మీ చేతుల్లోనే.. ఓట్ వేసి గెలిపించండి!

హీరో, హీరోయిన్లకు తీసి పోని విధంగా

ఎట్టాగే ఉన్నావే ఓ లమ్మీ పాటకు రాజమౌళి, రమా రాజమౌళి రెచ్చిపోయి స్పెప్పులు వేశారు. సినిమా హీరో, హీరోయిన్లకు ఏ మాత్రం తీసిపోని విధంగా స్టెప్పులతో ఆలరించారు. లయబద్దంగా వేసిన స్టెప్పులకు అభిమానులు చప్పట్లు మోగిస్తున్నారు. ప్రస్తుతం ఈ వీడియో యూట్యూబ్‌లో ట్రెండ్ అవుతున్నది.

గ్రాండ్‌గా హైదరాబాద్‌లో రిసెప్షన్

డిసెంబర్ 30న జైపూర్‌లో వివాహం తర్వాత సినీ, ఇతర ప్రముఖులకు రాజమౌళి హైదరాబాద్‌లో శనివారం గ్రాండ్ విందును ఏర్పాటు చేశారు. ఈ వివాహ విందుకు సినీ పరిశ్రమకు చెందిన ప్రముఖులు హాజరయ్యారు. కుమారుడి వివాహం సందర్భంగా ఇచ్చిన విందు టాక్ ఆఫ్ ది ఇండస్ట్రీ అయింది.

రెండో షెడ్యూల్‌లో RRR మూవీ

ఇక బాహుబలి తర్వాత రాజమౌళి RRR అనే సినిమాను తెరకెక్కిస్తున్నారు. RRR అంటే రామ రావణ రాజ్యం అని టైటిల్‌ గురించి చెప్పుకొంటున్నారు. మల్టీస్టారర్‌గా రూపొందుతున్న ఈ చిత్రంలో జూనియర్ ఎన్టీఆర్, రాంచరణ్ నటిస్తున్నారు. నవంబర్‌లో ప్రారంభమైన ఈ సినిమా షూటింగ్ తొలి షెడ్యూల్‌ను పూర్తి చేసుకొన్నది. త్వరలోనే భారీ సెట్టింగులు వేసి రెండో షెడ్యూల్‌ను ప్రారంభించనున్నారు.