తొమ్మిది స్పోర్ట్స్ కార్లు, డెస్టినేషన్ వెడ్డింగ్ ఎందుకు.. విరాట్ కోహ్లీని ఏకిపారేసిన కస్తూరి

విరాట్ కోహ్లీ అలా..

అందరికీ దీపావళి శుభాకాంక్షలు.. క్రాకర్స్ కాల్చకండి.. దీపావళి అంటే దీపాల పండుగ అంతే అంటూ ఓ వీడియోను పోస్ట్ చేశాడు. అలా దీపావళి నాడు టపాసులు కాల్చకండని చెప్పిన కోహ్లీ కొన్ని విషయాలను మరిచిపోయాడు. వాటిని నెటిజన్లు గుర్తు చేసి విరాట్ కోహ్లీని దారుణంగా ట్రోల్ చేశారు.

బర్త్ డే వేడుకలు..

విరాట్ కోహ్లీ బర్త్ డే వేడుకలు ఐపీఎల్ సీజన్‌లో జరిగింది. దుబాయ్‌లో గ్రాండ్‌గా సెలెబ్రేట్ చేశారు. అప్పుడు పెద్ద మొత్తంలో టపాసులను కాల్చి హంగామా చేశారు. అప్పుడు మాత్రం కాలుష్యం గురించి గుర్తుకు రాలేదా? అని నెటిజన్లు ఓ రేంజ్‌లో మండి పడుతున్నారు. తాజాగా కస్తూరి శంకర్ విరాట్ కోహ్లీని ఏకిపారేసింది.

తొమ్మిది కార్లు అవసరమా?

విరాట్ కోహ్లీ వీడియోపై కస్తూరీ ఫైర్ అయింది. సరే దీపావళికి క్రాకర్స్ వద్దు.. దీపాలు సరిపోతాయి.. అయితే తొమ్మిది స్పోర్ట్స్ కార్లు అవసరమా? వాయు, శబ్ద కాలుష్యం పెరగదా? ఓ బైక్ సరిపోతుంది కదా. చార్టెడ్ ఫ్లైట్స్‌లో డెస్టినేషన్ వెడ్డింగ్స్ ఎందుకు.. ఎయిర్ పోర్ట్స్‌లో ఓవర్ లోడ్ అవుతుంది.. చిన్నగా లోకల్‌నే రిజిస్టర్ మ్యారేజ్ చేసుకుంటే సరిపోదా అని చురకలు అంటించింది.

Recommended Video

Rowdy Baby Hits 1 Billion Views, Dhanush, Sai Pallavi Tweets

అది జీవనోపాధి...

కస్తూరి మరో ట్వీట్ చేస్తూ విరాట్ కోహ్లీ లాంటి యూత్ ఐకాన్ మాట్లాడేముందు కొన్ని ఆలోచించుకోవాలి.. దీపావళి క్రాకర్స్ తయారు చేస్తూ కొన్ని వేల మంది శివకాశిలో జీవనోపాధి కోసం శ్రమిస్తున్నారు. అది ఇండియాకు పుట్టిళ్లు వంటిది. దీపావళి అంటే వారికి అన్నం పెట్టే పండుగ. మీరు ప్రకటనలు ఇచ్చుకునే ఉత్పత్తులు కావంటూ సెటైర్లు వేసింది.