17ఏళ్ళ క్రితం మహేష్ వచ్చాడని మురిసిపోయిన ప్రభాస్.. పక్కనే ఇలా ఫొటో దిగి..

నిరాశచెందిన ప్రభాస్

రెబల్ స్టార్ కృష్ణంరాజు వారసుడిగా సినిమా ఇండస్ట్రీలోకి అడుగు పెట్టిన ప్రభాస్ ఈశ్వర్(2002) సినిమాతో హీరోగా పరిచయం అయ్యాడు. అయితే ఆ సినిమా ఆశించినంతగా సక్సెస్ కాలేదు. అనంతరం 2003లో కాస్త హై లెవెల్లో విడుదలైన రాఘవేంద్ర సినిమా డిజాస్టర్ గా నిలిచింది. ఆ సమయంలో ప్రభాస్ చాలా నిరాశచెందాడు.

ఎవరైనా వస్తే బావుండు అనుకుంటున్న టైమ్ లో

ఎలాగైనా ఒక్క సినిమాతో హిట్టు కొట్టాలని అనుకుంటున్న తరుణంలో వర్షం ఆఫర్ వచ్చింది. ఆ సినిమాను ఏంఎస్.రాజు నిర్మించగా శోభన్ డైరెక్ట్ చేశాడు. ఆ సినిమాకు దేవిశ్రీప్రసాద్ సంగీత అందించగా పాటలతోనే మంచి హైప్ వచ్చింది. సినిమాకు బజ్ క్రియేట్ చేయాలని ఎవరైనా స్టార్ హీరోను ప్రమోషన్ లోకి లాగలని అనుకున్నారు.

మహేష్ ను చూసి..

ఇక వర్షం ఆడియో వేడుకకు మహేష్ బాబు రావడంతో ప్రభాస్ చాలా మురిసిపోయాడట. ఎందుకంటే అప్పుడే ఒక్కడు సినిమా చేసి మహేష్ ఇండస్ట్రీ హిట్ అందుకున్నాడు. మాస్ జనాల్లో భారీగా క్రేజ్ కూడా వచ్చింది. ఇక ముందుగానే నిర్మాత దర్శకుడితో మంచి అబుబంధం ఉండడంతో మహేష్ సినిమా ఆడియో వేడుకకు ప్రత్యేక అతిథిగా వచ్చాడు.

మళ్ళీ చాలా కాలం తరువాత

ఇక సినిమా వేడుకలో మహేష్ బాబును కలుసుకున్న ప్రభాస్ డీసెంట్ గా నిలబడి ఒక ఫొటో కూడా దిగాడు. ఇక మళ్ళీ చాలా కాలం తరువాత శంకర్ దాదా ఎంబీబీఎస్ సినిమా సక్సెస్ పార్టీలో కలుసుకున్నారు. ఇక దిల్ రాజు తన పెళ్లి సందర్భంగా ఇచ్చిన ప్రత్యేకమైన పార్టీలో కూడా పక్కపక్కనే నిలబడి ఫోటోలకు స్టిల్ ఇచ్చారు.