చైతూ ఇంట్లో సమంతను అలా చూసి షాకయ్యా.. ఏకంగా రెండు గంటలు అదే పని: మురళీ మోహన్

భార్య ఇష్టాలను గౌరవిస్తున్న అక్కినేని హీరో

వాస్తవానికి చైతన్యతో సమంత వివాహం జరిగిన సమయంలో ఆమె సినిమాలకు దూరం కాబోతుందన్న ప్రచారం జోరుగా సాగింది. అయితే, తన భార్యకు నటనపై ఉన్న ఇష్టాన్ని గౌరవించిన అక్కినేని హీరో... సినిమాల్లో కొనసాగేందుకు అంగీకారం తెలిపాడు. అప్పటి వరకు సాఫీగా సాగిన సమంత కెరీర్.. వివాహం తర్వాత ఊపందుకుని మరిన్ని సినిమాలు చేసింది.

పెళ్లి తర్వాత సమంత అలా.. నాగ చైతన్య ఇలా

మరీ ముఖ్యంగా పెళ్లి తర్వాత సమంత వరుస విజయాలతో దూసుకుపోతోంది. ఈ క్రమంలోనే ‘అఆ', ‘జనతా గ్యారేజ్', ‘రంగస్థలం', ‘మహానటి', ‘యూటర్న్', ‘ఓ బేబీ' వంటి సూపర్ హిట్లను తన ఖాతాలో వేసుకుంది. తమిళంలోనూ ఆమె సత్తా చాటుతోంది. అయితే, నాగ చైతన్య కెరీర్ మాత్రం సాఫీగా సాగడం లేదు. వరుస పరాజయాలతో సతమతమవుతున్నాడు.

ఇద్దరూ కలిశారు.. అదిరిపోయే హిట్ కొట్టేశారు

వరుస విజయాలతో సమంత దూసుకుపోతుండగా.. చైతన్యను మాత్రం పరాజయాలు పలకరించాయి. ఈ నేపథ్యంలో భార్యభర్తలిద్దరూ కలిసి ‘మజిలీ' అనే సినిమా చేశారు. శివ నిర్వాణ తెరకెక్కించిన ఈ సినిమా సూపర్ హిట్ అవడంతో పాటు చైతూ కెరీర్‌లో బెస్ట్ మూవీగా నిలిచింది. దీని తర్వాత ‘వెంకీ మామ'తో మరో హిట్ అందుకున్నాడు అక్కినేని హీరో.

నాగ్ అడిగాడని చైతూకు నా ఇల్లు ఇచ్చాను

తాజాగా జరిగిన ఓ ఇంటర్వ్యూలో సీనియర్ యాక్టర్ మురళీ మోహన్.. నాగ చైతన్య, సమంత గురించి ఆసక్తికర విషయాలు వెల్లడించారు. ‘మేము 14వ అంతస్థులో స్విమ్మింగ్ ఫూల్, జిమ్‌తో పాటు అన్ని సౌకర్యాలతో మూడు ఇల్లు కట్టాము. అది చైతన్యకు నచ్చి అమ్మమని అడిగాడు. నేను కుదరదంటే నాగ్‌తో ఫోన్ చేయించాడు. దీంతో ఒక దానిని అమ్మేశాను' అని మురళీ మోహన్ చెప్పుకొచ్చారు.

Recommended Video

Naga Chaitanya Emotional Words On Police

చైతూ ఇంట్లో సమంతను అలా చూసి షాకయ్యా

సమంత గురించి మాట్లాడుతూ.. ‘చైసామ్ మా పక్కనే ఉంటారు. తరచూ లిప్ట్‌ దగ్గరో, జిమ్‌లోనో కలుస్తుంటారు. ఓ రోజు సమంత నాతో పాటు జిమ్ చేయడానికి వచ్చింది. నేను నా వర్కౌట్ కంప్లీట్ చేసి.. రెడీ అయి వచ్చినా ఆమె చేస్తూనే ఉంది. చూడ్డానికి చాలా సన్నగా ఉన్నా బరువులు ఎత్తేస్తుంటే చూసి షాకైపోయాను. ఆమె చాలా ప్రొఫెషనల్ అమ్మాయి' అని మురళీ మోహన్ వెల్లడించారు.