పవన్ రాజకీయాల్లో ఉన్నా నో యూజ్.. రీఎంట్రీ వెనుక రహస్యం ఇదే: సీనియర్ హీరో

సినిమాల్లో సూపర్ సక్సెస్.. అక్కడ మాత్రం..

దాదాపు ఇరవై ఏళ్లుగా సినిమాల్లో నటిస్తూ స్టార్ హీరోగా వెలుగొందుతున్నాడు పవర్ స్టార్ పవన్ కల్యాణ్. సుదీర్ఘమైన సినీ కెరీర్‌లో ఎన్నో మైలురాళ్లను చేరుకున్నాడు. అయితే, రాజకీయాల్లో మాత్రం పవన్‌కు అనుకూల ఫలితాలు రాలేదు. అప్పుడు ప్రజారాజ్యం వల్ల నష్టపోయిన ఆయనకు ఇప్పుడు జనసేన పార్టీ స్థాపించినా అదే తరహా పరిస్థితులు ఎదురవుతున్నాయి.

మళ్లీ మొదలు పెట్టిన పవన్.. సరికొత్తగా..

చాలా రోజుల పాటు రాజకీయాల్లో బిజీ బిజీగా గడిపిన పవన్ కల్యాణ్... సినిమాల్లోకి రీఎంట్రీ ఇస్తున్నాడు. ఈ క్రమంలోనే ఆయన ప్రస్తుతం వేణు శ్రీరామ్ దర్శకత్వంలో ‘వకీల్ సాబ్' అనే సినిమా చేస్తున్నాడు. ఇందులో పవర్ స్టార్ లాయర్‌గా కనిపించనున్నాడు. దిల్ రాజు బ్యానర్‌లో తెరకెక్కుతోన్న ఈ మూవీ.. బాలీవుడ్ ‘పింక్'కు రీమేక్‌గా వస్తున్న విషయం తెలిసిందే.

వాళ్లను కూడా లైన్‌లో పెట్టేసిన పవర్ స్టార్

‘వకీల్ సాబ్' సినిమా షూటింగ్ ప్రారంభం కాకముందే పవన్ కల్యాణ్.. మరో రెండు సినిమాలకు గ్రీన్ సిగ్నల్ ఇచ్చేశాడు. ఇందులో భాగంగానే క్రిష్ జాగర్లమూడి, హరీశ్ శంకర్‌ను లైన్‌లో పెట్టేశాడు. ఇందులో క్రిష్ తెరకెక్కించే సినిమా పిరియాడిక్ జోనర్‌లో రానుండగా... హరీశ్ తీసే సినిమా కమర్షియల్ ఎంటర్‌టైనర్‌గా రూపొందనుంది. వీటితో పాటు కొన్ని కథలను వింటున్నాడు పవన్.

సరికొత్త ప్రయోగాలు చేస్తున్న పవన్ కల్యాణ్

ప్రస్తుతం పవన్ కల్యాణ్ మూడు సినిమాలకు సంతకం చేసిన విషయం తెలిసిందే. వీటి కోసం ఆయన సరికొత్త ప్రయోగాలు చేస్తున్నారు. ముందుగా ‘వకీల్ సాబ్' కోసం నేచురల్ లుక్‌తో లాయర్‌గా కనిపిస్తుండగా.. క్రిష్ మూవీలో మాత్రం విగ్గుతో దర్శనమివ్వనున్నాడట. అలాగే, ఇందులో డుయల్ రోల్ కూడా చేస్తున్నాడని టాక్. హరీశ్ మూవీలో మాత్రం స్టైలిష్ లుక్‌లో ఉంటాడని టాక్.

పవన్ పొలిటికల్ కెరీర్‌పై షాకింగ్ కామెంట్స్

రాజకీయాలు చూసుకుంటూనే సినిమాల్లోకి రీఎంట్రీ ఇస్తున్నాడు పవన్ కల్యాణ్. దీంతో ఆయన దేశ వ్యాప్తంగా హాట్ టాపిక్ అయిపోయాడు. అదే సమయంలో ఆంధ్రప్రదేశ్‌లోని అధికార పార్టీ నేతల నుంచి విమర్శలు కూడా ఎదురవుతున్నాయి. ఈ నేపథ్యంలో పవర్ స్టార్ పొలిటికల్ కెరీర్‌ గురించి సీనియర్ హీరో మురళీ మోహన్ ఓ ఇంటర్వ్యూలో ఇంట్రెస్టింగ్ కామెంట్స్ చేశారు.

అప్పుడు చిరంజీవి... ఇప్పుడు పవన్ కల్యాణ్

సినీ ప్రముఖుల రాజకీయాల గురించి మురళీ మోహన్ మాట్లాడుతూ.. ‘సినిమా వాళ్లు రాజకీయాల్లో రాణిస్తారా అంటే కచ్చితంగా చెప్పలేము. అప్పుడు ఎన్టీఆర్‌కు ప్రజలు నీరాజనం పలికారు. తర్వాత చిరంజీవికి మాత్రం ప్రతికూల ఫలితాలొచ్చాయి. పవన్ కూడా ఓడిపోయారు. అయినప్పటికీ ఆయనలో ఫైర్ ఉంది. అందుకే ఎప్పటికైనా ఉన్నత స్థాయిలో నిలుస్తాడు' అని చెప్పుకొచ్చారు.

Recommended Video

Pawan Kalyan Fans Questions Tollywood Big Stars | Vijay Devarakonda

పవన్ కల్యాణ్ రాజకీయాల్లో ఉన్నా నో యూజ్

పవన్ కల్యాణ్ రీఎంట్రీ గురించి ప్రస్తావిస్తూ.. ‘ఏపీలో ఇప్పట్లో ఎన్నికలు రావు. దానికి నాలుగేళ్ల సమయం ఉంది. కాబట్టి ఇప్పుడు పవన్‌కు రాజకీయాలు వేస్ట్. అదే సమయంలో పార్టీకి ఆర్థిక అవసరాలు సమకూర్చుకోవాలి. అందుకోసమే ఆయన సినిమాల్లోకి రీఎంట్రీ ఇస్తున్నారు. ఆయన రెండు రంగాల్లోనూ రాణించాలని నేనూ కోరుకుంటున్నా' అని వివరించారాయన.