పెళ్లి రోజున.. చైతూకు సమంత ఎమోషనల్‌గా మెసేజ్.. ఏమని చెప్పారంటే..

పెళ్లి రోజున సమంత ఫొటో షేర్

తమ వివాహ వార్షికోత్సవాన్ని పురస్కరించుకొని ఓ క్యూట్ ఫొటోను షేర్ చేసింది. ఈ సందర్బంగా సమంత, చైతూకు అభిమానులు లెక్కలేనన్నీ శుభాకాంక్షలు తెలిపారు. తన జీవితంలోకి చైతూ రావడం మధురమైన అనుభూతి అని సమంత పేర్కొన్నది. గతేడాది గోవాలో ఘనంగా హిందూ, క్రిస్టియన్ సంప్రదాయం ప్రకారం పెళ్లి చేసుకొన్న సంగతి తెలిసిందే.

నీ కోసం ఇంటికి వచ్చే

చైతన్యను ఉద్దేశించి ప్రతీ రోజు నీ కోసం ఇంటికి వచ్చే క్షణాలు నా జీవితంలో గొప్ప విషయం. ఏడాది వైవాహిక జీవితంలో నీతో భాగమవ్వడం గొప్ప అనుభూతి. అందుకు చాలా గర్వంగా ఉంది అని సమంత ఇన్స్‌టాగ్రామ్‌లో ఫోటోను పెట్టింది.

అక్కినేని ఫ్యామిలీ వెకేషన్

దేవదాస్ చిత్రం రిలీజ్‌కు ముందే నాగచైతన్య, సమంత, అఖిల్ వెకేషన్ కోసం ఐబిజాకు వెళ్లారు. దేవదాస్ ప్రమోషన్ తర్వాత నాగార్జున, అమల వారితో జతకలిశారు. ఇటీవల వెకేషన్ పూర్తి చేసుకొని నాగార్జున కుటుంబం హైదరాబాద్‌కు తిరిగి వచ్చింది. ఈ సందర్భంగా డ్రీమ్డ్ హాలీడే పూర్తయింది. వాస్తవ జీవితంలోకి తిరిగి వచ్చాం అని నాగార్జున ఫేస్‌బుక్‌లో వెల్లడించారు.

శివ నిర్మాణ సినిమాలో

కెరీర్ పరంగా సమంత, నాగచైతన్య కలిసి ఓ చిత్రంలో నటించనున్నారు. నిన్ను కోరి చిత్రం దర్శకుడు శివ నిర్వాణ ఆ చిత్రానికి దర్శకుడిగా వ్యవహరిస్తారు. ఇంకా పేరుపెట్టని చిత్రం త్వరలోనే సెట్స్‌పైకి వెళ్తుంది.