కొణిదెల వారింట్లో పసుపు పండుగ.. నిహారిక ముఖంలో పెళ్లి కళ.. ఫ్యామిలీలో జోష్

Recommended Video

Niharika Engagement : నిరాడంబరం గా వేడుక, సెంటర్ ఆఫ్ అట్రాక్షన్ గా Allu Arjun || Oneindia Telugu

నిరాడంబరంగా ఎంగేజ్‌మెంట్

కరోనా పరిస్థితులు వెంటాడుతుండటంతో నిహారిక పెళ్లి నిశ్చితార్థం వేడుకను నిరాడంబరంగా జరిపించారు. ఈ కార్యక్రమానికి చిరంజీవి, రాంచరణ్, అల్లు అర్జున్, కల్యాణ్ దేవ్ దంపతులు హాజరయ్యారు. వరుణ్ తేజ్, సాయిధరమ్ తేజ్ వేడుకలో పాల్గొన్నారు. చైతన్య, నిహారిక కుటంబ కార్యక్రమంగానే ఈ వేడుక జరగడంతో అతిథులెవ్వరినీ ఆహ్వనించనట్టు సమాచారం.

పసుపు కొట్టే వేడుక

ఇక పెళ్లి ముహుర్తం సమీపిస్తున్న సమయంలో ఇంట్లో శుభ కార్యక్రమాలకు ప్రారంభించారు. పెళ్లికి మొదటి అడుగైన పసుపు కొట్టే కార్యక్రమాన్ని ముత్తైదువలను ఆహ్వానించి ప్రారంభించారు. ముత్తైదువలు కొట్టిన పసుపును పెళ్లి కార్యక్రమాల్లో ఉపయోగించడం హిందూ సంప్రదాయంలో ఆనవాయితీ అనే విషయం తెలిసిందే.

పవిత్రమైన శుభ కార్యక్రమంలో

పెళ్లికి ముందు పవిత్రంగా భావించే పసుపు కొట్టే వేడుక కోసం ఇంటిని అందంగా అలకరించారు. పలు రకాల పూలతో ఇంటిని శోభయమానంగా మార్చారు. ఇంటికి అతిథులను ఆహ్వానించి ఈ వేడుకను ఘనంగా నిర్వహించారు.

కొణిదెల ఫ్యామిలీలో సంతోష క్షణాలు

పసుపు కొట్టే వేడుక సందర్భంగా కొణిదెల ఫ్యామిలీలో సంతోష క్షణాలు వెల్లివిరిసాయి. కుటుంబ సభ్యులంతా కలిసి ఈ వేడుకలో పాల్గొన్నారు. ఈ వేడుకలో నాగబాబు బంధువులు, స్నేహితులకు సంబంధించిన కుటుంబ సభ్యులు పాల్గొన్నారు.

సురేఖ సతీమణి చేతుల మీదుగా

నాగబాబు ఇంట్లో జరిగిన శుభకార్యక్రమానికి మెగాస్టార్ చిరంజీవి సతీమణి సురేఖ తదితరులు హాజరయ్యారు. ఈ సందర్భంగా సంప్రదాయంగా పెళ్లి పనులకు అంకురార్పణ జరిపించారు.

నిహారికతో చిరంజీవి కూతుళ్లు

సోదరి నిహారిక పెళ్లికి హాజరైన మెగాస్టార్ చిరంజీవి కూతుళ్లు సుస్మిత, శ్రీజ. తన సోదరి నిహారికతో కలిసి పసుపు దంచుతూ వేడుకలో పాల్గొన్నారు.

కొణిదెల ఫ్యామిలీ సభ్యులతో

పసుపు వేడుకకు హాజరైన చిరంజీవి సోదరిమణులతో నాగబాబు సతీమణి, నిహారిక, శ్రీజ. ఫ్యామిలీ సభ్యులందరూ హాజరు కావడంతో ఈ వేడుక కళకళలాడింది.

స్నేహితులతో నిహారిక

తమ ఇంట్లో జరిగిన శుభ కార్యక్రమానికి హాజరైన స్నేహితులతో కలిసి ఆనంద క్షణాలు పంచుకొంటున్న నిహారిక

తల్లితో ప్రేమగా నిహారిక

పసుపు వేడుకలో తల్లిని ప్రేమతో ముద్దాడుతున్న నిహారిక కొణిదెల