For Quick Alerts
    ALLOW NOTIFICATIONS  
    For Daily Alerts

    సరికొత్తగా ఎన్టీఆర్.. ఆన్‌లైన్ వేదికల్లో వైరల్ పిక్

    |

    ఇప్పుడున్న స్టార్ హీరోల్లో యంగ్ టైగర్ ఎన్టీఆర్‌కి ఉన్న ఫాలోయింగే వేరు. క్లాస్, మాస్ అనే తేడా లేకుండా అశేష అభిమాన వర్గాన్ని కూడగట్టుకున్న ఎన్టీఆర్ వరుస సినిమాలతో అలరిస్తూ వస్తున్నాడు. ప్రస్తుతం ఈ యంగ్ టైగర్‌తో సినిమాలు చేసేందుకు పోటీ పడుతున్నారు దర్శకనిర్మాతలు. ఇక నందమూరి ఫ్యాన్స్ అయితే ఎన్టీఆర్‌పై అభిమానాన్ని చాటుకుంటూ సోషల్ మీడియాలో హంగామా చేస్తున్నారు.

    ఈ నేపథ్యంలోనే తాజాగా ఓ అభిమాని ఎన్టీఆర్ ఫొటో రూపొందించి ఫేస్‌బుక్ వేదికగా పంచుకోవడంతో అది కాస్త వైరల్ అయింది. ఎన్టీఆర్ మీదున్న అభిమానంతో ఆయన సినిమా పేర్లను జత చేస్తూ తారక్ ఫోటోను ఎడిట్ చేశాడు ఆ అభిమాని. ప్రస్తుతం ఆన్‌లైన్ వేదికలపై తెగ చెక్కర్లు కొడుతున్న ఈ ఫొటో చూసి మురిసిపోతున్నారు ఎన్టీఆర్ ఫ్యాన్స్. గతంలో కూడా ఇలాగే ఎన్టీఆర్‌కి సంబంధించి పలు ఫ్యాన్ మేడ్ పోస్టర్స్ హల్చల్ చేసిన సంగతి తెలిసిందే.

    NTR Latest Pic Viral On Social Media

    ఇక ఎన్టీఆర్ సినిమాల విషయానికొస్తే.. ప్రస్తుతం రాజమౌళి దర్శకత్వంలో రూపుదిద్దుకుంటున్న RRR లో నటిస్తున్నాడు ఎన్టీఆర్. ఈ సినిమాలో ఎన్టీఆర్‌తో పాటు మెగా పవర్ స్టార్ రామ్ చరణ్ కూడా అలరించనున్నాడు. ప్రస్తుతం ఈ సినిమా చిత్రీకరణ దశలో ఉంది. చిత్రంలో ఆలియా భట్ సహా పలువురు బాలీవుడ్ తారలు నటిస్తున్నారు.

    RRRలో మన్యం వీరుడు అల్లూరి సీతారామరాజు పాత్రలో రామ్ చరణ్ నటిస్తుండగా, ఆదివాసీ పోరాట యోధుడు కొమరం భీం పాత్రలో ఎన్టీఆర్ కనిపించబోతున్నారు. ఈ సినిమాపై ఇటు నందమూరి అటు మెగా అభిమానులు ఆసక్తిగా ఎదురు చూస్తున్నారు. భారీ అంచనాల నడుమ జులై 30న ఈ సినిమా విడుదల కానుంది.

    English summary
    Young tiger NTR now acting in Rajamouli's RRR. This movie shooting successfully going on. Now one fan made poster of NTR is viral on social media.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X