2018లో ఈ చిత్రాలకే కాసులు పంట.. 5 వేల కోట్లు ఖర్చు.. బాక్సాఫీస్‌పై కనక వర్షం!

పద్మావతి చిత్రం

వివాదాస్పద చిత్రంగా వార్తల్లో నిలిచిన పద్మావతి చిత్రం ప్రపంచవ్యాప్తంగా అన్ని వర్గాల ప్రేక్షకుల ఆదరణను చూరగొన్నది. రూ.190 కోట్ల బడ్జెట్‌తో రూపొందిస్తే.. ప్రపంచవ్యాప్తంగా ఈ చిత్రం రూ.585 కోట్లు వసూలు చేసింది. ఈ చిత్రంలో నటించిన దీపికా పదుకోన్, రణ్‌వీర్ సింగ్, షాహీద్ కపూర్‌కు మంచి పేరు వచ్చాయి.

నిర్మాతలకు బదాయి హో

తక్కువ బడ్జెట్‌తో అంచనాలు లేకుండా ప్రేక్షకుల ముందుకు వచ్చిన చిత్రం బదాయి హో. ఈ చిత్రంలో ఆయుష్మాన్ ఖురానా, నీనా గుప్తా, గజరాజ్ రావు, సన్యా మల్హోత్రా తదితరులు నటించారు. ఈ చిత్రం రూ.29 కోట్లతో రూపొందగా, ప్రపంచవ్యాప్తంగా రూ.221 కోట్లు సాధించింది.

కలెక్షన్లలో రాజీపడని చిత్రంగా రాజీ

ప్రముఖ రచయిత హరిందర్ సిక్కా నవల సెహమత్ ఆధారంగా రూపొందిన చిత్రం రాజీ. ఈ చిత్రంలో అలియా భట్ హీరోయిన్‌గా, వికీ కౌశల్ కీలక పాత్రల్లో నటించారు. ఈ చిత్రం రూ.40 కోట్లతో రూపొందగా, వరల్డ్ వైడ్‌గా రూ.193 కోట్లు సాధించింది.

తెరపైన సంజయ్ జీవితం సంజూ

ప్రముఖ బాలీవుడ్ నటుడు సంజయ్ దత్ జీవితం ఆధారంగా రూపొందిన చిత్రం సంజూ. రాజ్ కుమార్ హిరాణి దర్శకత్వంలో రూపొందిన ఈ చిత్రంలో సంజయ్ దత్‌గా రణబీర్ కపూర్ నటించాడు. ఈ చిత్రం రూ.578 కోట్లు సంపాదించడం ఓ రికార్డు.

బాలీవుడ్‌లో 2.0 హంగామా

సెన్సేషనల్ డైరెక్టర్ రజనీకాంత్, అక్షయ్ కుమార్ కాంబినేషన్‌లో ప్రముఖ దర్శకుడు శంకర్ రూపొందించిన చిత్రం 2.0. ఈ చిత్రాన్ని భారీగా రూ.550 కోట్లతో తెరకెక్కించారు. అత్యంత సాంకేతికంగా, 3డీ టెక్నాలజీతో రూపొందించిన చిత్రం అన్ని వర్గాల ప్రేక్షకులను ఆకట్టుకొన్నది. ఈ చిత్రం ప్రపంచవ్యాప్తంగా రూ.750 కోట్లు వసూలు చేసింది.

కలెక్షన్లతో ముంచెత్తిన స్త్రీ మూవీ

బాలీవుడ్‌లో ఇక ఎలాంటి అంచనాలు లేకుండా వచ్చిన చిత్రం స్త్రీ. శ్రద్ధాకపూర్, రాజ్ కుమార్ రావు నటించిన ఈ చిత్రం హారర్, కామెడీగా రూపొందింది. సుమారు రూ.20 కోట్లతో రూపొందిన ఈ చిత్రం రూ.130 కోట్లు వసూలు చేసింది. చిన్న చిత్రాల్లో స్త్రీ చిత్రం అగ్రస్థానంలో నిలిచింది.

100 కోట్ల సోను కి స్వీటి

చిన్న చిత్రాల్లో భారీ విజయం సాధించిన చిత్రం సోను కె టిటూ కి స్వీటి. ఈ చిత్రం కూడా ఎలాంటి టాక్ లేకుండా ప్రేక్షకుల ముందుకు వచ్చింది. తక్కువ బడ్జెట్, స్టార్ హీరోలు, హీరోయిన్లు లేని చిత్రం రూ.100 కోట్లు సంపాదించింది.