Don't Miss!
- News తండ్రైన ముఖ్యమంత్రి: తొలి నేతగా రికార్డ్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
'ఎన్టీఆర్ని చూసి భయమేసింది.. రాఘవేంద్ర రావు, మోహన్ బాబు ఫోర్స్ చేశారు'
Recommended Video
విశ్వవిఖ్యాత నటుడు, దివంగత ముఖ్యమంత్రి నందమూరి తారక రామారావు గురించి కొన్ని ఆసక్తికర విషయాలను చెప్పారు సీనియర్ రచయిత పరుచూరి గోపాలకృష్ణ. పరుచూరి పలుకులు అనే యూ ట్యూబ్ ఛానెల్ ద్వారా సినిమా సంగతులు, విశ్లేషణలు ప్రేక్షకులతో పంచుకుంటున్న ఆయన.. తన తాజా వీడియో ద్వారా ఎన్టీఆర్ కెరీర్లో ది బెస్ట్ మూవీగా నిలిచిన మేజర్ చంద్రకాంత్ సినిమా విశేషాలు, ఆ సినిమా సమయంలో ఎన్టీఆర్ ఆరోగ్యం లాంటి విషయాలు వెల్లడించారు. ఆయన చెప్పిన ఆ వివారాలు చూస్తే..
ఎన్టీఆర్ ఆరోగ్యం కాస్త కుదుటగా లేకపోవడంతో చంద్రబాబు
ఓ రోజు అన్నగారు నన్ను పిలిచి ఒక కథ రాయండి బ్రదర్.. సినిమా చేద్దాం అన్నారు. సరే అని చెప్పాము. అయితే ఆ సమయంలో ఎన్టీఆర్ ఆరోగ్యం కాస్త కుదుటగా లేకపోవడంతో చంద్రబాబు వచ్చి తొందరపడకండి.. ఆయన ఎమోషనల్గా నటించాడంటే మళ్ళీ ఆరోగ్యం చెడిపోతుంది అన్నారు. దీంతో అన్నగారి ఆరోగ్యం గురించి ఆలోచించి మేము కథ రాయలేదు అని పరుచూరి చెప్పారు.
భయమేసింది ఆయనకు కనిపించకుండా తప్పించుకొని
అయితే ఓ రోజు దగ్గరి వారింట్లో ఫంక్షన్ కి వెళ్ళాం. అక్కడ ఆయన కనిపించడంతో కథ ఆడుతాడేమోనని భయమేసి తప్పించుకొని వెళ్లబోయా.. కానీ ఆయన వెనక నుంచి వచ్చి వీపుపై ఒక్కటి చరిచారు. ''దొంగా.. కథ చెప్పాల్సి వస్తుందని పారిపోతున్నావా'' అన్నారు. దీంతో ఏం చేయాలో తోచక కథ రెడీగా ఉందని చెప్పేశా. వెంటనే ఆయన తీసుకురా అన్నాడు. ఈ విషయంలో అన్నయ పరుచూరి వెంకటేశ్వరరావుకు చెప్పడంతో ఓ రోజు రాత్రంతా కూర్చొని మేజర్ చంద్రకాంత్ కథ రాశారు అని చెప్పాడు గోపాలకృష్ణ.
రాఘవేంద్ర రావు, మోహన్ బాబు ఒత్తిడి
ఆ కథను ఎన్టీఆర్ వద్దకు తీసుకుపోయి కథ చెబుతుంటే.. ఏడో నిమిషంలోనే షూటింగ్ స్టార్ట్ చేద్దాం అనేశారు. మాసాబ్ ట్యాంక్ వద్ద షూటింగ్ మొదలైంది. ఆ టైమ్ లో మంత్రి పాత్ర వేసే నటుడు షూటింగ్ స్పాట్ కి రాకపోవడంతో రాఘవేంద్ర రావు, మోహన్ బాబు ఒత్తిడి చేసి నాతో మంత్రి పాత్ర చేయించారు. షూటింగ్ లో భాగంగా ఓ సన్నివేశంలో నాపై కోప్పడుతూ డైలాగ్ చెప్పాలి. అందుకు అన్నగారు ఒప్పుకోలేదు. అలా డైలాగ్ చెప్పాలంటే నన్ను తీసేసి వేరే నటుడిని పెట్టమని చెప్పారు. ఆ మాట విని అక్కడున్న వారంతా ఆశ్చర్య పోయారు.. అని గోపాలకృష్ణ పేర్కొన్నారు.
నేనసలు ఆ పెళ్ళికి వెళ్లకపోయుంటే..
అలా అలా మేజర్ చంద్రాకాత్ షూటింగ్ కంప్లీట్ చేశాం. చివరగా ఎన్టీఆర్ చేసిన డబ్బింగ్ మాత్రం సరిగా రాలేదు. ఈ విషయమా ఆయనతో నేరుగా చెప్పా. వెంటనే మళ్లీ చేద్దాం అన్నారు. ఆ సమయంలో ఆయన ఎన్నికల ప్రచారానికి వెళ్లి వచ్చిన మరుసటి రోజు డబ్బింగ్ చెప్పారు. అందుకే గొంతు కాస్త బొంగురు పోయినట్లు అనిపించింది. నేనసలు ఆ పెళ్ళికి వెళ్లకపోయుంటే..ఈ మేజర్ చంద్రకాంత్ కథ పుట్టేదో!లేదో ! అని చెప్పారు పరుచూరి.
కొత్త దర్శకులకు సలహా
మేజర్ చంద్రకాంత్ అనుభవాలు చెబుతూ చివరగా కొత్త దర్శకులకు ఓ విలువైన సలహా ఇచ్చారు ప్రచురి గోపాలకృష్ణ. సినిమా బాగారావాలి అంటే సారైనా కారణం చెప్పి ఎంత పెద్ద నటుడినైనా ఒప్పించుకోవచ్చు. పెద్ద హీరోలని ఎప్పుడూ భయపడొద్దు. మంచి చెబితే వారు వినడానికి ఎప్పుడూ రెడీగా ఉంటారు అని చెప్పి ముగించారు పరుచూరి.