ఆయనకు వ్యతిరేకంగా మాట్లాడమని ఉసిగొల్పాడు.. ఆ దర్శకుడి గుట్టు విప్పిన పూనమ్ కౌర్

పవర్ స్టార్ పేరిట..

బ్రేకింగ్ న్యూస్ అంటూ వర్మ మళ్లీ ప్రకంపనలు సృష్టించాడు. పవర్ స్టార్ అనేది తన తదుపరి చిత్ర టైటిల్ అని అందులో నలుగురు పిల్లలు, ఎనిమిది బర్రెలు, ఓ రష్యన్ మహిళా ఉంటుందని చెప్పుకొచ్చాడు. అంతేకాకుండా టిక్ టాక్ ఫేమ్ పవన్ కళ్యాణ్ తన హీరో అని ప్రకటించాడు. అయితే అతను ఎవరిలా అయినా కనిపిస్తుంటే, అనిపిస్తుంటే అది తన తప్పు కాదన్నట్టుగా తెలిపాడు.

స్పందించిన పూనమ్..

వర్మ తన సినిమా గురించి ప్రకటించిన వెంటనే పూనమ్ స్పందించింది. ఈ సినిమాలో ఆర్జీవీ కూడా జత చేయండని కోరింది. అమ్మాయిల బలహీనతలు తెలుసుకుని, వారిని తీవ్ర దూషణలు చేసేలా రెచ్చగొట్టడం, మళ్లీ ట్వీట్ల స్క్రీన్ షాట్లను మీడియాతో పంచుకోవడం లాంటివి చేసే వాడి పాత్రను కూడా పెట్టండని తెలిపింది. తాను నిన్న చిన్నతనంలో ఎంతో గౌరవించానని, కానీ ఇప్పుడు ఎంతో బాధగా ఉందని చెప్పుకొచ్చింది.

అలా రెచ్చగొట్టాడు..

ఓ డైరెక్టర్ ఓ వ్యక్తికి వ్యతిరేకంగా మాట్లాడాలని తన బ్రెయిన్‌ను దాదాపు గంటసేపు వాష్ చేశాడని గతంలో జరిగిన విషయాలను తవ్వింది పూనమ్ కౌర్. తనకు ఆ డైరెక్టర్ పంపిన ఆ మెసెజ్‌లను సదరు పార్టీ ప్రతినిధులకు పంపానని తెలిపింది. అతని దురద్దేశాన్ని తనకు కొందరు మీడియా వారు తెలియజేశారని, కొందరైనా నిజాయితీ వ్యక్తులు ఉన్నందుకు దేవుడికి ధన్యవాదాలను తెలిపింది.

Recommended Video

Shruti Haasan Demands Huge Remuneration For Pawan Kalyan's Movie

నీకు వారు ఫండ్ ఇవ్వలేరు..

‘జియా ఖాన్ మరణం వెనుకున్న రహస్యాలు తెలుసుకోవాలి, ఇండస్ట్రీలోని నిజానిజాలు బయట పెట్టాలని కోరుకుంటున్నాను. మీరు ఆమె తల్లి బాధను అర్థం చేసుకున్నారని అనుకుంటాను.. మీకు వారెవ్వరూ ఫండ్ ఇవ్వరు.. మీకు దానితో ఎలాంటి లాభం ఉండదు..కాబట్టి మీరు వారిపై సినిమాలు తీయరు' అని పూనమ్ కౌర్ చేసిన వరుస ట్వీట్లు వైరల్ అవుతున్నాయి. నాడు పవన్ కళ్యాణ్‌ను బూతులు తిట్టమని శ్రీ రెడ్డిని ఉసిగొల్పింది ఆర్జీవేనన్న సంగతి అందరికీ తెలిసిందే.