ఈ సన్నాసి వల్ల మీ అన్న జీవితం నాశనం.. నెటిజన్‌కు పూనమ్ రిప్లై వైరల్

గత విషయాలను తవ్వింది..

తనకు బాగా లేనప్పటి సంగతుల గురించి పూనమ్ చెబుతూ.. ‘రిలేషన్ మెయింటైన్ చేసిన ఒక దర్శకుడి దగ్గరకు వెళ్లిన నా స్నేహితుడు. రెండు మూడు సార్లు నా పరిస్థితి గురించి వివరించాడు. ఆమె డిప్రెషన్ లో ఉందని ఈ సమయంలో ఆమెకు హెల్ప్ చేయాలని కోరాడు. కానీ దర్శకుడు మాత్రం పట్టించుకోకుండా అలానే లేట్ చేస్తూ వచ్చాడు. ఆ తరువాత నేనే వెళ్లి అతన్ని డైరెక్ట్ గా ప్రశ్నించాను.

ఒక్కరోజు వార్త అవుతుంది...

నేను నీతో మాట్లాడాలి అంటూ నా పరిస్థితిని ఈ డిప్రెషన్ ని మార్చగలవా అని అడిగాను. అంతే కాకుండా నాకు చచ్చిపోవాలని అనిపిస్తోంది అన్నాను. వెంటనే ఆ దర్శకుడు ఒక సమాధానం ఇచ్చాడు. నువ్వు చచ్చిపోతే ఏమి జరగదు. ఒక్కరోజు మాత్రమే న్యూస్ లో ఉంటావు అని అనగానే నాకు నా అసహ్యం వేసింది. మీడియాను, మూవీ మాఫియాను, అడ్వర్టైజ్‌మెంట్స్‌ను అతనే కంట్రోల్ చేస్తాడ'ని చెప్పుకొచ్చింది.

మీడియాలో వైరల్..

పూనమ్ చేసిన ఈ కామెంట్స్ తెగ వైరల్ అయ్యాయి. వీటిలో తాను పేరు ప్రస్థావించకపోయినా.. కొందరు త్రివిక్రమ్‌పైనే ఆరోపణలు చేసిందని రాశారు. దీంతో పూనమ్ మీడియాపై సెటైర్స్ వేసింది. బ్లడీ ట్రూత్ అంటూ, ఆ డైరెక్టర్ ఎంత ఇచ్చాడంటూ కామెంట్స్ చేసింది. అంతేకాకుండా ఓ మీడియాపై ఛలోక్తులు విసిరింది. అన్ని ముందుగానే తెలుస్తాయని కౌంటర్స్ వేసింది.

ఫిర్యాదు చేయండి..

అయితే ఈ ట్వీట్లను చూసిన ఓ నెటిజన్ దీనిపై లీగల్‌గా పోరాడాలని సలహా ఇచ్చాడు. దీంతో పూనమ్‌కు చిర్రెత్తినట్టుంది. సదరు నెటిజన్‌కు రిప్లై ఇస్తూ.. ‘మీ అన్న చెప్పారా? ఆయన ఓడిపోతే హ్యాపీగా ఉందా? ఆయన ఇన్‌సల్ట్ అయింది హ్యాపీగా ఉందా? చెప్పండి. మూడు పెళ్లిళ్లు అని అవమానం చేస్తుంటే హ్యాపీగా ఉందా? ఈ సన్నాసి వల్ల మీ అన్న జీవితం పాడైందని తెలియాలి.. నమస్తే' అంటూ చెప్పుకొచ్చింది.

Recommended Video

Sri Reddy Wishes Balakrishna & Slams Mega Family, Post Gone Viral

పాత న్యూస్..

అయితే వీటిపై మరో నెటిజన్ స్పందిస్తూ ఇది పాత న్యూస్ అంటూ తీసి పారేశాడు. అమ్మాయిల బాధలు మీకు పాత వార్తల్లా ఉంటాయ్ అందుకే ఇలాంటివి జరుగుతున్నాయని పూనమ్ తెలిపింది. దీనిపై ‘మా', పోలీసులకు ఫిర్యాదు చేయండని సలహా ఇస్తే.. ‘మా' కంప్లైట్స్ తీసుకోదని చెప్పుకొచ్చింది.