Don't Miss!
- Sports RCB vs KKR: 500 టీ20 మ్యాచ్ ఆడబోతున్న ఐపీఎల్ స్టార్.. మ్యాన్ ఆఫ్ మెయిడెన్ ఓవర్స్
- News వైసీపీకి చిక్కిన లోకేష్ ట్వీట్..ఆ వెంటనే ఏం చేశారంటే..?
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Lifestyle Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
RRR నుంచి రామ్ చరణ్ అప్డేట్: సడన్ సర్ప్రైజ్ ఇవ్వబోతున్న జక్కన్న టీమ్
తెలుగు సినీ ఇండస్ట్రీలోనే ప్రతిష్టాత్మకంగా తెరకెక్కుతోన్న చిత్రం RRR (రౌద్రం రణం రుధిరం). దర్శకధీరుడు రాజమౌళి రూపొందిస్తోన్న ఈ సినిమాలో టాలీవుడ్ స్టార్ హీరోలు జూనియర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తున్నారు. పాన్ ఇండియా రేంజ్తో రాబోతున్న ఈ సినిమాపై భారీ అంచనాలే ఉన్నాయి. అందుకు అనుగుణంగానే ఈ మూవీ రూపొందుతోంది. ఈ సినిమా షూటింగ్ దాదాపు రెండేళ్లుగా జరుగుతూనే ఉంది. దీంతో పలుమార్లు విడుదల తేదీ కూడా వాయిదా పడింది. దీనివల్ల అభిమానులు బాధ పడకుండా చిత్ర యూనిట్ ఏదో ఒక అప్డేట్ ఇస్తోంది.
RRR మూవీ రెగ్యూలర్ షూటింగ్ ప్రారంభమైన చాలా రోజుల వరకూ ఈ సినిమా నుంచి ఎటువంటి సర్ప్రైజ్లు రాలేదు. దీంతో చిత్ర యూనిట్పై ఫ్యాన్స్ ఫైర్ అయ్యారు. ఇలాంటి సమయంలో మొదటిగా టైటిల్ మోషన్ పోస్టర్ రిలీజ్ అయింది. దీనికి మంచి స్పందన వచ్చింది. ఆ తర్వాత రామ్ చరణ్ 'భీం ఫర్ రామరాజు', ఎన్టీఆర్ 'రామరాజు ఫర్ భీం' విడుదలయ్యాయి. ఈ రెండూ రికార్డులు క్రియేట్ చేశాయి. ఇక, ఇప్పుడు మరో సర్ప్రైజ్ ఇచ్చేందుకు ఈ మూవీ యూనిట్ సన్నాహాలు చేస్తోంది. ఈ మేరకు ట్విట్టర్లో ఓ అభిమాని అడిగిన ప్రశ్నకు సమాధానం కూడా చెప్పింది.
మార్చి 27న మెగా పవర్ స్టార్ రామ్ చరణ్ పుట్టినరోజు. దీనికి మరో వారం రోజులు మాత్రమే సమయం ఉంది. దీంతో ఓ మెగా అభిమాని ట్విట్టర్ వేదికగా.. 'మా హీరో రామ్ చరణ్ పుట్టినరోజు కచ్చితంగా వారం రోజులు మాత్రమే ఉంది. అప్డేట్స్ ఎప్పుడు ఇస్తారు అంకుల్స్?' అంటూ చిత్ర యూనిట్ను ప్రశ్నించాడు. అంతేకాదు, దీనికి నాలుగు నిర్మాణ సంస్థలను ట్యాగ్ చేశాడు. దీనిపై స్పందించిన RRR యూనిట్ 'ఈరోజు చెప్పేద్దాం' అంటూ రిప్లై ఇచ్చింది. దీంతో రామ్ చరణ్ అప్డేట్కు సంబంధించిన ప్రకటన శనివారమే రాబోతుందని అర్థం అయింది.