Rashmika Vijay Deverakonda's Wedding Live: దంపతులైన విజయ్ దేవరకొండ, రష్మిక మందన్న.. ఏడేళ్ల డేటింగ్‌కు తెర

కన్నడ సంప్రదాయం ప్రకారం విజయ్, రష్మిక మరోసారి ఇదే రోజు వివాహం చేసుకోనున్నారు. కన్నడలోని కొడవ సంప్రదాయం ప్రకారం రష్మికతో సాయంత్రం 4 గంటల సమయంలో విజయ్ కల్యాణం జరుగనున్నది.

గత ఏడేళ్లుగా డేటింగ్ చేస్తున్న రష్మిక, విజయ్ దేవరకొండ దంపతులుగా మారారు. రష్మిక మెడలో వేద బ్రహ్మణులు నిర్ణయించిన ముహుర్తం ప్రకారం 10.10 నిమిషాలకు వివాహం చేసుకొన్నారు. రాజస్థాన్‌లోని ఉదయ్‌పూర్‌లో వారి వివాహం జరిగింది.

టాలీవుడ్ సెన్సేషనల్ జంట విజయ్ దేవరకొండ, రష్మిక మందన్న (విరోష్) పెళ్లి వేడుకలు రాజస్థాన్ ఉదయపూర్‌లోని ITC మెమెంటోస్ (ఎకాయా ఉదయపూర్) హోటల్‌లో ఘనంగా జరుగుతున్నాయి. ఈ రోజు ఉదయం 7:30 గంటలకు బరాత్ కార్యక్రమం ప్రారంభమైంది. తెలుగు హిందూ సాంప్రదాయాల ప్రకారం ఉదయం 10:10 ముహూర్తంలో మొదటి వివాహం జరుగుతుంది.

రష్మిక, విజయ్ పెళ్లి సంబురాల సందర్భంగా ఆట విడుపుగా విరోష్ పేరుతో క్రికెట్ పోటీలను ఏర్పాటు చేశారు. దానికి విరోష్ ప్రీమియర్ లీగ్ అని పేరు పెట్టారు. ఈ పోటీలో విజయ్, రష్మిక జట్లు పాల్గొన్నాయి. ఇరు కుటుంబాల సభ్యులు ఈ మ్యాచ్‌లో పాలు పంచుకొన్నారు అని తెలిసింది.

విజయ్, రష్మిక పెళ్లికి ముఖేష్ అంబానీ సోదరుడు, పారిశ్రామిక వేత్త అనిల్ అంబానీ, టీనా దంపతులు హాజరయ్యారు.

విజయ్, రష్మిక వివాహానికి దేశంలోని అత్యంత సంపన్నుడు ముఖేష్ అంబానీ, ఆయన కూతురు ఇషా అంబానీ కూడా ఉదయ్‌పూర్‌కు చేరుకొన్నారు. వారికి ఇరు కుటుంబాల సభ్యులు ఘనంగా స్వాగతం పలికారు.

ఫిబ్రవరి 25వ తేదీన అర్జున్ రెడ్డి డైరెక్టర్ సందీప్ రెడ్డి వంగా ఉదయ్‌పూర్‌కు చేరుకొన్నారు. ఎయిర్‌పోర్ట్ నుంచి ఈవెంట్ జరిగే వేదికకు ప్రయాణమై వెళ్తూ మీడియా కంట చిక్కారు.

ఇక ఫిబ్రవరి 24వ తేదీన విజయ్, రష్మిక వివాహానికి పెళ్లిచూపులు డైరెక్టర్ తరుణ్ భాస్కర్, హీరోయిన్ ఇషా రెబ్బా ఉదయ్‌పూర్‌కు చేరుకొన్నారు. ఎయిర్‌పోర్టులో మీడియాకు వారు కనిపించారు.