పిల్ల కాదు.. పిడుగు: అన్నయ్యను ఆటపట్టించిన సితార.. మురిసిన మహేష్ బాబు!

మా అన్నయ్య ఫ్యామిలీ పిల్లాడు

‘‘హే గయ్స్.. నేను సితారను మాట్లాడుతున్నాను... మా అన్నయ్య గురించి ఓ విషయం చెప్పాలనుకుంటున్నాను. అతడు అమ్మా నాన్న లేకుండా ఒంటరిగా ట్రిప్ వెళ్లడానికి ఇష్టపడడు. ఫ్యామిలీని అంటిపెట్టుకుని ఉండే పిల్లాడు' అంటూ సితార అమెరికన్ ఇంగ్లిష్ యాసలో అదరగొట్టింది.

పిల్ల కాదు.. పిడుగు

పిట్ట కొంచెం.. కూత ఘనం అన్నట్లు సితార వయసులో గౌతమ్ కంటే చిన్నదే అయినా చిచ్చరపిడుగు లాంటి స్వభావం. పాప ఈ వయసులోనే ఇలా దడదడలాడిస్తుందంటే భవిష్యత్తులో ఏ స్థాయికి వెళుతుందో ఊహించడం కష్టమే.

సినిమాల వైపు వస్తుందా?

సినిమా కుటుంబంలో పుట్టిన సితార... భవిష్యత్తులో సినిమా రంగం వైపు వస్తుందా? లేదా? అనేది ఇప్పుడే చెప్పడం కష్టం. అయితే అందుకు అవకాశాలు ఎక్కువగానే ఉన్నాయి. తండ్రి మహేష్ బాబు పెద్ద సూపర్ స్టార్, తల్లి నమ్రత మాజీ మిస్ ఇండియా, నటి కావడం వల్ల ఈ వాదనకు మరింత బలం చేకూరుతోంది.

మహేష్ బాబు

మహేష్ బాబు సినిమాల విషయానికొస్తే... ప్రస్తుతం ఆయన వంశీ పైడిపల్లి దర్శకత్వంలో ‘మహర్షి' చిత్రం చేస్తున్నారు. దిల్ రాజు, అశ్వినీదత్ నిర్మిస్తున్న ఈ మూవీ ఏప్రిల్‌లో ప్రేక్షకుల ముందుకు రాబోతోంది.